“7: Akong Pundasyon: Ipakita ang Integridad,” Pagkaplag og Kalig-on diha sa Ginoo: Emosyonal nga Kalig-on (2020)
“7: Akong Pundasyon: Ipakita ang Integridad,” Pagkaplag og Kalig-on diha sa Ginoo: Emosyonal nga Kalig-on
Akong Pundasyon: Ipakita ang Integridad—Labing Dugay nga Oras: 20 Minutos
Palandonga:
Ngano nga higugmaon sa Ginoo kadtong adunay “integridad [kaligdong] sa kasingkasing” (Doktrina ug mga Pakigsaad 124:15)?
Tan-awa:
“What Shall a Man Give in Exchange for His Soul?” anaa sa https://churchofjesuschrist.org/study/video/self-reliance-videos. (Walay bidyo? Basaha ang transcript alang sa “What Shall a Man Give in Exchange for His Soul?”)
What Shall a Man Give in Exchange for His Soul?
Kon kamo dili makatan-aw sa bidyo, basaha kini nga script.
Elder Robert C. Gay:
Ang Manluluwas nangutana sa Iyang mga tinun-an: “Unsa may ikahatag sa tawo nga arang ikabawi niya sa iyang kinabuhi?”
Mao kini nga pangutana nga gitudlo sa akong amahan kanako nga hunahunaon gayod pag-ayo sa milabay nga mga katuigan. Sa akong pagdako, gitahasan ko sa akong ginikanan og buhaton diha sa balay ug gibayaran ko sa pagtrabaho. Gamiton nako ang kwarta, nga kapin sa 50 sentabos kada semana, sa pagtan-aw og sine. Kaniadto ang sine tag 25 sentabos alang sa nag-edad og 11. Nabinlan ako og 25 sentabos alang sa kendi, nga nagkantidad og tag-5 sentabos ang buok. Usa ka sine nga aduna pay lima ka kendi! Wala nay makalabaw niini.
Maayo ra ang tanan hangtod nag-12 na ako. Milinya ako usa ka hapon niana, akong naamgohan nga ang bayad sa 12 anyos tag-35 sentabos na, buot ipasabot nga tulo na lamang ka kendi. Dili pa andam niana nga pagkunhod, mirason ko, “Pareho ra gihapon akong tan-awon sa miaging semana.” Mitikang ko ug nangayo sa tag 25 sentabos nga tiket. Wala mokihol ang kahera , ug nakapalit ako sa naandang lima ka kendi imbis tulo na lang unta.
Nakabilib sa akong nahimo, midali dayon ako og pauli aron sultihan si papa sa akong dakong puntos. Dihang gisulti nako ang tanan, wala siya motingog. Sa nahuman na ko, gitan-aw ko niya ug miingon, “Anak, ibaligya ba nimo ang imong kalag sa usa ka sinsilyo?” Midulot ang pulong sa akong kasingkasing nga 12 anyos. Leksiyon kadto nga dili nako hikalimtan.
(“Unsa May Ikahatag sa Tawo nga Arang Ikabawi Niya sa Iyang Kalag?” Liahona, Nob. 2012, 34)
Hisgoti:
Unsay kahulogan sa pagbaton og integridad? Unsa ang pipila ka gagmay nga mga paagi nga ihatag sa mga tawo ang ilang mga kalag aron makaangkon sa mga butang niini nga kinabuhi?
Basaha:
“Kami nagtuo sa pagkamatinuoron” (Mga Artikulo sa Hugot nga Pagtuo 1:13).
“Hangtod nga ako mamatay dili ko gyod isalikway ang integridad [pagkahingpit sa kasingkasing] gikan kanako” (Job 27:5).
Basaha:
Ang mosunod nga tudling sa kasulatan ug pamahayag ni Elder Wirthlin:
“Ug ako manghinaot nga kamo kinahanglan mahinumdom, nga bisan kinsa taliwala kaninyo ang manghulam sa inyong silingan kinahanglan mouli gayod sa butang nga iyang gihulaman, sumala niana nga siya miuyon, kay kon dili kamo makabuhat og sala; ug tingali nga kamo makahimo sa inyong silingan sa pagbuhat usab og sala” (Mosiah 4:28).
“Ang integridad [kaligdong] nagpasabot og kanunay nga paghimo kon unsa ang husto ug maayo, sa walay pagtagad sa dihadiha dayon nga mga sangpotanan. Nagpasabot kini nga magmatarong gikan gayod sa kahiladman sa atong kalag, dili lamang sa atong mga lihok apan, mas importante, diha sa atong mga hunahuna ug diha sa atong mga kasingkasing. … Ang ginagmay nga pagpamakak, ginagmay nga pagpanikas, o ginagmay nga pagpamintaha dili madawat ngadto sa Ginoo. … Ang labing nindot nga ganti sa integridad mao ang kanunay nga panag-uban sa Espiritu Santo. … Kon kita mobuhat sa unsay matarong, siya makapuyo uban kanato ug makagiya kanato sa tanan nga atong buhaton” (Joseph B. Wirthlin, “Personal Integrity,” Ensign, Mayo 1990, 30, 32–33).
Hisgoti:
Ngano nga ang pagkamatinuoron gilkinahanglan nga mahimong lig-on sa emosyonal nga paagi?
Pasalig:
Ako mas magmatinuoron og usa sa siyam ka mga bahin nga akong gigradohan sa ibabaw.