Vakananuma vakatitobu—Levu ni Gauna: 5 na miniti

Vakasamataka vakai iko na ka ko sa vulica ni kua ka vakananuma na ka e vinakata na Turaga mo cakava. Wilika na vosa cavuti ka vola na nomu isaunitaro ki na taro e ra.

“E sega ni ca sara me vaka o dau nanuma ena so na gauna. Ena lako vinaka na veika kece. Kua ni lomaleqa. Au dau tukuna na ka o ya vei au ena veimataka. Ena lako vinaka na veika kece. Kevaka mo cakava na nomu vinaka taudua ena qai lako vinaka na veika kece. Mo vakararavi ga vua na Kalou, ka toso i liu ena vakabauta kei na yalonuidei ki na veisiga ni mataka. Ena sega vakadua ni na biuti keda na Turaga Ena sega ni biuti keda o Koya” (Gordon B. Hinckley, “Excerpts from Addresses of President Gordon B. Hinckley,” Ensign, Okot. 2000, 73).

Na cava na ka era vakaibalebale duadua ena veika au vulica nikua?

Na cava e dua na ka au na cakava ena vuku ni ka au vulica nikua? (Oqo e rawa me nomu yalayala me baleta na macawa oqo. Kevaka e sega ni rawa ni o vakasamataka e dua na yalayala, eso na vakasama era sa volai toka e ra.)

Vakasama eso ni Yalayala:

• Vakatovotovotaka na noqu ituvatuva me vakalailaitaki kina na lomaocaoca kei na nuiqawaqawa (mai na ika 4 ni ka ena iwasewase ni “Vulica”).

• Tovolea e dua na vakatovotovo veivakacegui ena iwasewase ni “iVurevure” ena wase e 4.

• Vakatovotovotaka na tiko malua se na bula tiko ena gauna oqo.