Ծնողների համար

Մենք խոսում ենք Քրիստոսի մասին

մայրն ու երեխաները նստած են սեղանի շուրջ

Placeholder credit line

Հարգելի ծնողներ,

Նեփին ուսուցանել է իր ժողովրդին, թե որքան կարևոր է Տիրոջը դնել մեր կյանքի առաջնագծում: Նա գրել է. «Մենք խոսում ենք Քրիստոսի մասին, մենք հրճվում ենք Քրիստոսով, մենք քարոզում ենք Քրիստոսի մասին, մենք մարգարեանում ենք Քրստոսի մասին, և մենք գրում ենք մեր մարգարեությունների համաձայն, որ մեր զավակները կարողանան իմանալ, թե ինչ աղբյուրի նրանք կարող են ապավինել իրենց մեղքերի թողության համար» (2 Նեփի 25.26): Դուք կարող եք վերանայել հետևյալ հոդվածները ձեր ընտանիքի հետ՝ ուղղորդելու նրանց և մյուսներին, ում սիրում եք, դեպի Հիսուս Քրիստոսի ավետարանը, Նրա առաջնորդությունն ու իմաստուն սկզբունքները, որոնք կօգնեն մեզ փնտրել Նրան բուռն, ժամանակակից աշխարհում:

Ավետարանի քննարկումներ

Հիսուս Քրիստոսի ավետարանը բոլորի համար է

Բոլոր մարդիկ ավետարանի և Հիսուս Քրիստոսի Քավության տրամադրած հույսի և փրկագնման կարիքն ունեն: Ձեր ընտանիքի հետ քննարկեք որոշ ուսմունքներ երեց Ջեֆրի Ռ. Հոլլանդի հոդվածից այն մասին, թե ինչպես կարող եք սիրել, կիսվել և հրավիրել որևէ մեկին ստանալ և ընդունել Հիսուս Քրիստոսի ավետարանը (տես էջ 4):

Իմաստուն սկզբունքներ լրատվամիջոցների օգտագործման համար

Տեխնոլոգիան և լրատվամիջոցները օգտակար գործիքներ են, երբ ճիշտ են օգտագործվում: Վերանայեք որոշ առաջնորդող սկզբունքներ Էջ 22-ում և քննարկեք ձեր ընտանիքի չափորոշիչները լրատվամիջոցների օգտագործման համար: Օգտագործելով «խորհեք այս հարցի շուրջ» բաժինը, մտածեք, թե ինչն է լավ ընթանում և ինչը կարելի է բարելավել:

Հավատքով հետևենք Փրկչին

40-րդ էջի իր հոդվածում երեց Բենջամին Մ. Զ. Թայը կիսվում է չորս եղանակներով, թե ինչպես է Փրկիչը օգնում մեզ: Ձեր ընտանիքի հետ դրանք վերանայելուց հետո քննարկեք, թե ինչպես են օգնել ձեզ, երբ հավատքով հետևել եք Փրկչին:

Եկ, հետևիր ինձ. Ընտանեկան զվարճանք

Գտնել Քրիստոսին ամեն ինչում

2 Նեփի 11․4

Նեփին ցանկանում էր, որ իր ժողովուրդը հավատա Հիսուս Քրիստոսին և տեսնի, որ Մովսեսի օրենքը իրենց ուղղորդում է դեպի Փրկիչը: Նա ուսուցանել է. «Բոլոր բաները, որոնք աշխարհի սկզբից ի վեր, Աստծո կողմից, տրված են մարդուն, խորհրդանշում են նրան»:

Աստծո արարչագործությունները կարող են մեզ ուղղորդել դեպի Հիսուս Քրիստոսը, եթե մեր կենտրոնացումը հաստատապես Նրա վրա է: Նեփին սիրում էր ուսուցանել իր ժողովրդին Հիսուս Քրիստոսի և այն մասին, թե ինչպես էր Մովսեսի օրենքը նրանց ուղղորդում դեպի Նա:

Քննարկում. Սուրբ Զատիկի ժամանակակից խորհրդանիշները ինչպե՞ս են խորհրդանշում Քրիստոսին:

Օրինակ՝ ձու. նոր կյանքի խորհրդանիշ: Հիշեցնում է մեզ նոր կյանքի մասին՝ հարության միջոցով: Բացի այդ, երբ այն կոտրվում է, կարող է դատարկ գերեզմանի տեսք ունենալ, որը խորհրդանշում է Քրիստոսի դատարկ գերեզմանը:

Գառ.

Շուշան կամ ծաղիկներ.

Սուրբ Զատիկի ի՞նչ այլ ավանդույթներ ունի ձեր ընտանիքը, որոնք խորհրդանշում են Քրիստոսին:

Ներկայացվել է Բեքա Այլվորթ Ռայթի կողմից

Հիսուս Քրիստոսի դիմանկարը

Երիտասարդներին զորացնելու համար ամսագրից 

Այս ամսվա համարը հատուկ թողարկում է՝ «Հիսուս Քրիստոսը երիտասարդության ուժն է» թեմայով։

Կարդացեք Երեց Ջեֆրի Ռ. Հոլլանդի ուղերձն այն մասին, թե յուրաքանչյուր երիտասարդ ինչպես կարող է ուժ գտնել Հիսուս Քրիստոսում:

Գտեք հոդվածներ այն մասին, թե ինչպես է Փրկիչը զորացնում մեզ սթրեսի, տխրության, մեղքի, ամոթի, թուլության, աշխարհիկության և անհանգստության պահերին, ինչպես նաև հոդվածներ այն մասին, թե ինչպես է Նա զորացնում մեզ ծառայելու, պատրաստվելու և դառնալու համար:

Վայելեք ոգեշնչող պաստառներն ու արվեստի գործերը Փրկչի մասին:

Ընկեր ամսագրից

Ուրախ Զատիկ

Գտեք պատմություններ և միջոցառումներ, որոնք կօգնեն ձեր ընտանիքին ունենալ իմաստալից, Քրիստոսակենտրոն Զատիկ:

Պատրաստ գերագույն համաժողովին

Դուք ոգևորված եք հաջորդ ամիս համաժողովը դիտելու համար: Այս ամսվա Ընկեր ամսագիրը վարժություն ունի ձեր երեխաների համար, որը նրանք կարող են կատարել, մինչ լսում են համաժողովը:

Ապահով մնալ առցանց տիրույթում

Կարդացեք պատմություն մի աղջկա մասին, որը զգաց, որ Սուրբ Հոգին հուշում է իրեն դադարեցնել վատ տեսանյութեր դիտելը: Լրատվամիջոցների անվտանգության մասին ավելի շատ նյութեր կարող եք գտնել Friend.ChurchofJesusChrist.org կայքում:

Սովորեք Մորմոնի Գրքից

Գտեք շաբաթական միջոցառումներ, սուրբ գրությունների պատկերազարդ պատմություններ և ավելին, որոնք կօգնեն ձեր ընտանեկան սուրբ գրությունների ուսումնասիրությունը զվարճանք դարձնել: