Tukupā

arrow-blue

’E founga fēfē ha’aku fakalakalaka faka’aho?

Taimí:Seti ’a e uasí ke miniti ’e 10 ‘a e konga ki he Tukupaá.

Lau:’Oku tau fili ha “hoa ngāue” ’i he uike takitaha. Ko ha mēmipa ’eni ’o e kulupú ’e tokoni ke tau tauhi ’etau ngaahi tukupaá. ’Oku totonu ke fetu’utaki ’a e ngaahi hoa ngāué ’i he lolotonga ’o e uiké mo felipooti’aki ’enau fakalakalaká. Ko e ngaahi hoa ngāué ’i he angamahení, ko ha ongo tangata pe ongo fefine ’oku ’ikai ko ha mēmipa ’o e fāmili pē taha.

Akoako Fakahoko:Fili ho hoa ngāué. Fili ’a e taimi mo e founga te mo fetu’utaki aí.

Hingoa ’o e hoa ngāué

Fakamatala Fetu’utakí

Lau le’o lahi ’a e tukupā takitaha ki ho hoa ngāué. Palōmesi ke tauhi ho’o ngaahi tukupaá! Fakamo’oni hingoa ’i lalo.

KO ’EKU NGAAHI TUKUPAÁ
Te u faka’aonga’i ’eku “ko au he sekoni ’e 30” ki ha kakai ’e toko 20 pe lahi ange.  Siakale’i ho’o taumu’a ngāué: 20 30 40.
Te u akoako fakahoko ’a e tefito’i mo’oni mei he Ko Hoku Fakava’é ki he ’aho ní pea ako’i ia ki hoku fāmilí.
Te u tānaki atu ki he’eku pa’anga kuo fakahuú —neongo ko e seniti ’e taha pē ua.
Te u līpooti ki hoku hoa ngāué.

Ko ’eku fakamo’oni hingoá

Fakamo’oni hingoa ’a e hoa ngāué

“’I he taimi ko ē ’oku vakai’i ai ’a e ngāué, ’oku fakalakalaka ’a e ngāué. ’I he taimi ko ē ’oku vakai’i ai ’a e ngāué pea lipootí, ’oku vave ange ai ’ene fakalakalaká.”

Thomas S. Monson, ’i he Conference Report, Oct. 1970, 107

’E founga fēfē ha’aku lipooti ’eku fakalakalaká?

Mamata’i:“Ko e Ngāué mo e Tukupaá” (’Ikai ha vitiō? Lau ’a e peesi [00] 14.)

Lau:’I he taimi ’oku tau lipooti ai ’etau ngaahi tukupaá, ’oku ngalingali te tau tauhi ange kinautolu. Lau ’a e lea ’i to’omata’ú.

Akoako Fakahoko:Ngāue’aki ’a e saati tukupā ko ’ení kimu’a ’i he fakataha ka hokó, ke hiki ai ho’o fakalakalaká. Tohi’i ’a e “’Io,” “’Ikai,” pe ko e tu’o lahi ho’o tauhi ’a e tukupaá, ’i he fanga ki’i puha ’i laló.

Faka’aonga’i ’a e “ko au he sekoni ’e 30” ki ha kakai ’e 20 pe lahi ange (Tohi’i e #)	Na’á ku akoako fakahoko ’a e tefito’i mo’oni mei he Fakava’é pea mo ako’i ia ki he fāmilí (’Ikai/’Io)	Na’á ku fakahū ha pa’anga ki he ’akauní (’Ikai/’Io)	Na’á ku līpooti ki he hoa ngāué (’Ikai/’Io)

Lau:’Ikai ngata ai, manatu’i ke muimui’i ho’o ngaahi fakamole fakatāutahá ’i he konga ki mui ho’o ki’i tohí Ko Hoku Hala ki he Mo’ui Fakafalala pē Kiate Kitá .

’E tā ’e he tokotaha tokoní ’i he’etau fakataha ka hokó ha saati tukupā ’i he palakipoé (hangē ko ia ’i ’olungá). Te tau a’u tōmu’a mai ki he fakatahá ’aki ha miniti ’e 10 ’o hiki ’etau fakalakalaká ’i he sātí.

Fili ha taha ke tokoni ’i he tefito mei he Ko Hoku Fakava’é ’i he fakataha ka hokó. Kole ange ki he tokotaha ko iá ke ne lau ’a e tafa’aki ki loto ’o e takafi mu’a ’o e tohi ngāue ko ’ení ke ne ’ilo ’a e me’a ’oku fai ’e he kau tokoní. ’Oku totonu ke tokoni ’i he founga tatau mo ia na’e fai ’e he taha tokoni he ’aho ní:

• Fakaafe’i ’a e Laumālié; fakaafe’i ’a e kau mēmipa ’o e kulupú ke nau fekumi ki he Laumālié.

• Falala ki he ngaahi fakamatalá; ’oua na’a toe fakalahi; fai pē ’a e me’a ’oku tala atu aí

• Leva’i lelei ’a e taimí.

• Tānaki atu ha ivi; fiefia!

Kole ki ha taha ke lotu tuku.

Tali Lelei ’a e Feedback (Fakamatala Fietokoni)

Kātaki ’o ’ave ho’o ngaahi fakakaukaú, fakamatalá, ngaahi fokotu’ú mo e ngaahi a’usiá ki he [e-mail].

Fakamatala ki he Tokotaha Tokoní:

Manatu’i ke lēsisita ’a e mēmipa kotoa ’o e kulupú ’i he srs.lds.org/report.

Manatu’i foki ke ’ai ha ’ū tatau ’o e fakamatala fetu’utaki ’a e kulupú ki he fakataha hono hokó.