Report—Labing Dugay nga Oras: 15 Minutos

Lakang 1: Pagtimbang-timbang uban sa Inyong Kaabag sa Lihok (5 minutos)

Paggahin og pipila ka minuto sa paghunahuna mahitungod kon giunsa ninyo pagbuhat ang inyong mga pasalig sa miaging semana. Pagdrowing og lingin libot sa kolor nga nagrepresentar kon unsay inyong gibati sa pagbuhat ninyo sa matag pasalig. Sama pananglitan, ang pula nga lingin nagpasabot nga inyong gihatag ang labing gamay nga paningkamot, ang dalag nga lingin nagrepresentar og igo-igo nga paningkamot, ug ang berde nga lingin alang sa mahinungdanong paningkamot. Ipakigbahin ang inyong pagtimbang timbang uban sa inyong kaabag sa lihok.

Lakang 2: Ipakigbahin ang Inyong mga Kasinatian uban sa Grupo (5 minutos)

Isip usa ka grupo, ipakigbahin ang mga butang nga inyong nakat-onan sa milabay nga semana samtang naghimo sa inyong mga pasalig. Ang mga pangutana sa ubos mahimong makatabang sa panaghisgot.

Hisgoti:

Unsa ang inyong mga kasinatian nga naangkon samtang nagpraktis sa baroganan sa Akong Pondasyon?

Giunsa ninyo sa pagpalambo ang inyong mga sundanan sa paghunahuna?

Lakang 3: Pagpili og mga Kaabag sa Lihok (5 minutos)

Pagpili og kaabag sa lihok gikan sa grupo alang niining umaabot nga semana. Ang labing maayo, ang mga kaabag sa lihok managsama og sekso ug dili mga sakop sa pamilya.

Paggahin og pipila ka minuto aron sa paghimamat sa inyong kaabag sa lihok. Ipaila ang inyong mga kaugalingon, ug hisgoti kon unsaon ninyo pagkontak ang usag usa sa tibuok semana.

Ngalan sa kaabag sa lihok

Impormasyon sa pagkontak

Isulat kon unsaon ug kanus-a ninyo kontakon ang usag usa niini nga semana.

Dominggo	Lunes	Martes	Miyerkoles	Huwebes	Biyernes	Sabado
Dominggo	Lunes	Martes	Miyerkoles	Huwebes	Biyernes	Sabado