E i ai Lo’u Faamoemoe

Faamatalaga: O se aafiaga moni lava lenei na faasoa mai e se tasi sa sao mai i le faatautalaina/sauaina. Ua suia igoa ma faamatalaga e iloa ai.

A o o’u talavou, sa sauaina faaletino ma osofaia a’u i se faiga aiga faamalosi e se uo faaleaiga. O ia o se tagata na faaaloalogia ma ou talitonuina. O mea uma sa ou manatu sa ou iloa e uiga i le olaga ua suia.

Na ou ola ae i le aoaoina ina ia ou fiafia pe a ou i ai faatasi ma isi tagata. O le auala lea na ou taulimaina ai luitau uma o le olaga, ma taunuuga o osofaiga sa leai se eseesega. I tagata na siomia a’u, sa ou foliga manuia. Sa faaauau pea ona ou maua togi lelei ma auai atu i ‘au taaalo pe a tuua le aoga, faapea foi isi gaoioiga faapitoa. Sa ou toaga i la’u uarota ma gaoioiga a le autalavou laiti. Ou te lei manao e iloa e se tasi le mea na tupu, ma sa ou faia mea uma ou te mafaia ina ia foliga masani.

Ae o le tele o lo’u taumafai ai, sa le mafai ona ou lafi mai le mea sa tupu. E ui i ou foliga vaaia, ae sa ou tauivi ma le atuatuvale, popole, ma le manu’a o le mafaufau. Sa ou taofia le toe pa’i mai o soo se tasi ia te a’u—e o’o lava i o’u matua, tuagane ma uso. I le aso, sa ou toe ola ai i le osofaiga na tupu e ala i le toe foi mai i lou mafaufau; i le po, sa ou toe ola ai i a’u miti. E oo lava i se taimi e tasi e faamafanafanaina ai e le tatalo e lagona ai le sili atu ona faigata ma e masani ona faaiuina i osofaiga tau faafefe.

Na faamata’uina a’u ina ia fasioti a’u e le tagata na osofaia a’u, ma e tele taimi na ou manatu ai, e sili atu pe na ona mulimuli lava i ana upu.

O le sailia o le puleaina ma se taui mai tiga o lagona, na ou liliu atu ai i tiga faaletagata lava ia o se ‘alofaga. Sa faatumuina a’u i le tele o le maasiasi, ma le le fiafia i mea na faia i lo’u tino lea e foliga mai e le afaina po o le a se isi mea e tupu ai. Sa ou tauivi e talitonu sa leai so’u aoga. I le mafai ona vavaeese mea na faia ia te a’u mai le tagata sa avea ai a’u, sa ou lagona lo’u le mama. E faapefea ona alofa moni le Atua ia te au? Ou te lei malamalama po o le a le uiga o le taulaga a le Faaola mo a’u, ma sa ou lagonaina le le toe mafai ona faaleleia. O nei mea sese, talitonuga le mama ua taitai atu ai i le leai o se talitonuina o le Tama Faalelagi ma taofia a’u mai lo’u alu atu moni ia te Ia.

I lea taimi, sa ou sailia le fesoasoani a se foma’i laiseneina ma se foma’i tipitipi. Sa ou iloaina sa ou manaomia se fesoasoani ma sa faamanuiaina i matua o e na aveina a’u e vaai le foma’i. O le faagasologa mo le faamalologa mai se vevesi o se mea e umi ma tiga, ae a’o o’u faatagaina o ia, na ia fesoasoani ia te a’u ia iloa auala e taulimaina ai lo’u tiga i se auala maloloina, sui mea e faaaoga ua faaleagaina sa ou faaaogaina. E ala atu i togafitiga na ou iloa ai le auala ua aafia ai lo’u olaga i mamanu lē lelei o mafaufauga lea na ou atinaeina i le mavae ai o le faiga faamalosi.

Sa ou iloaina, sa ou vavaeeseina foi a’u lava ia mai le Atua. Ioe, sa ou faia se filifiliga atamai e alu pea i le lotu. Ioe, na ou iloa ou te manao—ma manaomiaina le talalelei i lo’u olaga, ae sa le lava le malosi o la’u molimau e taofia ai lo’u masalosalo. O nei talitonuga o ni mea na sili ona faigata mo a’u e taulimaina ai ma tagai atu ai i manuia ma togafitiga faatulagaina.

I ni nai tausaga talu ona mavae le faiga aiga faamalosi ia te a’u, sa amata ona ou auai i le kolisi. O lenei vaitau fou i lo’u olaga na o’o mai ma se luitau mai lo’u epikopo ina ia faaleleia atili lo’u sootaga ma le Tama Faalelagi. Sa ou lē mautinoa pea pe mafai ona ou faia, pe ou te agavaa foi i mea na Ia ofoina mai, peitai sa ou naunau e taumafai.

O le mau i le Alema 32:27 na avea ma laina ola mo a’u: “Ae faauta, afai tou te ala mai ma fafagu o outou mafaufau, e oo i le tofotofo i au upu, ma faaaoga sina vaega itiiti o le faatuatua, ioe, e tusa pe ua le mafai ona e faia o se isi lava mea nai lo le fia talitonu, ia tuu lea manao e galue i totonu ia te oe, seia oo lava ina ia e talitonu ai i se ala e mafai ai ona e tuu ane o se avanoa mo se vaega o aʼu upu.” Ma sa i ai so’u manao ia faalatalata atili atu i lo’u Tama Faalelagi.

Sa ou iloa sa tele a’u galuega e tatau ona faia, ma ou te manao ia iloa po o fea ou te amata ai. I lena taimi, o le vaega malosi o la’u molimau sa faaogatotonuina i le Toefuataiga. Na ou iloa na maua e Iosefa Samita se tali o lana fesiili, o lea na tonu ai ia te a’u e ole atu i le Tama Faalelagi pe mafai faapefea ona ou latalata atili atu ia te Ia.

Na o’o mai le tali i se mafaufauga filemu. “Aoao po o ai A’u.”

Na ou mulimuli i lenei taiala e ala i le tuuina o a’u lava i tulaga e mafai ona ou aoaoina ai le talalelei. Na amata ona ou iloaina o le Tama Faalelagi sa i ai lava iina ma faatalitali mai mo a’u ia ou tuuina atu a’u lava ia taliaina o Ia. O le talepeina i lalo o puipui na ou fausia i luga i nai tausaga talu ai, sa o se faagasologa telegese, ae tumau. I lea taimi, o a’u tatalo ua masani lava ona manatua ai pea le tama lea na aioi i le Faaola e fai ma sui o lona atalii. “Le Alii e, ua ou faatuatua; ia e fesoasoani i lo’u le faatuatua” (Mareko 9:24). A o o’u aoao atili e uiga i le talalelei, na tuputupu a’e la’u molimau ma faaitiitia lo’u tuleiesea o le Tama Faalelagi.

Sa ou fiafia i taimi uma i le aoaoina, ae mo le taimi muamua i lo’u olaga na ou lagona ai le fiafia e suesue i le talalelei. Ma o le tele lava o lo’u aoao, o le tele foi lea o lo’u talitonu ma le tele foi lea o lo’u fiailoa. Na amata ona ou vaaia suiga i lo’u olaga, ma na amata ona faaitiitia aafiaga o le faiga faamalosi lea na tupu.

Na faaauau pea ona ou alu e vaai le foma’i pe a manaomia. O lena fesoasoani faapolofesa sa avea ma se vaega taua tele na faamaloloina ai a’u mai aafiaga faigata faafeusuaiga. Ua ou aoao pe faapefea ona ou iloa ou faalogona ma faailoa atu o’u mafaufauga ma amioga. O tomai faafetauia na ou aoaoina i togafitiga ua laveaiina ai lo’u ola i le sili atu ma le tasi se mea na tupu. O le taulai atu i lo’u atinaega faaleagaga ma lo’u soifua maloloina faalemafaufau o le mea tonu lea sa ou manaomia e fesoasoani ia te a’u ia ou tuputupu a’e pea.

O le a avea pea a’u ma se fafine na sauaina i se faiga aiga faamalosi, ae o lena mea na tupu o le a le aafia ai lo’u tulaga o a’u o se afafine o le Atua. O le lagona o le fa’atamaiaina, lē mama, po o le lē atoatoa o loo oso a’e pea i lo’u mafaufau, ae o lenei ua mafai ona ou manatuaina upu moni e faavavau e luitauina ai i latou. I laasaga uma ua ou faia, ua atili ai ona ou talitonu i na upumoni.

Ua ou aoao i le taua o le Togiola a Keriso ma le mana. E le gata na Ia togiolaina i tatou mai i a tatou agasala, ae ia faapaiaina i tatou ma mafai ona ausia tatou gafatiaga paia. Ou te talitonu o le mana e sui ai e sau mai le Faaola ma Lana Togiola. Ua ou talitonu i lo’u taua o se afafine o le Tama Faalelagi, ma ua ou iloa nei o lo’u Tama ma lo’u Faaola e alolofa tele ia te a’u nai lo le mea e mafai ona ou malamalama ai.

O le mea sili, ua ou a’oa’o e uiga i le natura o le Tama Faalelagi ma Iesu Keriso. E ala i le mulimuli i le musumusuga e a’oa’o atili ai po o ai moni i Laua, ua faailoa mai ia te a’u e mafai ona ou talitonu atoatoa ia i Laua ma le ala e faatino ai lena talitonu ma le faatuatua.

Sa masani ona ou lagonaina le tele o le pogisa. Ae o lo’u filifili e mulimuli i le talalelei a Iesu Keriso ua aumaia ai Lona malamalama lemafaatusalia i lo’u olaga. O lenei pe a ou tulimatai atu i luma, ua i ai lo’u faamoemoe.

Afai o oe po o se tasi e te iloaina ua faatautalaina/sauaina, saili vave le fesoasoani mai i pulega faalemalo, auaunaga e puipuia tamaiti, auaunaga e puipuia tagata matutua. E mafai foi ona e sailia le fesoasoani mai se fautua o se tagata na aafia po o se atamai faafomai po o se faafautuaga. O nei auaunaga e mafai ona fesoasoani e puipuia oe ma taofia isi sauaga. Tagai i le itulau “O i Ai i se Faalavelave” mo nisi faamatalaga.