Bwebwenato ko an Ijo Jokwe Ie
Lem̧ōņōņō ilo Jabōt eo Kōn Kaarmijete
Ripālele ro rej kab mare jen Sydney, Australia Oleni im Ana Ngungutau raar jino mour eo aer jān jar n̄an jeļā ta eo Irooj eaar likūt n̄an aero ekkatak. Ejjab to jen iien eo, Oleni ear bōk juon an 2 iiō contract n̄an ikkure in rugby n̄an juon club ijo ilo Griffith, juon bukwōn jidikdik jiljino awa jen Sydney. Ālkin eļap kar kōnono im jar kake, erro kar kālet n̄an bōke menin letok in im club eo eaar leļo̧k n̄an er wōneen ko im boņōj ko n̄an jipan̄ baam̧le eo emakūt im jino kar jokwe ilo jukjukinpād eo aer ro ekāāl.
Ripālele rein raar ilbōk, ke ekar iien ikkure, elōn̄ iaan ikkure ko raar jikejuuļ n̄an aolep raan in Jabōt. Ļōmņak eo m̧oktata aerro ekar kōn jipan̄ eo an club eo ke erro kar tōpar ijo. Chairman eo eaar kalikkar bwe Oleni aikujin kōļļāiki m̧uri eo an jān an ikkure ilo ikkure ko raar jikejuuļi.
Oleni ej ba, “Ke I kar ikkure ilo Sydney . . . aolep ikkure in rugby ko am wōj raar kōmman aolep raan in Jādede. Eaar menin kāāl n̄an n̄a, im iaar en̄jake an jab em̧m̧an aō ikkure ilo aolep raan in Jabōt . . . Ikar en̄jaake bwe ij aikujin kar kwaļo̧k n̄ūrbōktak in ippān club eo aō.”
Ejjab etto ālkin ekōnono eo COVID-19 kar jikrōk, im iien in eaar kāānjeļ n̄an iiō eo. Oleni ekar en̄jaake bwe menin ear juon uwaak n̄an jar eo an, ijoke contract eo ekar aitoļo̧k kitien n̄an bar ruo tok iiō innām bwe ļein en maron̄ ikkure ilo aolepen iien eo im joļo̧k aolepen m̧uri eo an ippān club eo.
Oleni eaar bar ba, “Ke ej epaaktok iien eo ekāāl in 2021, ikar kapilōk [chairman eo an club eo] bwe ijab maron̄ in ikkure ilo aolep raan in Jabōt im bwe imaron̄ pukōt juon wāween n̄an kōļļāik ļo̧k ta eo ikar m̧uri ki. Ļein eaar jiron̄ tok n̄a ke ewōr ruo kālet ko: ‘Ikkure bwe en jako’ ak ‘Kōļļāiki bwe en jako’. Ikar jeļā ilo ejjeļo̧k pere ke eaar juon men ejim̧we n̄an kōmmane ej n̄an kōjeparok kien eo an Irooj im E enaaj maron̄ letok juon iaļ.”
Ļein ekar kōnono ippen bisop eo an n̄an kaenōm̧m̧an im kapilōk im kar jeļā bwe kāālet eo an eaar jimwe. “Iaar bar kōjjeļāik ļo̧k chairman eo im kar jiron̄ e bwe ij [tin emakūt] jen club eo im naaj kōļļāik m̧uri eo aō. Rekar letok n̄an n̄a jon̄oul allōn̄ n̄an kōmmane menin.”
Ngungutau eo rekar errā bwe erro naaj kate er jerbal n̄an kōļļāik m̧uri eo aer im kate erro ilo kūr ko aerro āinwōt rikaki in jemenere ro. Erro kar tōmak bwe eļan̄n̄e erro naaj kōm̧m̧ane ijoko koņaerro, Irooj enaaj leļo̧k juon iaļ.
“Ālkin kāļet eo aō n̄an kōjeparok im kakwojarjar Raan in Jabōt . . . Jemedwōj Ilan̄ ekar kōjeram̧m̧an kōm ilo elōn̄ wāween ko. Kōjem ko raar peļļok im ikar bōk juon ļapļo̧k in wōneen ilo jerbal eo aō,” Oleni ej ba. Jet allōn̄ ko tokālik, Oleni eaar jino an make peejņej im maron̄ in kar mōkaj an kōļļāik m̧uri eo an club eo. Ripālele ro raar maron̄ in āliktata bar rool n̄an Sydney.
Ilo iien in raar call e Oleni bwe en ioone stake būreejtōn eo an, eo im kar karuwaineneik e n̄an jerbal āinwōt bisop an Griffith Ward, Riverina Stake. “Eaar juon menin ilbōk,” ļein eaar ba. “Jepļaak eo n̄an kapijuknen ekar lur im dānin kemjaaļaļ.” Ke erro rej tōprak ļo̧k, Oleni im Ana kar bukwelōlō ilo jar im kajjitōk ippān Jemed Ilan̄ kōn kaenōmman.
Oleni ej kemeemej ļo̧k: “Innām eaar ejja Jetōb eo wōt ekar bar kamool n̄an n̄a bwe ikar jab emakūt tok n̄an ijin jen Sydney n̄an ikkure rugby. Jema Ilan̄ ekar bōktok n̄a n̄an ijin bwe in jerbal n̄an ajiri ro Nejin im maron̄ in juon kein jerbal ilo kalōk aelōn̄ in Irooj eo An ilo mōttan jikin kallib in An. Kiiō, ejjeļo̧k ippem ļōmņak in jepļaak n̄an Sydney ijoke ļōmņak wōt in jerbal kōn aolepen būruwōm, kajoor, ļōmņak, im kajoor ilo kūr in. Emōj aō loe pein Irooj ilo jerbal in kwaļo̧k in aō jon̄an elukkuun ļap iakwe n̄an ward eo aō im jerbal in eļap.”
“Ijeļā aō Rilo̧mo̧o̧r ekar en̄taan kōn mour eo An kōn n̄a, im aolep men ij maron̄ in kōmmane ilo ukōt bōkā ej n̄an kajjieon̄ in pokake ilo kōjeparok kien ko An. N̄e Ij wōtlok jidik, ijeļā bwe ij maron̄ in bar oktak n̄an Pinmmuur eo An n̄an kotak eō im kakajoor eō n̄an wōnmaanļo̧k wōt. Kōjeparok im Kakwojarjar Raan in Jabōt ej juon kōjeramman. Ijeļā ilo ad ļoore kien in mour ko ad rej obrak kōn meram im māletlet n̄an kōjeramman ro jet ilo wiik in.”