Noqu Yavu: Veivosaki—Levu ni Gauna: 20 na Miniti

Vakananuma:

Na sala cava soti sa sauma mai kina na noqu masu na Tamada Vakalomalagi?

Sarasara:

“Bulia na Veilaveti,” sa tu ena https://churchofjesuschrist.org/study/video/self-reliance-videos. (Sega na vidio? Wilika na ilavelave ni “Tayavutaki na Veilaveti.”)

Tayavutaki na Veilaveti

Kevaka o sega ni sarava rawa na vidio, wilika na itukutuku.

Dieter F. Uchtdorf

Peresitedi Dieter F. Uchtdorf:

Me rawa ni biubiu mai dela ni qele edua na waqavuka, e dodonu me vakayacora e dua na ka me rawa kina ni talave. Ena verevereya ni vuka, na talave ena yaco ni sa liwava na dela ni taba ni waqavuka na cagi ka kaukauwa cake na kena liwa ena ruku ni taba ni waqavuka mai na kena e delana. Na gauna sa kaukauwa cake kina na sasaga ni tubu cake, mai na idre ni lutu sobu ki na qele, sa na qai vuka tubu kina na waqavuka.

Ena rawa talega ni da laveta vaka o ya na noda bula vakayalo. Ni sa tubucake na kaukauwa ka na biligi keda ki lagi mai na idre ni veitemaki kei na lomaleqa ka na dreti keda sobu, sa na qai rawa me da cabeta yani na matanitu e vakaitikotiko kina na Yalotabu.

E dina ni levu na ivakavuvuli vakosipeli ena vukei keda me da na rawa ni laveti, au na gadreva meu vakanamata ki na dua ga vei ira.

Masu!

Na masu sai koya e dua na ivakavuvuli vakosipeli ka na rawa ni veilaveti. Na masu e tiko kina na kaukauwa me laveti keda mai na veigagadre vakavuravura. Na masu e rawa ni laveti keda cake mai na delani o ni taqaya se loaloa kina rarama kei na serau ni tuvaki maravu.

E dua na veivakalougatataki levu kei na dodonu e tiko vei keda ni da luvena na Tamada Vakalomalagi sa ikoya na noda na rawa ni veitaratara vata kei Koya. E rawa ni da tukuna Vua na ka eda sa sotava tiko, na dredre kei na veivakalougatataki. E rawa ni da vakarogoca ka ciqoma na veituberi vakaselesitieli mai na Yalo Tabu ena gauna kei na vanua cava ga.

(Raica na “Masu kei na Vunilagi Karakarawa,” Liahona, June 2009, 5–6.)

Veitalanoataka:

Na cava e tiki bibi kina ni masu na vakarorogo?

Wilika:

Na malanivosa ni ivolanikalou oqo kei na itukutuku nei Peresitedi Nelson:

“Raica ena vakatakila vei iko na Yalo Tabu, io ena lako yani vei iko ko koya ka tukutuku sara ki lomamu” (Vunau kei na Veiyalayalati 8:2).

“Ena vakalougatataki na yalomu ni ko vulica mo vakarorogo, ka qai vakarorogo mo vuli mai vei ira na gone, itubutubu, itokani, neiba, kei na iliuliu ni Lotu, o ira kece era na vakalevutaka na nomu rawa ni rogoca na ivakasala mai cake.” (Russell M. Nelson, “Vakarorogo mo Vuli,” Ensign, May 1991, 24).

Veitalanoataka:

E rawa vakacava me da kila na isau ni noda masu?

iTaviqaravi

Kalawa 1: Vakailawalawa, wilika na veikalawa ka veivosakitaka vakatotolo.

Kalawa 2: Taroga e dua se rua na leweni ilawalawa me tukuna vei ira na kena vo baleta e dua na ibolebole se taro e tiko vei iratou. Na tamata kece tale e dodonu me vakamuria na veikalawa e ra ka tovolea me ra vakarorogo.

Kalawa 3: Tarogi ira na leweni ilawalawa era a vosa ena cava era vakila ni ra saga mera vakarorogo na ilawalawa.

iKalawa ni Vakarorogo

1

Vakatabakidua

• Vakanamata kina nona vosa kei na veika e vakaraitaka na kena ituvaki ni yagona o koya ka mai vosa.

• Kua ni curu takoso.

• Kua ni wilika se vakau itukutuku ena nomu talivoni.

2

Vakavinavinataka

• Vakaraici koya e vosa.

• Vakayagataka na vosa lalai vaka na “io” se “donu.”

• Vakavinavinataki koya ka mai vosa.

3

Railesu

• Tukuna: “O a kaya tiko …”

• Ka qai tokaruataka tale na veika o rogoca.

4

Kerekere

• Taroga: “Au kila li na veika o tukuna?”

• Waraka ka vakarogoca na kena isau.

Wilika:

Na veimalanivosa oqo mai vei ira na iliuliu ni Lotu:

“E rogoca na Tamada Vakalomalagi na nodra masu na luvena ena veiyasai vuravura ni ra kere kakana mera kania, isulu mera vakaisulu kina, kei na galala me na yaco mai ni ra sa bula rawati ira.” (Henry B. Eyring, “Madigi ni Caka Vinaka,” Liahona, May 2011, 22).

“Me da kerea na veivuke ni tamada Vakalomalagi ka vakasaqara na kaukauwa ni Veisorovaki ni Luvena o Jisu Karisito. Ena veika vakayago ka vakayalo, [oqo] sa rawa kina vei keda me da dauveiqaravi ena veika manini me baleti keda kei ira tale eso” (Robert D. Hales, “Meda Dauveiqaravi ena Veika Bula Vakayago ka Vakayalo,” Liaona, Me 2009, 7–8).

Yalataka:

Au na dau masu vakayadudua kei na noqu matavuvale ena veimataka kei na bogi. Taura na gauna ni o sa masu oti mo vakarorogo ena vakanomodi mo dusimaki.