Palandonga—Labing Dugay nga Oras: 5 Minutos

Sa tagsa-tagsa paghunahuna kon sa unsay inyong nakat-onan karong adlawa, ug hunahunaa kon unsay gusto sa Dios nga ipabuhat kaninyo. Basaha ang kinutlo ug isulat ang inyong mga tubag sa mga pangutana sa ubos.

“Pinaagi sa inyong hugot nga pagtuo, si Jesukristo mopalambo sa inyong abilidad sa pagbalhin sa mga bukid diha sa inyong kinabuhi, bisan og ang inyong personal nga mga hagit pareha ka dako sa Bukid sa Everest” (Russell M. Nelson, “Si Kristo Nabanhaw; ang Hugot nga Pagtuo diha Kaniya Makabalhin og mga Bukid,” Liahona, Mayo 2021, 102).

Unsa ang labing makahuluganong mga butang nga akong nakat-onan karong adlawa?

Unsa ang usa ka butang nga akong buhaton isip resulta sa unsay akong nakat-onan karong adlawa? (Kini mahimo nga mao ang inyong personal nga pasalig alang sa semana. Kon kamo dili makahunahuna og usa ka pasalig, pipila ka malagmit nga mga ideya ang gilista sa ubos.)

Mga Ideya sa Pasalig:

• Magbasa gikan sa Basahon ni Mormon matag adlaw.

• Magpakita sa akong hugot nga pagtuo pinaagi sa pagtambong sa simbahan ug sa pag-ambit sa sakramento.