Palandonga—Labing Dugay nga Oras: 5 Minutos

Sa tagsa-tagsa paghunahuna kon sa unsay inyong nakat-onan karong adlawa, ug hunahunaa kon unsay gusto sa Dios nga ipabuhat kaninyo. Basaha ang tudling sa kasulatan ug isulat ang inyong mga tubag sa mga pangutana sa ubos.

“Ug ang tanan nga mga santos kinsa mahinumdom sa pagsunod ug sa pagbuhat niini nga mga panultihon maglakaw nga masulundon sa mga sugo, makadawat og maayo nga panglawas ug uyok sa ilang mga kabukogan; ug makakita og kaalam ug dako nga mga bahandi sa kahibalo, gani ang mga tinago nga mga bahandi; ug modagan ug dili maluya, og molakaw ug dili makuyapan. Ug Ako, ang Ginoo, mohatag ngadto kanila og usa ka saad, nga ang tiglaglag nga anghel mosaylo kanila, ingon sa mga anak sa Israel, ug dili mopatay kanila. Amen” (Doktrina ug mga Pakigsaad 89:18–21).

Unsa ang labing makahuluganong mga butang nga akong nakat-onan karong adlawa?

Unsa ang usa ka butang nga akong buhaton isip resulta sa unsay akong nakat-onan karong adlawa? (Kini mahimo nga mao ang inyong personal nga pasalig alang sa semana. Kon kamo dili makahunahuna og usa ka pasalig, pipila ka malagmit nga mga ideya ang gilista sa ubos.)

Mga Ideya sa Pasalig:

• Magsunod og plano sa ehersisyo.

• Magpahulay ug matulog pa og maayo.

• Magpraktis og maayong personal nga kalimpyo.

• Makigsulti ngadto sa usa ka higala o sakop sa pamilya mahitungod sa akong mga nabatasan sa pagkaon.