Noqu Yavu: Vakayagataka Vakavuku na Gauna—Levu ni Gauna: 20 na miniti

Vakananuma vakatitobu:

Na cava e dua kina vei ira na isolisoli cecere ni Kalou na gauna?

Sarava:

“The Gift of Time,” tiko ena https://churchofjesuschrist.org/study/video/self-reliance-videos [2:27]. (Sega na vidio? Wilika na vosavolai ni “The Gift of Time”)

Na iSolisoli ni Gauna

Kevaka e sega ni tiko na kena vidio, e rawa ni ra digitaki na vakaitavi ka wiliki na vosavolai oqo.

matadredredre na marama

Kofi: Ni bula, Sisita Benkosi. Sa vakaevei tiko?

Sister Benkosi: O sa vinaka tiko beka, Kofi?

Kofi: Oilei, Sista Benkosi. Au sa dau osooso dina. Au cakacaka tiko kau veiqaravi ka vukea tiko noqu matavuvale … ka vaka talega kina na noqu dau qito soka. Sa sega ga vei au na gauna!

Sister B.: Kofi, e tiko vei iko na gauna kece o gadreva.

Kofi: Na cava?

Sister B.: Noqu tagane, na Kalou sa solia vei keda e dua na isolisoli cecere—noda gauna. Meda cakava kina na veika e bibi duadua.

Kofi: Ena rawa vakacava, Sista Benkosi? O sa dau cakava e levu na ka. O sa rawata vinaka na ka baleta nomu matavuvale, nomu bisinisi. O sa veiqaravi ka vakalougataka e lewe vuqa, ka oka kina o au. Au sega ni kila se o cakava tiko vakacava.

Sister B.: O vinakata dina mo kila? Kevaka o na tiko vakadua ka vakarorogo, au na tukuna vei iko na noqu ka vuni.

Ena veimataka au yadra mai ni se bera ni cadra na matanisiga. Au vakaisulu ka savata na mataqu kei na ligaqu.

Au dau wilika na ivolanikalou. Au sa dau qai cakava e dua na lisi ni veika meu vakayacora ena siga oya.

Au vakasamataka se o cei au rawa ni veiqaravi kina. Au masu meu kila na nona lewa na Kalou. Kau qai vakarorogo.

Ena so na gauna e dau lako mai ki na noqu vakanananu na mata kei na yaca ni tamata. Au tomani ira ki na noqu lisi.

Kofi: Oqori beka na sala o kila kina se o cei e gadreva na nomu veiqaravi?

Sister B.: Io, Kofi. Kau masuta na kaukauwa kei na vuku. Au masu me “vakatabuya na [noqu] vakaitavi” na Kalou. E tukuni tiko ena 2 Nifai 32.

Au vakavinavinaka Vua. Au yalataka meu na cakava na noqu vinaka taucoko. Au kerea me cakava o Koya na veika au sega ni rawata.

Kau qai raica noqu lisi. Au biuta na 1 ena itavi bibi dudua, qai biu na 2.

Kofi: O kila vakacava na veika me vakaliuci?

Sister B.: Au dau vakarorogo niu dau masu! Kau qai cakacaka. Au raica na naba 1 ka tovolea me caka iliu, sa qai naba 2.

Ena so na gauna e dau veisau eso na ka. Na Yalo Tabu e tukuna vei au meu vakayacora e dua tale na ka. Oya e vinaka.

Au cakacaka vakaukauwa, ia au vakacegu tu. Au kila ni na vukei au na Kalou.

Ena noqu lisi vata kei na Yalotabu, au dau vakayacora kina na veika e bibi, Kofi.

Kofi: E rogorogo rawarawa ka dredre talega.

Sister B.: O donu o iko! Niu sa dau vakarau tu meu moce, au masu. Au ripote vei Tamada Vakalomalagi. Au tukuna Vua na ilakolako ni siga oya. Au dau taro. Au taroga se cava au rawa ni cakava me vinaka cake. Au vakarorogo. Au vakila vakawasoma na Nona loloma. Au kila ni vakalevulevuya o Koya na veika au saga meu cakava. Kau vakila na vakacegu, Kofi, kau moce.

Kofi: Sa ka vinaka dina, Mamma Benkosi. Au vinakata na vakacegu oqo. Au vinakata meu vakayagataka noqu gauna. Au vinakata meu cakacaka ka veiqaravi vakavinaka cake.

Veitalanoataka:

Na cava o vulica mai vei Sista Benkosi ena vidio oqo?

Wilika:

Na veimalanivosa ni ivolanikalou oqo kei na nodra itukutuku na iliuliu ni Lotu:

“Ia raica, na bula oqo sai koya na gauna me vakarautaki koya kina na tamata me sota kei na Kalou; io, raica na veisiga ena bula oqo me vakayacora kina na tamata na nona cakacaka kecega” (Alama 34:32).

“Na gauna sa ikoya na iyau levu duadua ka tiko e vuravura. … Kevaka e vakayagataki vakavinaka, ena kauta mai na veika me tomani ki na nomu vakacegui, logaloga vinaka kei na vakamamautaki. Meda vakasamataka oqo, ka kakua tale ni dabe ena roqoliga, ka vakaoti gauna” (Brigham Young, ena Discourses of Brigham Young, digia o John A. Widtsoe [1954], 214).

E rawa ni da vakagucetaki vakarawarawa tu ga ena veika vagaunataki ka kawale ni bula vakayago. Na moce, kana, vakaisulu, cakacaka, qito, vakaukauwa yago kei na vuqa tale na itavi matau era yaga ka bibi. Ia na kena isoqoni, sai koya na tamata eda na vakataka e vu mai na noda kila-ka kei na noda yalorawarawa me vuli mai vua na Tamada, na Luvena, kei na Yalo Tabu; ka sega walega ni isoqoni ni noda vakasaqaqara e veisiga ena gauna taucoko ni bula” (David A.Bednar, “Vosa ni Yalayala e Levu Sara ka Talei,” Liahona, Nov. 2017, 93).

ITAVIQARAVI (5 na miniti)

Kalawa 1: Kei na dua na itokani, wilika vata na lima na ikalawa e rawa ni o cakava e veisiga mo vakayagataka vinaka kina na nomu gauna.

ivolakabi ni lima na ikalawa

Kalawa 2: Ena dua tale na tiki ni pepa, tuva kina na nomu itavi. Oqo me ra itavi bibi ni nomu cakacaka, vuli, lotu, se baleta na veiqaravi ena matavuvale—e sega walega ni cakacaka e lomani vale ena veisiga. Masulaka ka tuva na nomu ituvatuva ena veika me vakaliuci.

Kalawa 3: Ni mataka mo tuva na nomu lalawa, cakacaka, ka qai ripote taka se o sa vakayagataka vakacava na nomu gauna.

Yalataka:

Au na vakatovotovotaka na veikalawa oqo ena veisiga meu vakayagataka vakavuku na noqu gauna, kau na ripotetaka ena veibogi vei Tamada Vakalomalagi ena noqu masu.