“Tiankum mo Moronae,” Ol Stori blong Buk blong Momon (2023)
Tiankum mo Moronae
Stap soem bigfala strong tingting
Afta we Amalekaea i bin ded, brata blong hem Amoron i kam king blong Ol Man blong Leman. Amoron i gohed blong stap faet wetem Ol Man blong Nifae. Wo ia i stap blong plante yia. Ol Man blong Nifae oli stat blong stap win, mekem se evri ami blong Ol Man blong Leman oli ronwe i go long wan siti. Moronae, Tiankum, mo wan nara kapten blong Ol Man blong Nifae, oli maj biaen long Ol Man blong Leman wetem ol ami blong olgeta.
Alma 52:3–4; 54:16–24; 62:12–35
Tiankum i kros se Amalekaea mo Amoron i bin mekem bigfala wo ia we i stap blong wan longfala taem. From wo ia, plante pipol oli bin ded mo kaekae i smol tumas. Tiankum i wantem blong stopem wo ia. Hem i go long siti long naet blong lukaotem Amoron.
Tiankum i klaem ova long wol blong siti. Hem i go long wan ples afta narawan insaed long siti, kasem taem hem i faenem weaples Amoron i stap silip long hem.
Tiankum i sakem spia long Amoron. Spia i sperem Amoron kolosap long hat blong hem. Be Amoron i wekemap ol wokman blong hem bifo hem i ded.
Ol wokman blong Amoron oli ronem Tiankum mo kilim ded hem. Ol nara lida blong Ol Man blong Nifae oli harem nogud tumas se Tiankum i ded. Hem i no bin fraet blong faet from fridom blong ol pipol blong hem.
Nomata we Tiankum i ded, hem i bin helpem Ol Man blong Nifae blong oli winim wo. Hem i bin mekem se Ol Man blong Leman oli bin lusum lida blong olgeta. Long nekis moning, Moronae i faet agensem Ol man blong Leman mo oli win. Ol Man blong Leman oli aot long graon blong Ol Man blong Nifae, mo wo i bin finis.
Long en, i gat pis. Moronae i bin wok had blong mekem graon blong Ol Man blong Nifae oli moa sef aot long Ol Man blong Leman. Afta, Moronae i gobak long hom blong laef long pis. Ol profet oli bin tijim gospel mo lidim Jos blong God. Ol pipol oli trastem Lod, mo Hem i bin blesem olgeta.