iTokani ni Cakacaka

Na Yaga ni iTokani Ni Cakacaka

Wilika:

Ena nodra veivuke na tani, sa rawa ni o rawata kina na veika cecere. Me kena ivakaraitaki, o ira na daukaulotu e tiko na itokani me ra veitokoni. Ena noda ilawalawa, e tiko na noda itokani ni cakacaka. O ira na itokani ni cakacaka era veivukei mera maroroya na nodra yalayala ena:

• Veiqiriti, vakau itukutuku, se veisikovi vakai ira ena loma ni macawa.

• Veivosakitaka na veika era sa vulica ena soqoni ni ilawalawa.

• Veivakayaloqaqataki vakai irau me maroroi na nodra yalayala.

• Veivakasalataki me baleta na veibolebole eso.

• Veimasulaki vakai ira.

Veitalanoataka:

Na sala cava a vukei iko kina e dua tale na tamata mo rawata e dua na ka dredre ena dua na gauna sa oti?

Wilika:

Na itokani ni cakacaka e sega ni dredre se dau kania na gauna. Me tekivutaki na veivosaki, sa rawa mo taroga:

• Na cava o taleitaka me baleta na noda sota vakailawalawa sa oti?

• Na veika vinaka cava a yaco vei iko ena macawa oqo?

• O sa vakayagataka vakacava na ivakavuvuli ni Noqu Yavu ena macawa oqo?

Na tiki bibi duadua ni veivosaki o ya na nodra veivukei vakai ira mera maroroya na yalayala. Sa rawa mo taroga:

• O sa vakacava tiko ena nomu yalayala?

• Kevaka o sega ni cakava rawa eso vei ira, o gadreva beka na veivuke?

• Meu na tokona vakavinaka cake vakacava na nomu sasaga?

ITAVIQARAVI (5 minutes)

iKalawa 1: Digitaka e dua ena ilawalawa me nomu itokani ni cakacaka ena macawa oqo.

• Sa rawa mo veisautaka na itokani e veimacawa ke gadrevi.

• Ena daumaka, mo ni tagane se yalewa vata vaka itokani ni cakacaka ka sega ni lewe ni matavuvale vata.

Yaca ni nomu itokani ni veiqaravi

iTukutuku ni Veitaratara

iKalawa 2: Vola na sala kei na gauna drau na veitaratara kina vakai kemudrau.

Sigatabu	Moniti	Tusiti	Vukelulu	Lotulevu	Vakaraubuka	Vakarauwai
Sigatabu	Moniti	Tusiti	Vukelulu	Lotulevu	Vakaraubuka	Vakarauwai