Inos 1

Inos

Wan strong prea long Lod

Jekob i givim ol buk long boe blong hem, Inos. Inos i raet long ol buk olsem Jekob i bin mekem. Wan dei, Inos i stap lukaotem animol long bus. Hem i tingbaot wanem papa blong hem i bin tijim abaot Lod. Jekob i bin tijim Inos se blong stap folem Lod, bae i givim glad i kam long hem.

Jekob 7:27; Inos 1:2–3

Inos i wantem blong filim glad ia we papa blong hem i stap tokbaot. Hem i jusum blong prea long Lod. Hem i prea ful dei kasem naet.

Inos 1:3–4

Lod i talem long Inos se Hem i fogivim ol sin blong hem. Inos i filim glad tumas. Inos i kasem blesing from fet blong hem long Jisas Kraes.

Inos 1:3, 5–8

Inos i wantem Ol Man blong Nifae blong filim hapines ia tu. Hem i gohed blong prea. Hem i askem Lod blong bae Ol Man blong Nifae oli filim semmak glad ia.

Inos 1:9

Lod i talem long Inos se bae Hem i stap wetem Ol Man blong Nifae sapos oli obei long ol komanmen blong Hem. Taem Inos i harem hemia, fet blong hem long Lod i kam moa strong.

Inos 1:10–11

Inos i prea bakegen. Hem i askem Lod blong blesem Ol Man blong Leman mo blong kipim ol raeting long ol buk ia oli stap sef. Hem i wantem blong Ol Man blong Leman oli save ridim ol buk ia mo biliv long Lod. Lod i bin promesem Inos se wan dei bae Ol Man blong Leman oli ridim ol raeting ia.

Inos 1:11–17