Aoao—Taimi Aofai: 60 Minute

1. Malamalama i le Ita

Faitau:

E oo tagata uma i le ita. E anoanoai mafuaaga e lagona ai le ita. E lē mafai ona tatou puleaina i taimi uma lagona ita, ma e faigofie ona lagona le tauamiotonuina i lo tatou ita. Atonu foi tatou te maua se lagona lelei i lena taimi pe a uma ona faaali atu le ita i ni auala malolosi. Ae o le faaalia o le ita e lē fesoasoani tatou te maua ai se lagona lelei i se taimi umi, ma e mafai ona oo ai i ni mafutaga e lē manuia, gasegase faaletino, gau o mea tautupe, ma le faaleagaina faaleagaga pe faaletino ia i tatou lava ma isi.

Na aoao atu le Faaola i sa Nifaē, “Aua nei i ai ni fefinauaiga i totonu ia te outou. … Aua e moni, e moni ou te fai atu ia te outou, o le e i ai le agaga o le finauga ua le mai ia te au o ia, ae ua mai le tiapolo ia, o le o le tamā o le finauga, ma ua faaoso e ia loto o tagata ia fefinauai ma le ita, o le tasi i le isi. “Faauta, e le o lau mataupu lea, le faaoso o loto o tagata i le ita, o le tasi e faasaga i le isi; ae o lau mataupu lenei, ia aveesea mea faapena” (3 Nifae 11:29–30).

Mafaufau loloto:

Mafaufau i se taimi na e lagona ai le ita; ona faatumu lea o le siata o loo i lalo.

Tulaga	Na Faapefea Ona Ou Tali Atu?	O Le a le Taunuuga?
Tulaga Faataitaiga Sa ou faatauina ni seevae fou mo lo’u atalii. Sa ia tuua i fafo anapo, ma sa gaoia ai.	Na Faapefea Ona Ou Tali Atu? Sa ou lē fiafia i lo’u atalii ma e’e atu ia te ia mo le lē magafagafa ma le tuu o seevae i fafo.	O Le a le Taunuuga? Sa fefe lo’u atalii ia te au ma sa lē fia talanoa mai ia te au. Sa fiafia o ia i na seevae ma sa sili atu le leaga o ona lagona e uiga i lana mea sese.
Tulaga	Na Faapefea Ona Ou Tali Atu?	O Le a le Taunuuga?

Talanoa:

E faapefea e le puleaina o le ita ona fesoasoani ia i tatou e avea ai ma soo sili atu o Iesu Keriso?

2. Iloaina o le Auala e Faavaveina ai le Ita

Faitau:

Pe a tatou faatagaina i tatou lava e nonofo i mafaufauga ita, e tali mai foi o tatou tino. O tali faaletino i le tino e faateleina ai lo tatou “vevela maualuga faalelagona.” O amioga patino e mafai ona faateteleina ai lo tatou ita, o lea o le aoao o tomai e fesoasoani ia i tatou e “faatoatoa ai” o se vaega tāua o le puleaina o le ita.

Talanoa:

O a isi mea ua fesoasoani ia te oe e “faatoatoa ai”?

3. Malamalama i Lagona i tua atu o le Ita

Faitau:

Ina ia pulea lou ita, faailoa lagona eseese o loo faamamafaina ai. E masani lava ona faigofie atu ona ita nai lo le taulimaina o ou lagona moni, ma autu. O loo i lalo se lisi o nisi o lagona ma aafiaga autu e ono tulai mai ia te oe e lagona ai le ita.

Lagona ma Faalogona Autu				Lagona ma Faalogona Autu				Lagona ma Faalogona Autu				Lagona ma Faalogona Autu
Lagona ma Faalogona Autu Inosia Lē Fiafia Maasiasi Leai se Faamoemoe Nofosala Lofituina	Lagona ma Faalogona Autu Maasiasi Loto Vaivai Maualalo Faavauvau Le Magafagafa Loto Nutimomoia Fefe	Lagona ma Faalogona Autu Popolevale Popole Faamatauina Lē nofo lelei Lē Taliaina Aiā Tatau Tiga	Lagona ma Faalogona Autu Faatiga Sauaina Tuuatoatasi Amiolētonu Fiaai Vaivai. Faamoemoega e le i faataunuuina

Gaoioiga (5 minutes)

Laasaga 1: I le avea ai o se vaega, faitau faatasi ia tulaga faataitai nei, ma mātau pe mafai faapefea e le iloaina o lagona autu ona faaitiitia ai le ita.

Laasaga 2: Na o oe lava, mafaufau i se tulaga e te ono lagona ai le ita. I le siata o loo i lalo, tusi i lalo le tulaga ma se tali e mafai ona “vevela” ai le ita. Ona faailoa lea o lagona autu ma tusi i lalo se tali e mafai ona “faamālū” ai le ita.

Tulaga	Tali e “Vevela” ai le Ita	O Lagona ma Aafiaga Autu	O Tali e “Faamālū” ai le Ita
Tulaga Faataitaiga O loo e aveina le taavale i le fale mai le galuega. Ua leva le aso, ma ua tumu taavale i le auala. Ua e tuai mo se taimi faatulagaina. O le isi avetaavale e toetoe lava a mafua ai se faalavelave faafuasei, ona tuuina atu lea ia te oe se foliga faatiga.	Tali e “Vevela” ai le Ita E’e Nopia’i i lagona tiga I le mafaufau, “Oka se valea i lona manatu o a’u e sese! Aisea latou te faatagaina ai alii faapena i luga o le auala?”	O Lagona ma Aafiaga Autu Atuatuvale Amiolētonu Vaivai. Fefe	O Tali e “Faamālū” ai le Ita O le faaaogaina o musika toafimalie po o le taulai atu i lau manava e faamanatu ai ia te oe lava, “E mafai ona ou faia ia sili atu ona leaga pe tuu ai pea. Ou te lē iloa pe aisea ua ia ave ai faapea. E tatau ona ou toa ma avatu ia te ia le manuia o le masalosalo.” Mafaufau, “O le aveina o le taavale ao le fiafia ē mafai foi ona ou oo ai i se faalavelave.”
Tulaga Faataitaiga Sa e fai atu i lou atalii e faamamā lona potu a o lei taaalo ma uo, ae sa ia lē amanaiaina oe ma taaalo ma uo.	Tali e “Vevela” ai le Ita Mafaufau, “O le a lē faalogo lava lenei tamaitiiti ia te au! Ou te lē fiafia e avea ma se matua! Po o le a lava lau mea e fai, e lē mafai ona ou talanoa i lau tama.	O Lagona ma Aafiaga Autu Faamoemoega e le i faataunuuina Lē Fiafia. Tuuaia Tiga	O Tali e “Faamālū” ai le Ita Mafaufau, “O loo talavou pea o ia ma aoao pe aisea e tāua ai le i ai o se potu mamā ma faalogo i ona mātua. Atonu e manaomia ona ou fesoasoani ia te ia ia malamalama pe aisea tatou te tausia ai a tatou meatotino. O le a ou talanoa ma ia ma le toafimalie e uiga i auala e mafai ona tatou faia ai lena mea.”
Tulaga	Tali e “Vevela” ai le Ita	O Lagona ma Aafiaga Autu	O Tali e “Faamālū” ai le Ita

Talanoa:

E mafai faapefea e le tatalo ona fesoasoani ia i tatou e faamālūina lo tatou ita?

4. Filifili e Tali Atu i le Ita i Auala Eseese

Faitau:

E tāua le malamalama i le sootaga i le va o le ita ma le faitalia. A o tutupu mea i o tatou olaga, atonu tatou te lagonaina le ita, ae e mafai ona tatou filifili pe faapefea ona tali atu i lenei lagona: ia ita pe ia agaalofa, agalelei, ma limafoai.

Sa faamatala e Elder Lynn G. Robbins se tulaga sa taumafai ai se alii talavou talenia faaafeleti ma mafai ai ona auai i se au taaalo. I le aso muamua o le faataitaiga, sa fai atu le faiaoga i le alii talavou e taalo faasaga i se isi tagata taalo a o matamata le au. “Ina ua ia misia se fana faigofie, sa oo ina ita o ia ma tatū vae ma tomumu. Sa savali atu le faiaoga ia te ia ma fai atu, ‘E te faia loa lena uiga faapena, o le a e lē taalo lava mo la’u au.’ Mo le isi tolu tausaga na sosoo ai, e lei toe faaletonu lona puleaina o ia lava. I ni tausaga mulimuli ane, a o ia toe tomanatu i lenei mea na tupu, sa ia iloa ai sa aoaoina o ia e le faiaoga i se mataupu faavae e suia ai le olaga i lena aso: e mafai ona puleaina le ita” (“Faitalia ma le Ita,” Ensign, May 1998, 80).

Talanoa:

O le a se taimi na e filifili ai e te lē tali atu i le ita?

Gaoioiga (2 minute)

O le nofouta pe a e lagonaina le ita e mafai ona fesoasoani ia te oe e pulea lelei ai lou ita. Faatasi ai ma se paga, iloilo faapuupuu le “O La’u Gaoioiga o le Iloaina o le Ita” i se taimi mulimuli ane o le mataupu. Faatumu i le āluga o le vaiaso a sau e fesoasoani ia te oe e te nofouta atili ai pe a e lagona le ita.

Faitau:

O se tasi o auala e mafai ona e filifili e tali atu ai o le mālie. Na aoao mai Elder Jeffrey R. Holland, “Na maua e Iesu le olioli ma le fiafia faapitoa i tamaiti ma fai mai e tatau ia i tatou uma ona avea atili e faapei o i latou—e le pona ma mama, e vave ona talie ma alofa ma faamagalo atu” (“Tou te Faia le Mea Nei ma Faamanatuga ia te Au,” Liahona, Ian. 1996, 68–69). O le mafai ona e ata ia te oe lava pe maua ni uiga malie i se tulaga e fesoasoani ia te oe e taulima lelei ai popolega faafuasei ma le lē fiafia o le olaga. O tala mālie faagaeetia e mafai ona fesoasoani e faaleleia ai ou uiga faaalia, sootaga, ma le soifua maloloina. O lenei ituaiga o aga mālie e lē faatiga pe maasiasi ai isi. E pei ona fai mai i le Faataoto, “O le loto fiafia e fai ma vailaau aoga lea” (Faataoto17:22). E ui e lē talafeagai le ‘ata i taimi uma, ae o le tele o tagata e mafai ona aogā i ai le faateleina o le ata.

Talanoa:

E mafai faapefea ona fesoasoani tala mālie talafeagai ia i tatou e pulea ai lo tatou ita?

5. Puleaina o le Ita e pei o se Soo o Iesu Keriso

Faitau:

O le ola i le lotogatasi ma Iesu Keriso e mafai ona fesoasoani ia te oe e lagona ai le filemu nai lo le ita. O le “liuga tele” o le loto (Alema 5:14) lea e sau mai le lotogatasi ma Iesu Keriso e mafai ona fesoasoani ia te oe e te manao ai e faamagalo atu i isi, “fai mea lelei e le aunoa” (Mosaea 5:2), ma “faatalitali i le Alii” (Salamo 37:9). O le a faatumuina oe e le Agaga Paia i le “alofa, o le olioli, o le filemu, o le onosai, o le mataalofa, o le agalelei, o le faamaoni, o le agamalu, [ma le] le gaoiā” (Kalatia 5:22–23).

Maimoa:

“Faamagalo: Sa Faamamaina La’u Avega,” o loo maua i le https://churchofjesuschrist.org/study/video/self-reliance-videos [8:24].

Talanoa:

E faapefea ona faamanuiaina i tatou a o tatou liliu atu i le Faaola e pulea le ita?

Faitau:

O le ita e mafai ona taitai atu ai i amioga matautia pe sauāina. O sauaga i le aiga e ese mai nai lo feeseeseaiga laiti. E leai se tasi e faamoemoeina e onosaia amioga sauā pe matautia. Tagai abuse.ChurchofJesusChrist.org mo laina fesoasoani mo faalavelave (e na o le faaPeretania e maua ai) ma isi punaoa.

Afai o oe ua afaina i sauaga faaleaiga, ia vave maua se fesoasoani, e aofia ai le faafesootaia o taitai talafeagai. E lē taliaina e le Ekalesia ni sauaga faatautala o soo se ituaiga. Sa saunoa Peresitene Gordon B. Hinckley, “Tatou te tausalaina amioga sauā e sili ona malosi i soo se ituaiga. Tatou te tauleagaina sauaga faaletino, faalefeusuaiga, faalegagana, pe faalelagona o se toalua po o se fanau a se tagata” (“O A Mea o Fesili Mai ai Tagata e Uiga ia i Tatou?” Ensign, Nov. 1998, 72). Pe o oe o se tagata ua afaina po o se tagata na faia le faamalosi, saili se fesoasoani i le taimi nei pe afai o maua oe i se lavelave o le sauāina. E mafai e lou epikopo po o isi taitai o le Ekalesia ona fesoasoani ia te oe e faamalolo.

O La’u Gaoioiga o le Iloaina o le Ita

Faamatala nisi o tulaga e faaosofia ai lou ita. (Mo se faataitaiga, o se finauga ma lou toalua po o se uo, taulimaina o faafitauli tautupe, po o le gasu o le fale.)
Faamatala le mafuaaga po o mafaufauga e faateleina ai lou ita. (Mo se faataitaiga, “E na ona latou popole mo i latou lava” po o le “E matuai lē faatuatuaina lava la’u uo.”)
Faamatala lagona i tua atu o lou ita. (Mo se faataitaiga, lagonaina o le lē faaaloalo, faaaogaina, po o le lē amanaiaina.)
Faamatala ia tali faaletino e te lagona o faailoga ia o le a e ita. (Mo se faataitaiga, o alofilima ua afu, tatavale o le fatu, lototiga, po o le lē fiafia.)
Faamatala pe faapefea ona e faatinoina lou ita (e aofia ai lau amio sili ona leaga. (Mo se faataitaiga, e’ē atu, ato faitotoa, po o le tatu’i.)
Faamatala se tomai e faamālū ai lou ita. (Mo se faataitaiga, faitau i le 10 po o le faia o gaoioiga manava.)
Faamatala pe o le a faapefea ona e tali atu i le isi taimi e te lagona ai le ita.