“Jekob mo Serem,” Ol Stori blong Buk blong Momon (2023)
Jekob mo Serem
Testemoni blong wan profet abaot Jisas Kraes
Jekob i bin wan profet we i luk Jisas Kraes. Hem i wantem ol pipol blong bilif long Jisas. Jekob i tijim ol pipol blong obei ol komanmen blong God. Hem wok had blong tijim ol pipol abaot Jisas.
2 Nifae 11:2–3; Jekob 1:1–8, 17–19
Wan dei, wan man we nem blong hem Serem, i stat blong tijim ol pipol. Be Serem i tijim se Jisas i no tru. Serem i gud long saed blong toktok, mo plante Man blong Nifae oli biliv long wanem hem i talem. From hem, plante pipol oli stop blong stap biliv long Jisas. Serem i wantem tu blong Jekob i stop blong stap biliv long Jisas.
Serem i talem se i nogat wan we bae i save save wanem bae i hapen long fiuja. Hem i talem se hemia i minim se, nogat wan i save save sapos Jisas i tru, from se Jisas i no bin kam yet long wol. Be Jekob i talem se ol skripja mo evri profet oli bin tijim abaot Jisas. God i bin soem long Jekob se Jisas bae i kam long wol.
Serem i no biliv yet. Hem i wantem Jekob blong i soem wan saen se Jisas i tru.
Jekob i talem se Serem i save se Jisas bae i kam mo hem i no nidim wan saen. Be Jekob i talem se God bae i mekem ae blong Serem i dak blong sem se God i gat paoa mo Jisas i tru.
Kwiktaem, Serem i sik mo i foldaon long graon. Afta long plante dei, hem i save se bae hem i ded. Hem i talem long ol pipol se Setan i bin trikim hem. Hem i talem se hem i bin giaman long Lod. Hem i bin save ful taem ia se Jisas i tru. Afta Serem i ded. Ol pipol oli ridim ol skripja mo oli biliv long Jisas.