Pagsugod—Labing Dugay nga Oras: 20 Minutos

Paghimo og pangbukas nga pag-ampo.

Ipaila ang inyong mga kaugalingon. Ang matag usa kaninyo mogahin og usa ka minuto sa pagsulti sa inyong ngalan ug usa ka butang mahitungod kaninyo.

Welcome sa Atong Grupo sa Pagbarog Pinaagi sa Kinaugalingong Paningkamot!

Basaha:

Tungod kay ang inyong Langitnong Amahan nahigugma kaninyo, mipadala Siya sa Iyang Anak nga si Jesukristo sa paglig-on kaninyo atol sa bisan unsa nga sitwasyon nga inyong atubangon sa kinabuhi.

Kini nga grupo motabang kaninyo sa pagkat-on og espirituhanon ug magamit nga mga kahanas sa pagtabang sa matag usa kanato nga mas maayong moamoma alang sa atong lawas, hunahuna, mga emosyon, ug mga relasyon. Samtang kamo nagtambong niini nga kurso, pakigtrabaho uban sa Langitnong Amahan ug ni Jesukristo aron mahibalo kon unsaon paggamit sa unsay inyong nakat-onan nganha sa inyong kinabuhi ug sa mga kinabuhi niadtong inyong gimahal. Kini nga mga miting mahimong usa ka luwas nga dapit alang sa matinuorong pakigbahin kay kini nga grupo nagsunod sa baroganan sa pagkamasaligan ug naggamit og pinulongan ug kinaiya nga nagdapit sa Espiritu. Kamo gidapit sa pagpakigbahin og mga personal nga mga kasinatian; kay sa maghatag og gibug-aton sa mga problema, makigbahin og mga solusyon nga inyong nakaplagan o kanang inyong gustong sulayan.

Basaha:

Kini nga grupo alang sa mga katuyoang pang-edukasyon lamang. Kini dili grupo sa panambal o propesyonal nga pagtambal alang sa mga problema sa mental nga kahimsog. Kon kamo nagtuo nga kamo nagsinati og nagbalik-balik nga mga problema nga may depresyon, kaugtas ug kakulba, kasuko, adiksiyon, o ubang mga problema sa mental nga kabaskog, kamo kinahanglang mangayo og propesyonal nga tabang.

Sa Unsang Paagi Nagtrabaho ang Grupo?

Basaha:

Ang mga grupo sa pagbarog pinaagi sa kinaugalingong paningkamot naglihok sama sa usa ka konseho. Walay magtutudlo o eksperto. Hinoon, inyong sundon ang mga materyal ingon nga kini nasulat. Ang matag miting sa grupo molungtad gikan sa 90 ngadto sa 120 ka minutos. Ang inyong abilidad sa pagkonektar sa usag usa motabang kaninyo sa pagbati sa Espiritu ug mahimong mas malig-on sa emosyonal nga paagi. Uban sa giya sa Espiritu, kamo magtinabangay sa:

• Pagtampo nga parehas sa mga panaghisgot ug mga kalihokan. Walay usa, ilabi na ang facilitator, ang magpasulabi sa panagsultihay.

• Pagsunod sa gihatag nga oras alang sa pagpakigbahin.

• Paghigugmaay ug pagsuportahay sa usag usa. Pagpakita og interes, pangutana, ug pagpakasensitibo ngadto sa mga pagbati sa uban.

• Pakigbahin og positibo ug may kalabotan nga mga komentaryo; paglikay sa pagpakigbahin og mga detalye sa usa ka hulagway.

• Paghimo ug pagtuman sa mga pasalig.

Tan-awa:

“My Self-Reliance Group,” anaa sa https://churchofjesuschrist.org/study/video/self-reliance-videos.lds.org/videos [4:01]. (Walay bidyo? Basaha ang mosunod nga seksiyon, “Kon Walay Magtutudlo, Unsaon Nato Pagkahibalo Kon Unsay Buhaton?”)

Hisgoti:

Unsay mihimo sa grupo diha sa video nga nagmalampuson? Unsay atong buhaton isip usa ka grupo sa pagdugang sa posibilidad nga makabaton og makausab sa kinabuhi nga kasinatian?

Kon Walay Magtutudlo, Unsaon Nato sa Pagkahibalo Kon Unsay Buhaton?

Basaha:

Sayon kini. Sunda lamang ang mga materyal. Ang matag kapitulo sa workbook adunay lima ka bahin:

Report: Hisgoti ang kalamboan nga inyong nahimo sa mga saad sulod sa semana.

Akong Pundasyon: Pagrebyo og usa ka baroganan sa ebanghelyo nga mosangpot ngadto sa mas lig-on nga espirituhanong pagbarog pinaagi sa kinaugalingong paningkamot.

Pagkat-on: Pagkat-on og magamit nga mga kahanas nga moresulta ngadto sa mas lig-ong temporal nga pagbarog pinaagi sa kinaugalingong paningkamot.

Palandonga: Paminaw alang sa inspirasyon gikan sa Espiritu Santo kon unsaon paglihok sa unsay inyong nakat-onan.

Pasalig: Saad sa paglihok sa mga pasalig sulod sa semana nga motabang kaninyo sa pag-uswag. Kamo makigbahin usab kon unsay inyong nakat-onan sa matag miting sa grupo ngadto sa pamilya o mga higala.

Unsaon Paggamit Niini nga Workbook

Kon Makita Ninyo Kini nga mga Pag-aghat, Sunda Kini nga mga Direksyon

Basaha	Tan-awa	Hisgoti	Palandonga	Kalihokan
Basaha Usa ka tawo magbasa og kusog alang sa tibuok grupo.	Tan-awa Ang tibuok grupo magtan-aw sa video.	Hisgoti Ang mga sakop sa grupo makigbahin og mga hunahuna sulod sa duha ngadto sa upat ka minutos.	Palandonga Ang mga indibidwal hilom nga maghunahuna, magpalandong, ug magsulat sulod sa duha ngadto sa tulo ka minutos.	Kalihokan Ang mga sakop sa grupo tagsa-tagsang magtrabaho o may kauban sulod sa gitino nga oras.

Basaha:

Samtang kini nga manwal kasagarang gigamit sa mga grupo sa pagbarog pinaagi sa kinaugalingong paningkamot nga giorganisar sa stake o ward, kini mahimo usab nga gamiton bisan kanus-a sa pamilya, mga higala, o mga silingan kinsa gusto nga morebyo niini og dungan.

Basaha:

Hinumdomi nga unsa ang gipakigbahin sa panahon sa mga miting sa grupo dili ipanabi. Ang mga opinyon nga gipahayag diha sa atong grupo ila sa mga indibidwal ug wala magrepresentar sa mga panan-aw o doktrina sa Ang simbahan ni Jesukristo sa mga Santos sa Ulahing mga Adlaw.