Mga Kapanguhaan

Pagpangita sa Hustong Propesyonal nga Tabang

Kon kamo mopili sa pagpangita og propesyonal nga tabang, hibaloi nga kamo mahimong tiggamit sa usa ka serbisyo ug adunay katungod sa mga pagpangutana. Hunahunaa ang pagpangita alang sa usa ka propesyonal kinsa aduna sa mosunod nga mga kinaiya:

• Mosabot ug motahod sa inyong mga mithi. Kon kamo mopili sa pagpangita og tabang, kamo kinahanglang motabang sa pagtino sa gitinguha nga mga resulta. Pangita og propesyonal kinsa motahod sa kaugalingong determinasyon sa kliyente, o sa inyong abilidad sa pagpili kon unsay inyong gusto nga makuha gikan sa pagtambal, pag-ayo o ubang mga matang sa tabang.

• Makapasabot sa iyang pagbansay ug kasinatian ug sa unsang paagi kini kalabot ngadto sa inyong mga panginahanglan. Ang pipila sa may kasarang nga mga propesyonal naglakip og lisensyado sa kaminyoon ug mga tigtambal sa pamilya, lisensyado nga mga clinical social worker, mga psychiatrist, mga psychologist, mga propesyonal nga mga tigtambag, ug uban pa.

• Pag-angkon og mga sesyon nga angay alang kaninyo. Hunahunaa ang gidugayon, tagpila, ug kasubsob sa matag sesyon ug ubang mga butang samtang kamo naghukom kon unsay angay sa inyong mga panginahanglan.

• Andam sa pagkonsulta sa inyong lider sa Simbahan sa inyong pag-uswag, kon kamo nagtinguha. Kini naglakip sa pagtanyag og mga sugyot kabahin kon unsaon niya ug sa inyong lider nga magkauban sa pagtrabaho aron sa pagtabang kaninyo.

Mga Tumong, Kaayohan, ug mga Risgo

Kamo may kalagmitan nga matuman ang inyong mga tumong kon inyong masabtan ang kinaiyahan ug mga limitasyon sa pagtambag. Ang pagtambag gituyo sa pagtabang kaninyo sa pagkat-on kon unsaon sa pagsabot ug pag-impluwensiya sa inyong mga hunahuna, mga pagbati, ug mga kinaiya. Daghang mga tawo ang nagsinati og paglambo o pagsulbad sa ilang mga kabalaka pinaagi sa proseso sa pagtambag. Sa kataposan, ang pagtukod og relasyon sa pagsalig mahimong importante kaayo ngadto sa paghimo og pag-uswag sa pagtambal. Hatagi og atensiyon ang inyong inisyal nga emosyonal nga tubag kon kamo makig-istorya sa propesyonal. Salig sa inyong kaugalingon ug sa inyong paghukom samtang kamo nangita og usa ka tawo kinsa mahimong usa ka maayong haom alang sa inyong mga panginahanglan ug personalidad. Kon kamo dili mobati og ka komportable, padayon sa pagpangita. Bisan tuod og ang mga resulta sa pagtambag dili ikagarantiya, ang inyong pasalig ngadto sa proseso mahimong mo-impluwensiya og dako kon unsa ka makaayo niini alang kaninyo.