Tomana Tiko na Nomu Sala ki na Bula Rawati Koya

Wilika:

Vakanuinui vinaka! Ena loma ni 10 na macawa sa oti o sa tauyavutaka kina eso na itovo vou ka ko sa bula rawati iko vakalevu cake. Na Turaga e vinakati iko mo tomana mo tara cake tiko na vei rawaka oqo ka tauyavutaka e so na ka vou. Ni da masu ka vakarorogo, ena rawa ni vukei keda na Yalo Tabu me da kila na veika ena noda bula e gadrevi me da vakavinakataka.

Yalataka:

Yalataka mo cakava na veika ka koto e ra ena loma ni 10 na macawa mai oqo. Tikitaka na kato ni o vakacavara na itavi yadua:

• Railesuva ka tomana tiko ga na nomu bulataka kece na 10 na ivakavuvuli ni Noqu Yavu kei na itovo ni bula rawati koya.

• Wasea na veika o vulica me baleta na bula rawati koya vei ira na tani. Tomana tiko na nomu vukei ira na lewe ni nomu ilawalawa, se soli iko mo veituberi ki na dua na ilawalawa vou ni bula rawati koya.

• Taracake na nomu rawaka ena nomu vakaitavi ena dua tale na ilawalawa ni bula rawati koya.

• Vulica na ivakavuvuli ni vunau ni bula rawati koya ka koto e ra.

iVakavuvuli Vakaivunau ni Bula Rawati-Koya

Na Bula Rawati Koya e iVakaro	Sa iNaki ni Turaga me Vakarautaka vei ira na Nona Yalododonu, ka Sa Tu Kece Vua na Kaukauwa me Cakava Vakakina	Sa Duabau ga na Veika Vakayago kei na Veika Vakayalo
Vunau kei na Veiyalayalati 78:13–14; Mosese 2:27–28	Vunau kei na Veiyalayalati 104:15; Joni 10:10; Maciu 28:18; Kolosa 2:6–10	Vunau kei na Veiyalayalati 29:34; Alama 34:20–25

Wilika:

“Ia oqo, oi kemudou na wekaqu lomani, ni dou sa tu ena sala … oqo, au na taroga mada se sa vakayacori na ka kece sara? Raica, au sa kaya vei kemudou, E segai; ni dou sa sega ni yaco rawa e keri kevaka me sega na vosa i Karisito kei na dei ni nomudou vakabauti Koya, ka vakararavi vakatabakidua sara ki na nona vinaka o Koya sa kaukauwa me veivakabulai. … Mo dou toso ki liu ka tudei vei Karisito” (2 Nifai 31:19–20).

“Na Turaga e kauwaitaki keda vakalevu sara me solia kina vei keda na idusidusi me da veiqaravi kei na madigi me tauyavutaki na bula rawati koya. Na nona ivakavuvuli e dei tu ga ka sega ni veiveisau” (Marvin J. Ashton, “Give with Wisdom That They May Receive with Dignity,” Ensign, Nove. 1981, 91).