Palandonga—Labing Dugay nga Oras: 5 Minutos

Sa tagsa-tagsa paghunahuna kon sa unsay inyong nakat-onan karong adlawa, ug hunahunaa kon unsay gusto sa Dios nga ipabuhat kaninyo. Basaha ang kinutlo ug isulat ang inyong mga tubag sa mga pangutana sa ubos.

“Ako mopamatuod niana nga adlaw nga ang atong mga minahal nga may kakulangan dinhi sa mortalidad mobarog sa atong atubangan nga mahimayaon ug halangdon, sa makapatingala nga hingpit nga lawas ug hunahuna. Pagkamahinamon nga paabuton niana nga higayona! Wala ko masayod kon kita ba mas malipayon alang sa atong mga kaugalingon nga nakasaksi niini nga milagro o mas malipayon para sa uban nga sila nahingpit ug sa kataposan ‘maluwas.’ Hangtod sa oras nga ang hingpit nga gasa ni Kristo mabatyagan natong tanan, kita unta magpakabuhi nga may pagtuo, mohupot og maayo sa paglaom, ug mopakita nga ‘maluluy-on sa usag usa’ [1 Pedro 3:8]” (Jeffrey R. Holland, “Sama sa usa ka Sudlanan nga Nabuak,” Liahona, Nob. 2013, 42).

Unsa ang labing makahuluganong mga butang nga akong nakat-onan karong adlawa?

Unsa ang usa ka butang nga akong buhaton isip resulta sa unsay akong nakat-onan karong adlawa? (Kini mahimo nga mao ang inyong personal nga pasalig alang sa semana. Kon kamo dili makahunahuna og usa ka pasalig, pipila ka malagmit nga mga ideya ang gilista sa ubos.)

Mga Ideya sa Pasalig:

• Paghatag og kalig-on ngadto sa usa ka tawo nga imong nailhan nga nagkinahanglan og suporta.

• Pagpraktis og gamit sa makatabang nga mga tubag kon maghatag og suporta ngadto sa uban (tan-awa sa aytem 3 diha sa “Pagkat-on nga seksiyon).