Palandonga—Labing Dugay nga Oras: 5 Minutos

Sa tagsa-tagsa paghunahuna kon sa unsay inyong nakat-onan karong adlawa, ug hunahunaa kon unsay gusto sa Dios nga ipabuhat kaninyo. Basaha ang kinutlo ug isulat ang inyong mga tubag sa mga pangutana sa ubos.

Dili kini sama ka ngil-ad nga usahay kamo naghunahuna og mao. Kining tanan naglampos. Ayaw og kaguol. Nagsulti ako niana sa akong kaugalingon matag buntag. Kining tanan molampos. Kon inyong buhaton ang inyong labing maayo, kining tanan molampos. Ibutang ang inyong pagsalig diha sa Dios, ug padayon sa unahan uban sa hugot nga pagtuo ug pagsalig diha sa umaabot. Ang Ginoo dili mobiya kanato. Siya dili mobiya kanato” (Gordon B. Hinckley, “Excerpts from Addresses of President Gordon B. Hinckley,” Ensign Okt. 2000, 73).

Unsa ang labing makahuluganong mga butang nga akong nakat-onan karong adlawa?

Unsa ang usa ka butang nga akong buhaton isip resulta sa unsay akong nakat-onan karong adlawa? (Kini mahimo nga mao ang inyong personal nga pasalig alang sa semana. Kon kamo dili makahunahuna og usa ka pasalig, pipila ka malagmit nga mga ideya ang gilista sa ubos.)

Mga Ideya sa Pasalig:

• Pagpraktis sa akong plano sa pagpakunhod sa kaugtas ug kabalaka (gikan sa aytem 4 diha sa “Pagkat-on” nga seksiyon).

• Sulayi ang usa sa makalingaw nga mga ehersisyo diha sa mga “Kapanguhaan” seksiyon sa kapitulo 4.

• Pagpraktis og pagkamahunahunaon o pagpuyo sa karon nga panahon.