Ako

lightbulb-purple

’E founga fēfē ha’aku fakavave’i ’a ’eku kumi ngāué?

Taimí:Seti ’a e uasí ke miniti ’e 60 ’a e konga ki he Akó.

Lau:Kuo tau ma’u ha ngaahi me’angāue mālohi ke tokoni ’i he’etau kumi ngāué:

• “Ko au ’i he sekoni ’e 30”

• Fakamatala ’oku ongó

• ’Ai e me’a ’oku ’ikai leleí ke lelei

• Tali ha ngaahi fehu’i ’aki ha ngaahi fehu’i

• Tali ha ngaahi fehu’i angamaheni ’i he faka’eke’eke

• Fakakakato ’a e ngaahi tohi kole ngāué

• Fakalelei’i ’a e fōtungá mo e tō’onga fakakaukaú

Lolotonga e fakataha ko ’ení, te tau ako e founga ke faka’aonga’i fakataha ’a e kotoa ’o e ngaahi me’angāue ko ’ení ke tokoni ’i hono fakavave’i ’etau kumi ngāué!

Alea’i:Ko e hā ’okú ke ongo’i ’i ho’o ma’u he taimí ni ’a e ngaahi me’angāue kotoa ko ’ení ke tokoni ’i ho’o kumi ngāué?

Lau:FEHU’I ’O E UIKÉ — ’E founga fēfē ha’aku fakavave’i ’a ’eku kumi ngāué?

NGĀUE ’O E UIKÉ —Ke fakalahi ’a ’eku ngaahi ma’u’anga tokoní, fetu’utakí mo e ngaahi fakataha mata-ki he-matá.

Mahalo kuo ’i ai ha ni’ihi ’i he’etau kulupú kuo nau ’osi kamata fakahoko ’a e Fakavave’i ’o e Kumi Ngāué. Te tau fakavave’i kotoa ’etau kumi ngāué ’i he fakataha ko ’ení.

Kumi ngāue faka’ahó

Lau:Ko e taimi ’eni ke tau faka’aonga’i ’a e ngaahi me’angāue kotoa pē mo fakavave’i e ola lelei ’o ’etau ngāué.

Mamata“Lafaele: Ma’u e Ngāué he ’aho pē ’e 6!” (Hala ha vitiō? Lau ’a e “Kumi Ngāue Faka’ahó: Talanoa ’o ’Ālopá” ’i he peesi (00) 88.)

Alea’i:Ko e hā na’á ne tokoni’i ’a Lafaele pe ’Ālopa ke lavame’a ’i he Fakavave’i ’o e Kumi Ngāué?

Akoako Fakahoko:Ko e Fakavave’i ’o e Kumi Ngāué ko ha founga kumi ngāue mālohi faka’aho. ’Oku hanga ’e he foungá ni ’o fakasi’isi’i e taimi kumi ngāué ’i ha ngaahi feitu’u ’e ni’ihi meí he ’aho ’e 200 ki ha ’aho ’e 20! ’Oku fie ma’u ha ngāue lahi—mei ha houa ’e ua ki he fā he ’aho ’e taha pe lahi ange. ’Oku kau ai ha ngāue faka’aho ’e tolu:

1. ’Ai ke ’ilo’i ha ngaahi ma’u’anga tokoni fo’ou ’e15.

2. Fai ha fetu’utaki ’e 10 mei he ngaahi ma’u’anga tokoni ko iá.

3. Fai ai ha fakataha mata-ki he-mata pe ha faka’eke’eke ’e 2 mo e ni’ihi kuo ’osi fetu’utaki ki aí.

Mamata’i:“Daily Job Search: Resources” (’Ikai ha vitió? Lau ’a e peesi 88.)

Akoako Fakahoko:Kamata fakafonu he taimí ni e tēpile ’i he peesi hono hokó ’aki hono lisi e ngaahi ma’u’anga tokoni lahi taha te ke fakakaukau ki aí ’i he ’otu ’uluakí. Ko e kakai, ngaahi feitu’u, mo e ngaahi me’a ’oku ’i ai ha fakamatala ke tokoni atu! ’Oku ’oatu ha ngaahi sīpinga. Fakafonu ke lahi ange kimu’a he fakataha hokó ’aki hono ngāue ’aki e foomu ’i he peesi 91. ’Ai ha ngaahi tatau ’o e foomu te’eki fakafonú ’i ho’o hokohoko tānaki atu ki ho’o lisi ’o e ma’u’anga tokoní.

Mamata’i:“Daily Job Search: Contacts” (’Ikai ha vitió? Lau ’a e peesi 89.)

Akoako Fakahoko:Hiki ’i he peesi hono hokó, ’a e kakai tokolahi taha ’okú ke fakakaukau te ke ala fetu’utaki ki ai kimu’a ’etau fakataha hokó. Manatu’i — ’oua te ke ongo’i mā. Kumi ha founga ke fai ha fetu’utaki ’e 10 he ’aho!

Mamata’i:“Daily Job Search: Meetings” (’Ikai ha vitió? Lau ’a e peesi 89.)

Lau:’I he peesi hono hokó, hiki ’a e kakai tokolahi taha te ke ala fakataha mata-ki he-mata mo ia kimu’a ’etau fakataha hokó. Fakakaukau ki he taimi te ke lava ’o fakataha ai mo kinautolú, pea mo e feitu’ú. Manatu’i ke ke faka’aonga’i ho’o “ko au ’i he sekoni ’e 30” ’i he fakataha kotoa pē.

Mamata’i:“Daily Job Search: Putting It All Together” (’Ikai ha vitió? Lau ’a e peesi 90.)

Akoako Fakahoko:Vakai he taimíi ki he tēpile ’i he peesi hono hokó. Ko e hā te ke ’uluaki fakahokó? fika uá? fika tolú? Fai ha palani ke kumi ha ngaahi ma’u’anga tokoni, fai ha ngaahi fetu’utaki, pea fai mo ha ngaahi fakataha mata-ki he-mata ’i he ’aho kotoa pē. Fakakaukau ki he taimi te ke fai ai ’a e ngaahi me’á ni pea kole ki ho fāmilí pe hoa ngāué ke tokoni atu. Lotua ke ma’u e fakahinohino ’a e ’Eikí.

Ngaahi Foomu Ma’u’anga Tokoní, Ngaahi Fetu’utakí mo e Ngaahi Fakatahá

NGAAHI MA’U’ANGA TOKONI (’ai ha lisi)	NGAAHI FETU’UTAKÍ (telefoní, ’īmeilí)	NGAAHI FAKATAHA (fakataha mata-ki he-mata)
Ngaahi saiti ’Initanetí	Kau mēmipa ’o e Kōlomú pe Fine’ofá	Ni’ihi ’e ala fakangāue’i ha tahá
Ngaahi nusipepá	Kakai kuó ke ngāue mo iá	Kau faiako faka’apí,
Ngaahi kautaha tokoni kumi ngāué	Kau faiako	Kāingalotu ’o e Siasí
Senitā fakafalala pē kiate kitá	Kakai ’oku mou fetaulaki ’i ha falekoloa

Foomu Lekooti Fakavave’i e Kumi Ngāué

Lau:Ko ha sīpinga ’eni ’o e Fakavava’i e Kumi Ngāué . Muimui’i ’a ho’o ngaahi ma’u’anga tokoní, fetu’utakí, mo e ngaahi fakatahá ’aki e foomu ’i he peesi 92. Hiki ha tatau ki he ngaahi uike takitaha ’i hono fie ma’ú.

(Faka’ilonga’i e fanga ki’i puhá pea tānaki atu ha fanga ki’i fakamatala. Faka’ali’ali e fakakātoa ki he ’ahó.)

’AHO 1
Ngaahi ma’u’anga tokoní: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Fakakātoa ki he ’ahó  15
Ngaahi fetu’utakí: ☑ ☑ ☑ ☑ ☑ ☑ ☑ ☑ ☑ ☑ ☐	Fakakātoa ki he ’ahó  10
Ngaahi faka’eke’eké: ☑ ☑ ☐ ☐	Fakakātoa ki he ’Ahó  2
Ma’u’anga Fakamatalá: Kuo ’osi ma’u e taha ngāue ia ki he ngāue tali totongí. Na’a nau pehē ke feinga ki he ngaahi pisinisí. Mahalo na’a ’oku nau kumi ha kau ngāue.

’AHO 2
Ngaahi ma’u’anga tokoní: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Fakakātoa ’o e ’ahó  15
Ngaahi fetu’utakí: ☑ ☑ ☑ ☑ ☑ ☑ ☑ ☑ ☐ ☐ ☐	Fakakātoa ki he ’ahó  8
Ngaahi faka’eke’eké: ☑ ☑ ☐ ☐	Fakakātoa ki he ’ahó  2
Ma’u’anga Fakamatalá: Na’e ’ikai lava ke fai ha fakataha mo Hōsea he ’ahó ni. Na’á ne pehē ke toki foki mai ’i he Tu’apulelulú.

’AHO 3
Ngaahi ma’u’anga tokoní: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐ ☐	Fakakātoa ki he ’Ahó  14
Ngaahi fetu’utakí: ☑ ☑ ☑ ☑ ☑ ☑ ☑ ☑ ☑ ☑ ☐	Fakakātoa ki he ’ahó  10
Ngaahi Faka’eke’eké: ☑ ☑ ☑ ☐
Ma’u’anga Fakamatalá: Fakafonu ’a e tohi kole ngāue meia Malia ’i he māketí.