Tekivu Rawa—Levu ni Gauna: 20 na miniti

Me cabori e dua na idola masu.

Vakaveikilaitaki kemuni. Oi kemuni yadua mo ni taura e dua na miniti mo ni tukuna na yacamuni ka wasea e dua na ka me baleti kemuni.

Kidavaki Ki na Noda iLawalawa ni Bula Rawati Koya!

Wilika:

Baleta ni lomani iko na Tamamu Vakalomalagi, a tala mai na Luvena o Jisu Karisito me vaqaqacotaki iko ena ituvaki cava ga o sotava ena nomu bula.

Na ilawalawa oqo ena vukei iko mo vulica na kila-ka vakayalo kei na vakatovotovo me vukei keda yadua meda qarauna vakavinaka cake na yagoda, vakasama, lomada, kei na veimaliwai. Ni ko tiko ena vuli oqo, cakacaka vata kei na Tamada Vakalomalagi kei Jisu Karisito mo kila na sala mo bulataka kina na veika o sa vulica ki na nomu bula kei na nodra bula o lomana. Na veisoqoni vakaoqo sa vanua taqomaki ni veiwasei dina ni ra vakamuria na ilawalawa oqo na ivakavuvuli ni maroroi itukutuku ka vakayagataki na vosa kei na itovo e sureta na Yalotabu. O ni sa sureti mo ni wasea na veika o ni dui sotava; kua ni vakanamata ga ki na leqa, ia, wasea eso na iwali o sa kunea se o na via tovolea.

Wilika:

Na ilawalawa oqo sa baleta ga na inaki eso vakavuli. E sega ni ilawalawa ni veiqaravi se veiqaravi va-kenadau me baleta na leqa ni ituvaki ni bula ni vakasama. Kevaka o vakabauta ni o sotava tiko vakabalavu na leqa ni lomabibi, lomaocaoca kei na nuiqawaqawa, cudru, veivakatotogani, se so tale na leqa ni ituvaki ni vakasama, e dodonu mo vakasaqara na veivuke vei ira na kenadau.

E Cakacaka Vakacava na iLawalawa?

Wilika:

Na ilawalawa ni bula rawati koya ena cakacaka me vaka e dua na matabose. E sega ni dua na qasenivuli se kenadau. Ia, mo vakamuria ga na ivola vakarautaki me vaka era sa volai tu. Na soqoni yadua ni ilawalawa ena rauta tiko ni 90 ki na 120 na miniti na kena dede. Na nomuni rawa ni veisemati vakai kemuni ena vukei kemuni mo ni vakila na Yalo ka yaco me bulabula vakalevu cake na lomamuni. Ena veidusimaki ni Yalotabu, ko ni na veivukei vakai kemuni:

Cau vakatautauvata ki na veivosaki kei na itaviqaravi. E sega ni dua, vakabibi vei dauveituberi, me na vosa taudua tikoga ena veivosaki.
Tiko ga ena loma ni gauna yalataki ni veiwasei.
Veilomani ka veitokoni vakai kemuni. Vakaraitaka na nomu kauwai, taroga na taro, ka kauwaitaka na nodra nanuma na tani.
Wasea na vosa e vinaka ka veiganiti; levea na wasei vakamatailalai ni so na ka.
Mo cakava ka maroroya na veiyalayalati.

Veitalanoataka:

Na cava era a rawa-ka kina na ilawalawa ena vidio? Na cava eda na cakava vakailawalawa me vakalevutaka na kena rawa ni yaco e dua na veisau kaukauwa ka bibi ki na bula?

Ni Sega na Qasenivuli, Eda na Kila Vakacava na Ka meda Cakava?

Wilika:

E rawarawa sara. Vakamuria ga na ivola vakarautaki. Na veiwase yadua ena ivola ni cakacaka e lima na kena tikina:

Ripote: Veivosakitaka na toso o cakava ena loma ni macawa ena nomu yalayala.

Noqu Yavu: Railesuva e dua na ivakavuvuli ni kosipeli ka na veimuataki ki na bula rawati koya cecere vakayalo.

Vulica: Vulica na kila matau eso ena veimuataki ki na bula rawati koya cecere cake vakayago.

Vakasamataka vakatitobu: Vakarorogo ki na veivakauqeti ni Yalo Tabu ena ivakarau mo cakacakataka kina na veika o sa vulica.

Yalataka: Yalataka mo cakacakataka na yalayala ena loma ni macawa ena vukei iko mo toso ki liu. O na wasea talega na veika o vulica ena veisoqoni yadua ni ilawalawa kei na matavuvale se itokani.

Na iVakavakayagataki ni iVolanicakacaka Oqo

Ni Ko Raica na vei iDusi Oqo, Muria na Kena Veidusimaki

Wilika	Sarava	Veitalanoataka	Vakananuma Vakatitobu	iTaviqaravi
Wilika Me dua me wiliwili e cake ki na ilawalawa taucoko.	Sarava Me ra sarava na vidio na ilawalawa taucoko.	Veitalanoataka Mera wasea na lewe ni ilawalawa na nodra nanuma me va ki na lima na miniti.	Vakananuma Vakatitobu Era na vakasamataka vakamalua, vakanananu vakatitobu, ka volavola me rua ki na tolu na miniti.	iTaviqaravi Na lewe ni ilawalawa me cakacaka yadua se kei ira na tani ena gauna ka soli.

Wilika:

Me vaka ni dau vakayagataki na ivolavakarau oqo ena ilawalawa ni bula rawati koya ka cicivaki mai na dua na iteki se tabanalevu, e rawa talega ni vakayagataki ena dua ga na gauna vata kei na matavuvale, itokani, se o ira era tiko veivolekati ka ra via railesuva vata.

Wilika:

Nanuma tiko ni veika e wasei ena gauna ni soqoni vakailawalawa e sa itukutuku maroroi. Na vakasama e vakamacalataki tiko ena noda ilawalawa e nodra na tamata yadua ka sega ni matataka na rai se ivunau Ni Lotu i Jisu Karisito ni Yalododonu Edaidai.