Palandonga—Labing Dugay nga Oras: 5 Minutos

Sa tagsa-tagsa paghunahuna kon sa unsay inyong nakat-onan karong adlawa, ug hunahunaa kon unsay gusto sa Dios nga ipabuhat kaninyo. Basaha ang kinutlo ug isulat ang inyong mga tubag sa mga pangutana sa ubos.

“Bisan tuod mobati kita nga “sama sa usa ka sudlanan nga nabuak,’ … atong hinumdoman, nga ang sudlanan anaa sa mga kamot sa balaanong tiglalang sa sudlanan. Ang problema sa pangisip mamaayo sama nga mamaayo usab ang nabali nga mga bukog ug nagmasulub-ong kasingkasing. Samtang ang Dios nag-ayo niini, kitang tanan makatabang pinaagi sa pagkamanggiloy-on, dili mohusga, ug sa pagkamabination” (Jeffrey R. Holland, “Sama sa usa ka Sudlanan nga Nabuak,” Liahona, Nob. 2013, 42).

Unsa ang labing makahuluganong mga butang nga akong nakat-onan karong adlawa?

Unsa ang usa ka butang nga akong buhaton isip resulta sa unsay akong nakat-onan karong adlawa? (Kini mahimo nga mao ang inyong personal nga pasalig alang sa semana. Kon kamo dili makahunahuna og usa ka pasalig, pipila ka malagmit nga mga ideya ang gilista sa ubos.)

Mga Ideya sa Pasalig:

• Sulayi ang usa sa mga ideya alang sa personal nga pagsuporta niini nga semana (gikan sa aytem 4 diha sa “Pagkat-on” nga seksiyon).

• Pagpraktis og matinabangong mga hugpong sa mga pulong nga imong magamit kon magsuporta og usa ka tawo (gikan sa aytem 6 diha sa “Pagkat-on” nga seksiyon).