Bwebwenato ko an Ijo Jokwe Ie
Ennaan eo an Rilo̧mo̧o̧r n̄an N̄a
Ikar apan̄ kōn nan̄inmej in ikumkum ium̧win jijlimjuon iiō kiiō im ikar en̄jake aō Rilo̧mo̧o̧r pād ippa ilo aolep bun̄tōn. Ekar em̧ōņōņō ippa ilo aō ājmour ļo̧k, im rejetake wōt eō ilo raan ko aō renana. Ekar jab likūt eō bwe in inepata wōt, im ewōr jejjo en̄jaake ko ij maron̄ jeeri kōn ewi wāween aō kar epaake tok E.
Juon en̄jaake emman ekar waļo̧k ilo iiō eo aō jinointata ilo jemenere. Kōm ekar ekkatak Bok in Mormon im iiō eo eaar lukkuun pen n̄an eō ilo nan̄inmej in kōļmenļo̧kijeņ. Ijoke ikar jipadpad wōt in bōk mejenkajjik eo rūkaki eo aō ekar kwaļo̧k im riiti Bok in Mormon eo jen jinoin n̄an jemļo̧kin (ej kab kein kajuon). Riiti menin eaar āinwōt meram io̧ļapļapin marok, im juon jota ikar riiti 3 Nipai 13:31–34. Jisōs ekar kōnono n̄an RiNipai ro, im ba:
Kōn menin kom̧in jab ļōmņak, im ba, Ta jenaaj m̧ōn̄ā? ak, Ta jenaaj idaak? ak, Kōn ta jenaaj ņa ballid?
Bwe Jemāmi Ilan̄ ejeļā bwe kom̧ij aikuji aolep men kein.
A kom̧in pukot aelōn̄ eo an Anij im an wānōk, im aolep men kein renaaj lewōj n̄an kom̧.
“Kōn menin kom̧in jab ļōmņak kōn ilju, bwe ilju enaaj ļōmņak kōn men ko an.”
Jetōb eo eaar itok n̄an ippa ke ikar riiti eoon ko, kōkalleik jeje eo ilo taļboon eo—kameejļo̧k, ļaini iumin, jiron̄ eō, menin ej n̄an am ron̄jake—im ikar en̄jake okmeeņen, āinwōt emōj letok juon būļan̄kōj, ron̄jake naan ko āinwōt n̄e Rilo̧mo̧o̧r make ej kōnono tok n̄an n̄a. Ij ilibōk wōt aolep iien ij riiti eoon ko kōnke relukkuun kajoor n̄an ron̄jake.
Kōn wōt jeje ko rekwojarjar, ijeļā Jemed Ilan̄ ejeļā aolep ikumkum ko aō. E ejeļā iien eo ij apan̄ aolep raan, im E ejeļā ta lukkuun menin aikuj eo n̄an ron̄jake n̄an en̄jake kaenōmman. Menin eaar āinwōt mōttan eo rejet āliktata ilo juon puzzle emōj kobaiki, im jān iien eo, ikar kālet n̄an kōļapļo̧k kapukōte aelōn̄ in lan̄, āinwōt an Jisōs Kraist kar kōmeļeļeik, n̄an kanne ijoko jet ilo pija eo. Iaar kōmmane ta eo imaron̄e n̄an keememej E iien otemjej, im jen iien in naan in kamool eo aō eaar eddōk ļo̧k jidik kōn jidik.
N̄an lukkun kameeje, ikumkum eo aō ekar jab jako. Ikar jab mōkaj in mour, ājmour eo aō eaar kiiō pidodo ļo̧k, ijoke ekar wōnmaanļo̧k wōt. Ak jen aō ekeijjele n̄an make n̄an Rilo̧mo̧o̧r, E ekar kadikļo̧k eddo eo ikar ineeke. Ikar mour. Imuri ilo men otemjej n̄an Jisōs Kraist, im ij wōnmaanļo̧k wōt im kajjieon̄ n̄an aelōn̄ eo an Anij. Riiti eoon ko eaar juon menin oktak ilo mour eo aō—iaar ukōtļo̧k eō make n̄an E im kar kapukōt E, im jeļā bwe aolep men ko ikar eddodo kaki renaaj kar juon raan tōprak.