Noqu Yavu: Yaco me Duabau, Veiqaravi Vata—Levu ni Gauna: 20 na Miniti

Vakananuma Vakatitobu:

Ena vakabulai au vakacava na noqu qacoya na veiqaravi vei ira na tani?

Sarava na:

“Ena Sala ni Turaga,” e tiko ena https://churchofjesuschrist.org/study/video/self-reliance-videos (Sega na vidio? Wilika na ilavelave ni “Ena Sala ni Turaga.”)

Bulataka na iVakarau ni Turaga

Kevaka o sega ni sarava rawa na vidio, wilika na itukutuku.

Henry B. Eyring

Peresitedi Henry B. Eyring:

Na ivakavuvuli ni Parokaramu ni Welefea ni Lotu e sega ni baleta walega e dua na gauna, ia, na veigauna taucoko. E baleta na veigauna kei na veivanua taucoko sara. 

Na sala mena caka dina e matata. O ira era sa rawata vakalevu era sa vakayalomalumalumutaki ira me ra vukei ira era gadreva. O ira era tiko vakalevu vei ira me ra soli bulataka na nodra logaloga vinaka, gauna, maqosa vakacakacaka, kei na ivurevure ena nodra vakacegui na vakaloloma. Me solia na veivuke ena sala e rawa ni vakalevutaka na kaukauwa i koya e ciqoma me na rawa ni ra qarauni koya ka qai qarauni ira na tani. Oqo e caka, ena sala ni Turaga, e dua na ka veivakurabuitaki e rawa ni yaco. Erau vakalougatataki ruarua o koya e solia kei koya e ciqoma.

(E tauri mai ena dua na vosa nei Peresitedi Eyring ena vakatabui ni Valenivolavola ni Welefea na Sugarhouse e Utah, June 2011, LDS.org

Peresitedi Dieter F. Uchtdorf:

Kemuni na taciqu, eda sa yalataka ka nodai tavi meda kauwaitaka na nodra gagadre na tani ka veiqaravi me vaka a vakayacora na iVakabula—meda dodo liga yani, vakalougatataka, ka laveti ira era tu wavoliti keda.

Ena levu na gauna, na sau ni noda masu e sega ni lako mai ena gauna eda tekiduru tu kina ia ena gauna eda tucake ka veiqaravi kina vua na Turaga kei ira era tu wavoliti keda. Na veiqaravi sega ni nanumi koya ga kei na soli-ka e dau vakasavasavataka na yaloda, cilumi laivi na malamala mai na matada vakayalo, ka tadolava na katuba kei lomalagi. Ni da sa isau ni masu ni dua na tamata, eda na dau kunea vakakina na isau ni noda masu.

(“Wawa Toka ena Gaunisala i Tamasiko,” Liahona, Me 2011, 76)

Veivosaki:

Ena rawa vakacava me dolava na katubaleka kei lomalagi na veiqaravi vei ira tale eso ena nomu bula?

Wilika:

Eso era vakila ni dodonu me tiko vei ira na veika e sa tiko vei ira na tani, ka dau vakavuna na veicati. Eso era vinakata na ka era se bera ni cakacakataka. Na rua na ka oqo e rau vakamatabokotaki ira na tamata mai na nodra raica na dina bibi: na veika kece e nona na Kalou. Na yalo ni veicati kei na dodonu me nomu e rawa ni da lako sivia ena noda vakanamata ena nodra gagadre na tani.

Wilika:

Na malanivosa ni ivolanikalou veisemati oqo kei na itukutuku nei Peresitedi Hinckley:

“Ko ni sa qaravi Koya tiko na nomuni Kalou, ena nomuni qaravi ira tiko na wekamuni” (Mosaia 2:17)

“Ia oqo, ena vuku ni veika oqo ka’u sa vosa oti kina vei kemuni ko ya, ena vuku ni kena dau vakabokoci tiko ga na nomuni ivalavala ca e veisiga yadua, au gadreva mo ni wasea na nomuni iyau vei ira na dravudravua, na tamata yadua me vaka na veika sa tu vua, mo ni vakani ira sa viakana, vakasulumi ira sa luvawale, sikovi ira na tauvimate ka qaravi ira me ra vakacegui, vakayago ka vakayalo talega, me vaka na veika e dui ganiti ira” (Mosaia 4:26).

“Ena gauna ko ni sa duavata kina, sa sega ni yalani na nomu kaukauwa. E rawa ni o rawata e dua ga na ka o gadreva mo rawata” (Gordon B. Hinckley, “Na Nomu Bolebole Levu Duadua, Na,” Ensign, Nove. 2000, 97).

iTaviqaravi

Kalawa 1: Vakailawalawa, vakasamataka e dua e gadreva na veivuke.

Kalawa 2: Veivosakitaka na taledi, o ira mo veitaratara kina, kei na ivurevure e tiko e rawa ni o veivuke kina.

Kalawa 3: Tuva e dua na ituvatuva mo qarava kina na tamata oya. Kena i vakaraitaki, sa rawa mo:

• Vakayacora e dua na veiqaravi vakailawalawa ena nomu itikotiko.

• Vakarautaka na nomu tuva kawa ni vakayagataki na ivolalalai Noqu Matavuvale: Na iTalanoa Koya Kauti Keda Vata Mai. Ka qai gole e valetabu ka vakayacora na cakacaka tabu me baleti ira na leweni matavuvale era sa mate.

• Vukea e dua ki na nona salatu ni bula rawati koya.

Na waqa ni volalalai ni Noqu Matavuvale

Wilika na:

Na veimalanivosa oqo mai vei ira na iliuliu ni Lotu:

“Na inaki ni bula rawati koya vakayago ka vakayalo sai koya na noda tu ena dua na vanua cecere cake me rawa ni da laveti ira cake na tani era vakaleqai tu” (Robert D. Hales, “Kilai Yaloda: Na Sakaramede, na Valetabu, kei na Solibula ena Veiqaravi,” Liaona, Me 2012, 36).

“Ni da cakacakavata ena veitokoni, eda rawata na ka ga e takoso. Ni da vakayacora vakakina, eda kauta tani na malumalumu ni dua na tamata e tucake duadua tu ka vakaisosomitaka na kaukauwa ni vuqa era veiqaravi vata” (Thomas S. Monson, “Era Vosa Na iLiuliu ni Lotu ena Yavunilewa ni Kosipeli,” Ensign, Me 1999, 118).

Yalataka:

Cakacaka ena ituvatuva o a cakava mo vukea kina e dua.