Pagkat-on—Labing Dugay nga Oras: 60 Minutos

1. Pagpangalagad sama sa Manluluwas

Basaha:

Ang Ginoo naghangyo kanato sa pagpangalagad ngadto niadtong naglibot kanato. Ang ehemplo ni Alma ug ni Amulek makapalamdag. Naamgohan ni Alma nga si Amulek sa tinud-anay nag-antos sa emosyonal nga paagi, ug personal niyang gidala siya “ngadto sa iyang kaugalingon nga balay, ug nangalagad ngadto kaniya diha sa iyang mga kalisdanan, ug naglig-on kaniya diha sa Ginoo” (Alma 15:18).

Palandonga:

Giunsa sa mga tawo pagtabang kaninyo nga “malig-on … diha sa Ginoo”?

Hisgoti:

Unsa ang mga paagi nga kita makapalig-on sa uban diha sa Ginoo?

2. Tumo-tumo nga mga Istorya mahitungod sa Pagtabang sa Uban

Basaha:

Adunay daghang sagad nga tumo-tumo nga mga istorya nga kamo motuo mahitungod sa pagtabang sa uban. Samtang inyong basahon ang mosunod nga tumo-tumo nga mga istorya, timbang-timbanga kon gibati ba ninyo o wala kini nga mga paagi.

Tumo-tumo nga Istorya #1:

100% Akong Responsable alang sa Paghatag sa Uban sa Tabang nga Ilang Gikinahanglan.

Ang Tinuod:

Ang Manluluwas mao lamang ang tinuod nga mananambal sa mga kalag, apan kamo mahimo nga kabahin sa usa ka mananambal nga komunidad sa pagpanalangin sa uban. Kamo mahimong kabahin niini nga mananambal nga komunidad samtang nagtanyag kamo sa inyong talagsaong mga kalig-on ug panan-aw ug naghatag kon kamo makahimo.

Tumo-tumo nga Istorya #2:

Kinahanglan Ako Mao ang Eksperto sa Pagsulbad sa mga Problema sa Uban.

Ang Tinuod:

Bisan ang propesyonal nga mga magtatambag nagtuo nga ang ilang tahas mao lamang ang pagtabang sa usa ka tawo nga maghimo sa iyang kaugalingong kausaban kay sa paghatag og manwal sa panudlo. Ang inyong tahas mao ang paghigugma ug pagpangalagad ngadto sa mga tawo, ug ang Manluluwas ang mohimo sa pagpang-ayo.

Tumo-tumo nga Istorya #3:

Adunay Dali nga mga Solusyon sa mga Problema sa Kinabuhi.

Ang Tinuod:

Ang atong kultura mao ang usa nga gusto og dihadiha, ug dali nga mga solusyon nga isaad alang sa hapit bisan unsa. Apan panagsa ra ang dali nga mga solusyon sa mga problema sa kinabuhi. Ang paghimo og kausaban usa ka proseso ug hapit kanunay mokabat og mas dugay kay sa inyong gihunahuna nga kini mahimo. Ang tinuod nga kausaban usa ka proseso sa paghashas nga kamo o ang inyong mga minahal mosinati.

Tumo-tumo nga Istorya #4:

Wala Ako Mahibalo sa Hustong Isulti, busa Kini Mas Maayo nga Ako Dili Mosulti og Bisan Unsa.

Ang Tinuod:

Ang maayong balita mao nga kamo kasagaran dili kinahanglan nga daghang isulti. Ang labing nindot nga gasa nga kamo makahatag sa uban mao ang pagpakita og interes diha kanila, pagpangutana, pagpaminaw uban ang gugma, ug pagtabang kanila nga mobati og walay kadaot sa pagpakigbahin nganha kaninyo.

Tumo-tumo nga Istorya #5:

Kon Ugaling Ako Motabang, Sila sa Kanunay Magsalig Kanako.

Ang Tinuod:

Samtang kamo nagserbisyo, makapahimutang kamo og maayong mga utlanan aron sa pagsiguro nga kamo nag-atiman sa inyong kaugalingon ug sa inyong pamilya. Ang Ginoo makagiya kaninyo aron kamo makaserbisyo sa mga paagi nga maglig-on sa pagbarog pinaagi sa kinaugalingong paningkamot sa laing tawo. Ayaw gayod isipa og ubos ang gahom nga ang gagmay ug yanong mga lihok sa gugma aduna diha sa mga kinabuhi sa mga tawo, ug ayaw kahadlok sa pagpamuhonan og panahon ug gugma diha sa usa ka tawo.

Hisgoti:

Hisgoti uban sa usa ka kaabag ang usa niini nga tumo-tumo nga mga istorya nga kamo nanlimbasog sa pagbuntog.

3. Tubaga ang Uban sa Hustong Paagi

Basaha:

Sa walay pagsapayan sa inyong mga intensiyon, kini sayon ang pagsulti og mga butang nga dili kaayo makatabang samtang naninguha sa pagtabang sa usa ka tawo ngadto sa malisod nga mga panahon. Apan kinahanglan nga kini dili mohadlok kaninyo sa pagpadayon nga magmatinabangon. Ang Dios gusto kaninyo nga mohigugma ug motabang sa Iyang mga anak. Magpakasensitibo sa mga pagbati niadtong inyong gipaninguhang tabangan, magbantay nga dili mosulti o mobuhat og bisan unsa nga magkunhod sa ilang kasakit ug kalisod.

Kalihokan (15 minutos)

Isip usa ka grupo, basaha ang mosunod nga mga pamahayag. Ang mga pamahayag mga ehemplo sa mga butang nga mahimo ninyong isulti kon kamo naninguhang motabang sa usa ka tawo kinsa nagsinati og malisod nga panahon. Timbang-timbanga ang matag pamahayag sa pagpiho kon kini nagkunhod ba kon unsay gisinati sa usa ka tawo o nagtanyag ba og pagbati o suporta. Sulati og “X” diha sa “Makatabang” nga kolum o “Dili Makatabang” nga kolum sa pagpakita sa inyong tubag.

Pamahayag	Makatabang	Dili Makatabang
Pamahayag Ehemplo “Maayo nalang kay ikaw …”		Dili Makatabang X
Pamahayag Ehemplo “Kini labi gyod kaha kaayo kalisod.”	Makatabang X
Pamahayag “Ang tanan mahitabo tungod sa usa ka rason.”	Makatabang	Dili Makatabang
Pamahayag “Tan-aw lamang sa maayo nga bahin.”	Makatabang	Dili Makatabang
Pamahayag “Dili ako makahanduraw kon unsay imong gisinati.”	Makatabang	Dili Makatabang
Pamahayag “Nalipay ako nga misulti ka kanako mahitungod nini.”	Makatabang	Dili Makatabang
Pamahayag “Aniay matam-is nga akong gihimo nimo.”	Makatabang	Dili Makatabang
Pamahayag “Kini usab molabay lamang.”	Makatabang	Dili Makatabang
Pamahayag “Malipay akong maminaw bisan kanus-a.”	Makatabang	Dili Makatabang
Pamahayag “Anaa na siya sa mas maayong dapit karon.”	Makatabang	Dili Makatabang
Pamahayag “Gustong kong masiguro nga ako nakasabot.”	Makatabang	Dili Makatabang
Pamahayag “Unsay gibati nimo bahin niini?”	Makatabang	Dili Makatabang
Pamahayag “Tingali lisod gyod kaayo ang pag-istorya mahitungod niini.”	Makatabang	Dili Makatabang
Pamahayag “Ang Dios adunay plano.”	Makatabang	Dili Makatabang
Pamahayag “Unsa ang inyong gikinahanglan karon dayon?”	Makatabang	Dili Makatabang
Pamahayag “Unsay inyong kinahanglang buhaton mao lamang ang …”	Makatabang	Dili Makatabang
Pamahayag “Nahibalo ako kon unsay inyong gibati.”	Makatabang	Dili Makatabang
Pamahayag “Unsa ang nagtabang kaninyo sa pagsagubang niini?”	Makatabang	Dili Makatabang
Pamahayag “Mahimo bang motanyag ako og sugyot nga makatabang?”	Makatabang	Dili Makatabang

Hisgoti:

Unsa ang ubang hugpong sa mga pulong nga inyong nadungog nga makatabang o dili makatabang?

4. Paghatag og Kalig-onan sa Uban

Basaha:

Si Sister Reyna I. Aburto mitudlo, “Bisan og wala kita mahibalo unsaon sa pagsabut sa unsay giagian sa uban, ang pagkumpirmar nga ang ilang kasakit tinuod, mahimong unang importanting lakang sa pagkakita og panabot ug pagkaayo” (“Sa Dag-om ug Kahayag, Ginoo, Ubani Ako!” Liahona, Nob. 2019, 58). Sa paghatag og kalig-onan sa mga pagbati sa mga tawo nagpasabot sa pagdawat og una sa ilang mga pagbati ug dayon sa pagsabot kanila.

Sa ubos mao ang pipila ka mga lakang nga motabang kaninyo sa paghatag og kalig-onan sa usa ka tawo kinsa nag-atubang og usa ka hagit:

1. Paminaw. Paghatag og atensiyon ug paminaw og maayo ngadto sa unsay isulti kaninyo sa tawo. Ayaw pagpanagang kon kamo nakadugang ngadto sa problema sa tawo.

2. Paningkamot nga makasabot. Mahimong gikinahanglan ninyo ang pagpangutana og mapuangurong mga pangutana aron mas masabtan kon unsay gibati niini nga tawo. Himoa ninyo ang labing maayo sa pagsabot kon diin gikan ang tawo.

3. Dawata ang pagbati sa tawo. Ayaw sulayi pag-usab ang tawo o pagsulti nga siya sayop sa pagbati niana nga paagi. Samtang kamo magbuhat niini, pagmatngon sa dili pag-awhag og dili maayo o makadaot nga mga sumbanan sa paghunahuna.

4. Pagpahayag og kapuangod. Pagpahayag nga kamo nabalaka mahitungod sa unsay gibati sa tawo. Bisan kon kamo dili makapangilabot ngadto sa sitwasyon o sa hinungdan sa pagbati, kamo makahatag og kalig-onan sa mga pagbati sa tawo pinaagi sa pagsulti sama sa “Gibati ninyo nga wala respitohi [o nabalaka, walay paglaom, walay bili, nasuko, ug uban pa]. Kini malisod nga mobati niana nga paagi.”

5. Pagpakita og gugma. Sultihi kini nga tawo nga kamo nagmahal kanila ug nga kamo masaligon sa iyang abilidad sa pagsulbad o pagbuntog sa problema.

Basaha:

Aniay usa ka ehemplo kon unsaon nga kamo makahatag og kalig-onan sa usa ka tawo nga nagsinati og malisod nga panahon:

Si Jill usa ka walay kapikas nga inahan kansang anak nga lalaki bag-ohay nga namatay gikan sa nasobrahang paggamit sa druga. Nagpuyo siya nga nag-inusara ug walay pamilya sa duol. Si Maria mianha sa pagpakigsulti kaniya ug sa pagpangumosta kaniya. Natintal si Maria sa pagpahunong ni Jill, apan wala niya buhata. Naminaw lamang siya. Sa dihang iyang gibati nga kini angay, nangutana siya sama sa “Kumosta ang imong gibati karon?” ug “Unsa ang labing makahagit nga butang alang kanimo?” Imbis moingon, “Sa labing minos siya kauban na sa Dios karon,” nakasabot siya nga gimingaw si Jill sa iyang anak nga lalaki. Mihukom si Maria sa pagpahayag og kalooy pinaagi sa pagsulti, “Ako makasulti nga gimingaw kaayo ka kaniya, ug ang akong kasingkasing nagsubo uban kanimo.” Dayon siya mipakita og gugma pinaagi sa paglingkod ug paghilak uban kaniya.

Sugyot:

Ang website sa Simbahan kabahin sa pagpangalagad naglakip og mas daghan pa nga mga ideya nga makatabang kaninyo sa pagsabot kon unsaon sa pagpakita og kapuangod. Tan-awa sa ministering.ChurchofJesusChrist.org.

Kalihokan (10 minutos)

Lakang 1: Isip usa ka grupo, basaha ang mga sitwasyon sa ubos sa mga indibidwal nga nagsinati og malisod nga mga panahon.

• Usa ka tawo kinsa nangita og trabaho sulod sa kapin og unom ka bulan.

• Usa ka bag-ong ginikanan kinsa nakigbisog sa kakulba.

• Usa ka tawo kinsa nag-atubang og walay kaayohan nga sakit sulod sa kapin sa 20 ka tuig.

• Usa ka silingan kinsa nagsupak sa sakop sa iyang pamilya.

• Usa ka walay kapikas nga ginikanan og tulo kinsa bag-ohay nga nagdiborsyo.

• Usa ka returned nga misyonaryo kinsa sa karon nakigbisog sa iyang pagtuo.

Lakang 2: Hisgoti ang pipila ka mga butang nga inyong ikasulti nga mahimong makatabang ngadto niini nga mga indibidwal.

Lakang 3: Pagpraktis sa paghatag og kalig-onan sa pagbati sa usa ka tawo diha sa pakig-atubangay nga mga sitwasyon pinaagi sa pagpakigsulti uban sa kaabag mahitungod sa usa ka butang nga iyang giatubang. Pangita og mga paagi sa paghatag og kalig-onan sa mga pagbati niana nga tawo. Dayon pagpuli-puli og mga tahas. Kon kamo nahuman na, hisgoti hain nga paghatag og kalig-onan nga mga pamahayag ang nagtabang nganha kaninyo ug ngano.

5. Pagtahod sa Kabubut-on sa Uban

Basaha:

Ang Langitnong Amahan naghatag sa tanan sa gasa sa kabubut-on, ug ang mga indibidwal responsable alang sa ilang kaugalingong mga pagpili sa walay pagsapayan sa tabang nga inyong gitanyag. Samtang kamo nagtabang ngadto sa uban, hinumdomi nga kamo dili responsable alang sa pagsulbad sa ilang mga problema o sa pagpugong sa mga pagpili nga sila naghimo. Kini importante ang pagpahimutang sa inyong kaugalingong maayo nga mga utlanan samtang nagtabang sa uban.

Gusto sa Manluluwas nga kamo motahod sa kabubut-on sa inyong minahal, apan kana wala magpasabot nga magtan-aw lamang nga mag-uyon-uyon. Tinguhaa ang Espiritu sa pagtabang kaninyo sa pagsabot kon unsaon ninyo pagserbisyo sa uban sa mga paagi nga nagtahod sa ilang kabubut-on ug nga kana dili maghimo sa uban nga mobati nga wala tagda.

Ang mosunod mao ang mga ideya alang sa mga butang nga mahimo ninyong buhaton sa paghatag og kalig-onan sa mga pagbati ug pagpaminaw:

• Pagpuasa ug pag-ampo alang kanila.

• Ihalad ang inyong panahon didto sa templo alang kanila.

• Pangita og propesyonal nga tabang ug tambag.

• Pagsiksik sa emosyonal nga kahimsog.

• Pagpadala og mubo nga mga sulat sa pag-awhag, o pakigbahin og makahimuot nga mga mensahe aron sa paghimo kanila nga mopahiyom.

• Pangayo og mga panalangin ug pakitambag sa pagkapari.

• Apil og usa ka suporta nga grupo alang sa pamilya ug mga higala.

• Himoa ang inyong mga kaugalingon nga maanaa alang kanila samtang nagpalambo og maayo nga mga utlanan.

• Pagserbisyo kanila sa mga paagi nga sila naghangyo o nag-uyon ngadto—sa mga paagi nga wala maglapas sa ilang kabubut-on o naghimo kanilang mobati nga wala paminawa.

Hisgoti:

Pakigbahin og makapabayaw nga kasinatian nga kamo aduna samtang gilig-on o samtang naghatag og kalig-on ngadto sa uban.

6. Mapailubong Naglahutay kauban sa Uban

Basaha:

Pag-amuma alang sa mga minahal malisod ug makasanap. Samtang kamo naninguha sa pag-amuma alang niadtong nanginahanglan, paninguha nga magmasinabtanon ug likayi ang paghatag og paghukom. Kamo makakuha og mga pagtambag gikan sa mga kasulatan ug “pag-ampo ngadto sa Amahan uban sa tibuok kusog sa kasingkasing, nga [kamo] unta mapuno nini nga gugma,” nga mao ang gugma nga putli, o ang gugma ni Kristo (Moroni 7:48).

Kon kamo adunay usa ka minahal nga adunay mga isyu sa emosyonal nga kahimsog, kamo kasagaran mahimong hilabihan ka nakapunting sa pag-amuma niana nga tawo nga kamo makalimot sa pag-amuma sa inyong kaugalingon. Adunay tabang ug suporta alang kaninyo. Ang suporta nga mga grupo makatabang og mga sakop sa pamilya sa pagkat-on mahitungod sa mga problema sa panglawas, mga paagi sa pagtabang, ug mga stratehiya alang sa pagsagubang sa mga sintoma. Duol ngadto sa kasaligan nga mga higala ug mga propesyonal sa pag-amuma sa panglawas alang sa tabang alang sa inyong kaugalingon ug sa inyong minahal. Ang suporta sa pamilya ug mga higala adunay positibo nga impluwensiya sa pagtambal sa seryosong mga isyu sa sosyal ug emosyonal nga kahimsog.

Si Elder Jeffrey R. Holland mitambag: “Para sa mga tig-amuma, sa inyong paningkamot sa pagtabang aron mapiskay ang uban, ayaw sakita ang inyong kaugalingon. Niining tanang mga butang pagmaalamon. Ayaw pagdagan nga labaw pa kay sa inyong kusog [Mosiah 4:27]. Bisan unsang butang nga dili nato mahimo o mahatag, atong matanyag ang atong pag-ampo ug ‘tiunay nga paghigugma’ [Doktrina ug mga Pakigsaad 121:41]” (“Sama sa Usa ka Sudlanan nga Nabuak,” Liahona, Nob. 2013, 41).

Hisgoti:

Unsa ang nagtabang kaninyo sa pagbalanse sa pag-amuma sa uban ug sa inyong kaugalingon?