Mensahe gikan sa Unang Kapangulohan

Minahal nga mga Kaigsoonan:

Ang Ginoo mipahayag, “Mao kini ang akong katuyoan sa paghatag sa akong mga santos” (Doktrina ug mga Pakigsaad 104:15). Kini nga pagpadayag usa ka saad gikan sa Ginoo nga Siya mohatag og mga panalangin ug moabli sa pultahan sa pagbarog pinaagi sa kinaugalingong paningkamot, diin mao ang abilidad alang kanato sa paghatag sa mga kinahanglanon sa kinabuhi alang sa atong mga kaugalingon ug sa atong mga sakop sa pamilya.

Kini nga workbook giandam aron pagtabang sa mga miyembro sa Simbahan nga makakat-on ug makagamit sa mga barognan sa hugot nga pagtuo, edukasyon, kakugi, ug pagsalig diha sa Ginoo. Ang pagdawat ug pagpuyo niini nga mga baroganan mas makapahimo kaninyo sa pagdawat sa kalig-on nga gisaad sa Ginoo.

Kami nagdapit kaninyo sa pagtuon nga makugihon ug sa paggamit niini nga mga baroganan ug sa pagtudlo niini ngadto sa mga sakop sa inyong pamilya. Samtang kamo magbuhat sa mao, ang inyong kinabuhi mapanalanginan. Inyong makat-onan unsaon sa paglihok diha sa inyong dalan paingon ngadto sa mas lig-on nga pagbarog pinaagi sa kinaugalingong paningkamot. Kamo mapanalanginan og mas dakong paglaom, kalinaw, ug pauswag.

Palihog salig nga kamo anak sa atong Amahan sa Langit. Nahigugma Siya kaninyo ug dili gayod mobiya kaninyo. Siya nakaila kaninyo ug andam nga molugway diha kaninyo sa espirituhanon ug temporal nga mga panalangin sa pagbarog pinaagi sa kinaugalingong paningkamot.

Matinuoron,

Ang Unang Kapangulohan