O Le Aso Lenei e Faasoa Atu ai le Talalelei a le Faaola

Na tautino mai Peresitene Russell M. Nelson, “E le’i i ai lava se taimi i le talafaasolopito o le lalolagi [i lo le taimi nei] ua sili atu ona tāua patino le iloa e uiga i lo tatou Faaola ma le fitoitonu i le agaga o tagata soifua uma” (“Upumoni Mamā, Mataupu Faavae Mamā, ma Faaaliga Mamā,” Liahona, Nov. 2021, 6). O le mafuaaga lea tatou te talia ai le valaaulia ma le poloaiga a le Faaola e faasoa atu Lana talalelei (tagai Mataio 28:19).

O se galuega taua lenei e mafai ona tatou auai uma ai. I lenei lomiga, ua aoao mai ai Elder Quentin L. Cook o le Korama a Aposetolo e Toasefululua e faapea “o loo i ai avanoa i soo se mea e fesoasoani ai i isi ia o mai ia Keriso e ala i le faaalia o lo tatou alolofa, faasoa atu o tatou talitonuga, ma valaaulia i latou e auai faatasi ma i tatou ia lagonaina le olioli o le talalelei a Iesu Keriso” (itulau 4).

Matou te faafetai mo alii ma tamaitai talavou uma o loo auauna atu i se misiona e aoao atu po o se misiona auauna atu, ae e pei ona ou faaupuina i la’u tusiga i lenei lomiga, “Tatou te manaomia nisi, e toatele atu, i laina pito i luma—o se autau a faifeautalai ma tagata o le ekalesia.”

“O le aso lenei,” ou te faasoa atu foi, “mo i tatou e faaali atu ai uiga ma le lototele ma faasoa atu le talalelei a Iesu Keriso” (itulau 40). A o e suesue i taumafaiga faafaifeautalai a Amona, Apiso, ma isi i le Tusi a Mamona i lenei masina, ou te valaaulia outou ia tomanatu pe mafai faapefea ona e faasoa atu le olioli o le talalelei a le Faaola ia i latou o siomia oe.

Elder Eduardo Gavarret

O Le Fitugafulu