“1: Mga Kaabag sa Lihok,” Pagkaplag og Kalig-on diha sa Ginoo: Emosyonal nga Kalig-on (2020)
“1: Mga Kaabag sa Lihok,” Pagkaplag og Kalig-on diha sa Ginoo: Emosyonal nga Kalig-on
Mga Kaabag sa Lihok
Ang Kaayohan sa mga Kaabag sa Lihok
Basaha:
Pinaagi sa tabang sa uban, kamo makatuman og dagkong mga butang. Sama pananglit, ang mga misyonaryo adunay mga kompanyon ingon nga suporta. Sa atong grupo, kita adunay mga kaabag sa lihok. Ang mga kaabag sa lihok magtinabangay sa pagtuman sa mga pasalig pinaagi sa:
-
Pagtawag, pag-text, o pagbisita sa usag usa sulod sa semana.
-
Pakig-istorya mahitungod sa unsay atong nakat-onan sa miting sa grupo.
-
Pag-awhagay sa usag usa sa pagtuman sa mga pasalig.
-
Pagtinambagay mahitungod sa mga hagit.
-
Pag-ampo alang sa usag usa.
Hisgoti:
Sa unsang paagi ang laing tawo mitabang kaninyo nga matuman ang usa ka malisod nga butang sa milabay nga panahon?
Basaha:
Ang pagkakaabag sa lihok dili lisod o mokuha og daghang oras. Aron masugdan ang pag-istoryahanay, kamo makapangutana:
-
Unsay inyong nagustohan mahitungod sa miagi natong miting sa grupo?
-
Unsay mga maayong nahitabo kaninyo niini nga semana?
-
Giunsa ninyo paggamit ang baroganan sa Akong Pundasyon niini nga semana?
Ang labing importanting bahin sa panaghisgotan mao ang pagtinabangay nga matuman ang mga pasalig. Mahimo kamong makapangutana:
-
Kumusta kamo sa inyong mga pasalig?
-
Kon wala ninyo matuman ang uban niini, nagkinahanglan ba kamo og tabang?
-
Unsaon nako nga makasuporta sa labing maayo sa inyong mga paningkamot?