Lesona 9 Anomea a le Faiaoga

Olioli i le Soifua Mai Faamamaluina o Iesu Keriso

E pei ona folafola mai e se agelu, o le soifua mai o Iesu Keriso o le pogai lea o le “olioli tele” (Luka 2:10). I le taimi o lenei vasega, o le a maua ai e tagata aoga le avanoa e faamatala ai pe aisea na taua ai le tulagaese o matua o Iesu Keriso ia te Ia i le avea ai ma o tatou Faaola. O le a valaaulia foi tagata aoga e faasoa mai o latou lagona e uiga i le alofa paia o loo faaalia e ala i le faamaualalo o le Atua ma le ala e mafai ai e lena alofa ona aafia ai filifiliga latou te faia.

Fautuaga mo le Aoao Atu

Ua iloa e Maria o le a avea o ia ma tina o le Alo o le Atua.

Tusi le ata lenei i luga o le laupapa, ma valaaulia ni tagata aoga e faasoa mai ni uiga na latou maua mai i o latou matua.

Valaaulia le vasega e iloilo le Luka 1:30–35 ma vaavaai pe na faapefea ona faamatala e le agelu o Kaperielu le atalii o le a fanauina e Maria.

Faaleleia o Lo Tatou Aoao Atu ma le Aoaoina

Aloese mai le taumatemate. Aloese mai le talanoaina ma tagata aoga o autu faaleaoaoga faavae e faapea, e lei filifili perofeta ma aposetolo e aoao atu pe latou te lei faia foi i ai se faamatalaga aloaia. Mo se faataitaiga, ua lapatai mai taitai o le Ekalesia e faasaga i le taumatemate i le ala na fanau ai le Faaola (tagai The Teachings of Harold B. Lee, ed. Clyde J. Williams [1996], 14). I ia tulaga, e le afaina le na ona faailoa atu tatou te le iloa pe e lei faaalia mai lena faamatalaga. Taulai atu i mea ua tatou iloa ma mea e mafai ona faamautu mai e le Agaga Paia o ni upumoni i loto o tagata aoga.

Tusi le ata o loo tuuina atu i luga o le laupapa.

Ina ia fesoasoani i tagata aoga e mafaufau e uiga i le taua o matua tulaga ese o Iesu Keriso, mafaufau e fai atu nisi o fesili nei:

• O a ni uiga tulaga ese na maua mai e Iesu Keriso mai ia Maria? mai le Tama Faalelagi?

• E faapefea ona fesootai matua tulagaese o Iesu Keriso i Lana Togiola ma le Toetu? (I le avea ai ma se vaega o le talanoaga, e mafai ona e iloiloina faatasi ma tagata aoga le Ioane 10:17–18 ma le saunoaga a Peresitene Russell M. Nelson i le vaega 1 o anomea mo sauniuniga. Fesoasoani i tagata aoga e faailoa mai se upumoni e pei o lenei: Ona o Ona matua tulaga ese, sa i ai ia Iesu Keriso le mana e togiola ai a tatou agasala ma tuuina atu ai Lona ola ma toe aumai ai .)

Ina ia fesoasoani i tagata aoga e mafaufau loloto atili e uiga i lenei aoaoga faavae, e mafai ona e valaaulia i latou e tusi faamaumau o latou manatu ma lagona e uiga i fesili nei:

• O le a se mea e mafai e lenei natura itulua o Iesu Keriso ona aoao ai oe e uiga i Lona tomai e fesootai ai ia te oe i le olaga nei?

• E faapefea ona fesootai ia fasifuaitau i lenei fuaiupu mai le “O Le Keriso Soifua: O Le Molimau a le Au Aposetolo” (o loo maua i le ChurchofJesusChrist.org) i le tasi ma le isi ma ia te oe: “[Iesu Keriso] o le Ulumatua a le Tama, o le Alo Pele e Toatasi i la le tino, o le Faaola ia o le lalolagi”?

Na vaai Nifae i se faaaliga vaaia i le faamaualalo o le Atua.

Mafaufau e faaali atu ata nei o Iesu o le Foafoa o le lalolagi, o se pepe e leai se faamoemoe, ma se tagata tuuatoatasi i luga o le satauro. Fesili i tagata aoga po o a mea o aoao mai e nei ata e uiga i le faamaualalo o Iesu Keriso. Afai e manaomia, faitau le faauigaga o le faamaualalo o loo maua i le vaega 2 o anomea mo sauniuniga.

Ina ia faaauau lenei talanoaga, e mafai ona e faatulagaina tagata aoga i ni vaega toalaiti ma saunia mo vaega taitasi se kopi o le tufaaga lenei.

O Le Faamaualalo o le Atua

O Iesu Keriso ma Lana Talalelei e Faavavau Anomea a le Faiaoga—Lesona 9

Vaevae galuega atofaina nei o le faitauga i lau vaega. A o e faitau, vaavaai pe na faapefea ona afio ifo ma le lotofuatiaifo le Alii mai se tulaga maualuga atu i se tulaga e maualalo atu.

1. Aperaamo 3:24–25, 27; Filipi 2:7–8

2. 1 Nifae 11:14–22

3. 1 Nifae 11: 26–27, 31–33

4. O saunoaga a Peresitene Tad R. Callister ma Elder D. Todd Christofferson i le vaega 2 o anomea mo sauniuniga ma le saunoaga lenei a Sister Wendy Ulrich, o le sa avea muamua ma sui o le aufono faufautua aoao a le Aualofa:

Na soifua mai [le Faaola] o se tamameamea e le taualoa i se tino faitino ma sa tausia e ni matua e le atoatoa. Sa tatau ona ia aoao e savali, tautala, galue, ma fealofani ma isi. Sa fiaai ma le lava, sa ia maua lagona faaletagata, ma sa mafai foi ona ma’i, mafatia, lavatoto, ma maliu. (“E le o se Agasala le Agavaivai,” Liahona,Ape. 2015, 33)

Ona talanoaina faatasi lea o fesili nei:

• O a ni mea o loo aoao mai e nei fuaiupu e faatatau i le faamaualalo o Iesu Keriso?

• O le a se mea ua aoao mai e le faamaualalo o Iesu Keriso ia i tatou e uiga i le alofa o lo tatou Faaola ma le Tama Faalelagi mo i tatou? E faapefea e lo La alolofa mo oe ona aafia ai lou alofa mo i Laua?

© 2023 Puletaofia e le Intellectual Reserve, Inc. Ua taofia aia tatau uma.

O Le Faamaualalo o le Atua

O Iesu Keriso ma Lana Talalelei e Faavavau Anomea a le Faiaoga—Lesona 9

A uma ua lava se taimi mo talanoaga, e mafai ona e faaali atu ma faasoa atu ou lagona e uiga i le faamatalaga lenei: O le faamaualalo o Iesu Keriso ua faaalia ai le alofa o le Tama Faalelagi ma Iesu Keriso mo i tatou taitoatasi.

• O le a se mea e mafai ona tatou aoao mai le Faaola e ala i Lana faataitaiga i le faamaualalo e fesoasoani ai i se aupito itiiti o i tatou? (Pe a manaomia, e mafai ona iloilo e tagata aoga le saunoaga a Bishop Richard C. Edgley i le vaega 2 o anomea mo sauniuniga. E mafai foi e tagata aoga ona mafaufau loloto mo se minute i le ala e mafai ona latou mulimuli ai i le faataitaiga a le Faaola a o latou saili e auauna atu ma fesoasoani i fanau uma a le Tama Faalelagi.)

Faamanatu i tagata aoga o le vaega 2 o anomea mo sauniuniga, sa valaaulia i latou e faitau ma faalogologo i upu o viiga o loo tautalagia ai le faamaualalo o le Faaola. E mafai e tagata aoga ona iloilo se tasi o viiga ona faasoa atu lea i le vasega upu ma fasifuaitau mai le viiga na sili ona faagaeetia ai i latou. Afai e lava le taimi, atonu foi e te manao e usu faatasi se fuaiupu se tasi pe lua mai nei viiga.

Ina ia fesoasoani i tamaiti aoga e faaaoga mea sa latou aoaoina ma lagonaina i le taimi o le vasega, valaaulia i latou e mafaufau loloto ma tusi a latou tali i le fesili lenei po o se tasi o au lava filifiliga:

• O le a se mea e mafai ona e faia e faaali atu ai i le Faaola lou lotofaafetai mo Lona naunau e faamaualalo ina ia mafai ona Ia togiolaina ma laveai oe?

Mo Le Isi Taimi

Ina ia faamanatu i tagata aoga e suesue ia anomea mo sauniuniga mo le isi vasega e sosoo ai, mafaufau e tuu atu le savali lenei poo se tasi o a oe lava savali: O le a le mea e faamuamua e le Faaola i lou olaga i lenei vaiaso? Mafaufau pe mafai faapefea e anomea mo sauniuniga mo le lesona 10 ona fesoasoani ia te oe e tali lenei fesili.