Padayon sa Imong Dalan ngadto sa Pagbarog Pinaagi sa Kinaugalingong Paningkamot

Basaha:

Pahalipay! Sa milabay nga 10 ka semana nakatukod kamo og bag-ong mga kinaiya ug nahimong mas makabarog pinaagi sa kinaugalingong paningkamot. Ang Ginoo gusto kaninyo nga mopadayon sa paglig-on niini nga mga abilidad ug sa pagpalambo og mga bag-o. Samtang mag-ampo kita og maminaw, makatabang kanato ang Espiritu Santo nga masayod unsa nga mga butang sa atong kinabuhi nga atong kinahanglan nga palamboon.

Pasalig:

Pasalig nga himoon ang mosunod nga mga lihok sulod sa mosunod nga 10 ka semana. I-tsek ang kahon kon makompleto ninyo ang matag lihok:

• Rebyoha ug padayona ang pagpuyo sa tanan nga 10 ka mga baroganan ug mga gawi sa pagbarog pinaagi sa kinaugalingong paningkamot sa Akong Pundasyon.

• Pakigbahin kon unsay inyong nakat-onan mahitungod sa pagbarog pinaagi sa kinaugalingong paningkamot. Padayon sa pagtabang sa mga sakop sa inyong grupo, o pagtanyag nga motabang og bag-ong grupo sa pagbarog pinaagi sa kinaugalingong paningkamot.

• Pagtukod diha sa inyong mga abilidad pinaagi sa pag-apil sa laing grupo sa pagbarog pinaagi sa kinaugalingong paningkamot.

• Tun-i ang doktrinal nga mga baroganan sa pagbarog sa kinaugalingong paningkamot.

Doktrinal nga mga Baroganan sa Pagbarog Pinaagi sa Kinaugalingong Paningkamot

Ang Pagbarog Pinaagi sa Kinaugalingong Paningkamot Usa ka Sugo	Ang Katuyoan sa Ginoo Mao ang Pagsangkap alang sa Iyang mga Santos, ug Aduna Siya sa Tanang Gahom sa Paghimo sa Ingon	Ang Temporal ug ang Espirituhanon Usa ra
Doktrina ug mga Pakigsaad 78:13–14; Moises 2:27–28	Doktrina ug mga Pakigsaad 104:15; Juan 10:10; Mateo 28:18; Mga Taga-Colosas 2:6–10	Doktrina ug mga Pakigsaad 29:34; Alma 34:20–25

Basaha:

“Ug karon, akong hinigugma nga mga kaigsoonan, human kamo makasulod niini … nga dalan, ako mangutana kon ang tanan natuman ba? Tan-awa, ako moingon nganha kaninyo, Wala; kay kamo wala pa makaabot niini nga gilay-on gawas kon kini pinaagi sa pulong ni Kristo uban sa dili matarog nga hugot nga pagtuo diha kaniya, mosalig sa hingpit diha sa mga maayo nga buhat kaniya kinsa gamhanan sa pagluwas. … Kamo kinahanglan gayod mopadayon sa unahan uban ang pagkamakanunayon kang Kristo” (2 Nephi 31:19–20).

“Naghunahuna ang Ginoo mahitungod kanato igo sa paghatag kanato og direksyon alang sa pagserbisyo ug sa oportunidad alang sa pagpalambo og pagbarog pinaagi sa kinaugalingong paningkamot. Ang Iyang mga baroganan makanunayon ug dili gayod mausab” (Marvin J. Ashton, “Give with Wisdom That They May Receive with Dignity,” Ensign, Nob. 1981, 91).