1 Nifae 8

Tri blong laef

Insperesen drim blong Lihae

Wan naet, Lihae i bin gat wan drim we i kam long Lod. Hem i talem drim ia long famli blong hem.

1 Nifae 8:2–4

Long drim blong hem, Lihae i luk wan man we i werem wan waet klos. Man ia i talem long Lihae blong folem hem.

1 Nifae 8:5–6

Lihae i luk se hem i stap long wan spes we i emti mo tudak. Hem i wokbaot blong plante aoa. Be tudak ia i no lus nomo. Long en, Lihae i bin prea from help.

1 Nifae 8:7–8

Taem Lihae i finis blong prea, hem i luk wan bigfala fil. Long fil ia, i gat wan tri wetem ol waet frut. Lihae i ting se bae frut ia i mekem hem i hapi, mekem se hem i kakae. Sol blong hem i fulap long glad.

1 Nifae 8:9–12

Tes blong frut ia i gud i bitim evri narafala frut. Hem i swit mo i tes naes tumas. Lihae i wantem blong serem wetem famli blong hem. Hem i save se bae i mekem olgeta oli hapi tu. Lihae i luk Saraea, Sam, mo Nifae oli stap stanap long saed blong wan reva. I luk olsem se oli lus. Lihae i singaot i go long olgeta long wan laod voes. Hem i askem olgeta blong kam mo kakae frut ia.

1 Nifae 8:11–15

Saraea, Sam, mo Nifae oli kam long tri mo kakae frut. Lihae i lukaotem Leman mo Lemyul. Hem i bin wantem tufala blong kakae frut tu. Be tufala i no wantem kam blong kakae frut ia.

1 Nifae 8:16–18

Afta Lihae i bin luk wan rod wetem wan aean rel we i lid i go long tri ia. Hem i luk plante pipol oli stap wokbaot long rod ia. Kwiktaem, wan bigfala tudak i kam. Tudak ia i mekem i had blong lukluk. Wan wei ia nomo blong kasem tri ia, i blong holemtaet aean rel.

1 Nifae 8:19–24

Sam pipol oli lego rod ia mo oli lus. Ol narafalawan oli holem taet strong aean rel ia mo stap muv i go fored.

1 Nifae 8:23–24

Taem oli i kasem tri, oli kakae frut ia.

1 Nifae 8:24

Lihae i lukluk i go antap mo i luk wan bigfala bilding we i fulap long plante man. Oli jikim ol pipol we oli kakae frut ia. Sam long olgeta we oli bin kakae frut, oli filim nogud taem ol narawan oli laf long olgeta, mekem se oli aot long tri ia. Oli wokbaot i go longwe mo oli lus.

1 Nifae 8:25–28, 31–32

Long drim blong hem, Lihae i luk plante moa pipol we oli holemtaet strong aean rel ia. Oli muv i go fored step afta step kasem taem oli kasem tri. Oli nildaon long tri mo oli kakae frut ia. Oli no lisin long ol pipol long bilding. Oli jusum blong stap long tri ia.

1 Nifae 8:30, 33

Taem Lihae i wekap, hem i wari abaot Laman mo Lemyul. Tufala i no bin kakae frut long drim blong hem. Lihae i lavem Leman, mo Lemyul. Hem i bin hop se bae tufala i stap kolosap long Lod. Hem i invaetem tufala blong obei long ol komanmen blong God.

1 Nifae 8:36–38