Alma 1

Gidion, Alma, mo Nihor

Stap stanap from trutok wetem ol toktok blong God

Ol Man blong Nifae oli jusum Yangfala Alma blong stap olsem jif jaj blong olgeta. Alma hem i wan hae pris blong Jos tu.

Mosaea 29:41–44

Wan man we nem blong hem Nihor i stat blong stap tijim ol pipol long wan samting we hem i singaotem toktok blong God. Be hem i stap tijim ol pipol se oli no nid blong obei long God o sakem sin.

Alma 1:2–4, 15

Plante pipol oli laekem mo bilivim wanem we Nihor i talem. Hem i wantem ol pipol blong givim mane long hem mo presem hem. Hem i ting se hem i moa gud long ol narafala pipol. Hem i bin mekem jos blong hemwan, mo plante pipol oli lisin long hem.

Alma 1:3, 5–6

Wan dei, Nihor i mitim wan olfala man we nem blong hem Gidion. Gidion i wan tija insaed long Jos blong God mo i bin mekem plante gudfala samting. Nihor i wantem ol pipol blong lego Jos, mekem se hem i rao wetem Gidion. Gidion i yusum ol toktok blong God blong soem se Nihor i no stap tijim trutok. !Nihor i kros! Hem i kilimded Gidion wetem naef blong faet blong hem.

Alma 1:7–9, 13

Ol pipol oli tekem Nihor i go long Alma blong oli jajem hem. Nihor i traem blong stanap from wanem we hem i bin mekem. Hem i no bin wantem kasem panismen.

Alma 1:10–11

Alma i talem se ol tijing blong Nihor oli rong mo i save spolem ol pipol. Alma i bin folem loa. From se Nihor i kilimded Gidion, oli mas kilimded Nihor

Alma 1:12–15

Bifo hem i ded, Nihor i talem long ol pipol se hem i giaman. Hem i no bin tijim toktok blong God. Nomata we Nihor i talem se hem i rong, plante pipol oli bin folem eksampol blong hem. Oli giaman long ol pipol blong oli presem olgeta mo karem mane. Be ol narafala pipol oli lisin long Alma. Oli lukaotgud long olgeta we oli pua mo obei ol komanmen blong God.

Alma 1:15–16, 25–30