iTukutuku mai na Mataveiliutaki Taumada

Kemuni na Taciqu kei na Ganequ:

Sa vakarota na Turaga, “Ka sa noqu inaki meu vakarautaka me yaga vei ira na noqu yalododonu” (Vunau kei na Veiyalayalati 104:15). Na ivakatakila oqo e dua na iyalayala mai vua na Turaga ni o Koya ena vakarautaka na veivakalougatataki vakayago ka dolava na katuba ni bula rawati koya, sa ikoya na noda rawa ni vakarautaka na veika ni bula me baleti keda kei na noda leweni matavuvale.

Sa vakarautaki na ivolalailai oqo me vukei ira na lewe ni Lotu mera vulica ka bulataka na ivakavuvuli ni vakabauta, na vuli, na cakacaka vagumatua, kei na vakararavi vua na Turaga. Na kena ciqomi ka bulataki na ivakavuvuli oqo ena vukei iko sara vakalevu mo na ciqoma na veivakalougatataki vakayago sa yalataka tu na Turaga.

Keitou sa sureti kemuni yani mo ni vulica ka bulataka na ivakavuvuli oqo ka vakavulici ira kina na lewe ni nomuni matavuvale. Nomu vakayacora vakakina, ena vakalougatataka na nomu bula. Ko na vulica kina na veika mo cakacaka kina ena sala torocake ni bula rawati koya. Ko na vakalougatataki ena vakanuinui e levu cake, na yalo vakacegu, ka toso tiko ga ki liu.

Mo na vakadeitaki iko ni ko luvena dina na Tamada Vakalomalagi. E lomani iko o Koya ka na sega vakadua ni biuti iko. O Koya e kilai iko ka sa vakarau tu me solia mai vei iko na veivakalougatataki vakayalo ka vakayago ni bula rawati koya.

Wekamuni dina,

Na Mataveiliutaki Taumada