Ngaahi Pulusinga Kimuʻá
Ngaahi Ma’u’anga Tokoní


Ngaahi Ma’u’anga Tokoní

Ngāué mo e Tukupaá

Fili ’a e ngaahi fatongiá pea fakatātaa’i ’a e ngaahi me’á ni.

MĒMIPA 1 ’O E KULUPÚ: ’Oku mau tui ki hono fakahoko mo tauhi ’a e ngaahi tukupaá. Ko e me’a kotoa pē ke fai ’i he’etau ngaahi kulupu mo’ui fakafalala pē kiate kitautolú, ’oku fakava’e ia ’i he ngaahi tukupaá mo hono lipōtí.

MĒMIPA 2 ’O E KULUPÚ: ’Oku tau vakai’i ’etau ngaahi ngāué ’i he ’osi ’a e fakataha fakakulupu he uiké pea fokotu’u ’etau fakamo’oni hingoá ke fakahaa’i ’etau loto’akí. ’Oku tau toe fili foki ha “hoa ngāue.” ’Oku fakamo’oni ’a e hoa ngāué ’i he’eta tohi ngāué ke fakapapau’i ’ene poupoú. Pea ’i he vaha’a ’o e ngaahi fakatahá ’i he ’aho kotoa pē, ’oku tau fetu’utaki ai ki hotau hoa ngāué ke lipooti ’etau ngaahi ngāué mo ma’u ha tokoni ’i he taimi ’oku fie ma’u aí.

MĒMIPA 3 ’O E KULUPÚ: ’Oku tau faka’ilonga’i ’a ’etau fakalakalaká ’i he’etau tohi ngāué ’i he vaha’a ’o e ngaahi fakatahá mo faka’aonga’i ’a e ngaahi me’angāue kuo ’omaí, hangē ko e ngaahi la’i pepa ngāué pe ngaahi foomu kehé. Pea kapau te mau fie ma’u ha tokoni makehe, te tau lava ’o kole ki hotau fāmilí, ngaahi kaungāme’á, pe ko e tokotaha tokoní.

MĒMIPA 4 ’O E KULUPÚ: ’I he kamata’anga ’o ’etau fakataha hono hokó, ’oku tau foki mai ai ’o lipooti ’etau ngaahi tukupaá. ’Oku totonu ke hoko ’eni ko ha a’usia lelei mo mālohi ki he taha kotoa. Lolotonga ’a e lipooti ’a e mēmipa takitaha ’o e kulupú, fakakaukau ki he anga hono tokoni’i ia ’e he fai ’o e ngaahi tukupaá mo e līpooti ’o e fakalakalaká.

MĒMIPA 1 ’O E KULUPÚ: Na’á ku pehē ’i he’eku fuofua lipooti ’eku ngaahi tukupaá, “Ko ha me’a faikehe ’eni.” Ko e hā ka tokanga mai ai ’a e kau mēmipa ’o ’eku kulupú ki he me’a na’á ku faí? Ka na’á ku toki ’ilo na’a nau tokanga. Pea na’e tokoni ia kiate au.

MĒMIPA 2 ’O E KULUPÚ: Na’á ku fakatokanga’i na’e ’ikai ke u loto ke tō lalo ’eku kulupú. Ko ia na’á ku ngāue mālohi ’aupito ke tauhi ’eku ngaahi tukupaá. ’Oku ’ikai ke u fakapapau’i pe na’á ku mei lava ’o fakalakalaka ’i ha toe founga kehe. Na’e tokoni mo’oni kiate au ’a e lipooti ’i he fakataha kotoa peé ’i he ngaahi me’a ’oku ou fakamu’omu’á.

MĒMIPA 3 ’O E KULUPÚ: ’I he’eku fakakaukau ki hoku hala ki he mo’ui fakafalala pē kiate kitá, na’á ku manavasi’i he ko ha me’a lahi ia. Ka na’e tokoni ’a e ngaahi fakataha fakakulupú ke u veteki ia ki ha fanga ki’i ngāue iiki. Pea na’á ku lipooti ’a e sitepu takitaha ki he’eku kulupú. Na’á ku toki fakalakalaka mo’oni leva. ’Oku ou tui na’e tupu ’a e lavame’a ko ení mei hono tanumaki ’o e ngaahi tō’onga mo’ui fo’oú.

Foki ki he peesi 13

Fakavave’i e Kumi Ngāué (’Ekitivitī Fili Pē)

Ako mo faka’aonga’i ’a e ngaahi nāunau ko ’ení ke fakavave’i ho’o kumi ngāué! Te ke lava ke ngāue ki he me’á ni mo ho fāmilí, ha mēmipa ’o e kulupú, pe ko ha kaungāme’a pe fale’i fakaengāue.

Mamata’i:“Rafael: Job in 6 Days!” (Ke sio he vitioó, ’alu ki he srs.lds.org.)

Alea’i:Ko e hā na’á ne tokoni’i ’a Lafaele ke ola lelei ’ene kumi ngāué?

Lau:Ko e Fakavave’i e Kumi Ngāué ko ha founga mālohi faka’aho ki he kumi ngāué. ’I ha ngaahi feitu’u ’e ni’ihi, kuo fakasi’isi’i ’e he founga ko ’ení ’a e taimi ma’u ’o ha ngāue mei he ’aho ’e 200 ki he ’aho ’e 20! ’Oku fie ma’u ai ha ngāue lahi. ’Oku kau ai ha ngaahi ngāue faka’aho ’e tolu:

  • ’Ilo’i ha ngaahi ma’u’anga tokoni fo’ou ’e 15.

  • Fetu’utaki ki ha toko 10.

  • Fai ha fakataha pe ’initaviu mata ki he mata ʻe 2.

Mamata’i:“Daily Job Search: Resources” (Ke sio he vitioó, ’alu ki he srs.lds.org, pe ko e lau ’a e me’a ko ’ení.)

  • ’Oku ako’i kitautolu ’i he folofolá, “’oku totonu ke femo’uekina ’a e tangatá ’i he holi lahi ’i ha ngāue lelei, pea fai ha ngaahi me’a lahi ko ’enau fili tau’atāina ’anautolu pē. … He ’oku ’iate kinautolu ’a e mālohi, ’a ia ’oku nau hoko ai ko e ni’ihi ke fili ma’anautolu. Pea ’oku ’omi e fekaú ni mo ha tala’ofa: “Pea kapau ’e fai ’e he tangatá ’a e ngaūe lelei, he ’ikai teitei mole ’a ’enau totongí ” (T&F 58:27-28).

  • ’Oku mahino ki he kau kumi ngāue ’oku ola leleí “’oku ’iate kinautolu ’a e mālohi”, pea ’e tokoni’i kinautolu ’e he ’Otuá ’i he’enau hoko ’o “femo’uekina ’i he holi lahí.” Te tau talanoa mahino ki ha founga kumi ngāue pau kuo ’osi fakamo’oni’i, ka ’oku konga ’e tolu. ’Oku ui ia ko e Fakavave’i e Kumi Ngāué.

  • ’Uluakí, ’oku ’ilo ’e he kau kumi ngāue ne ola leleí, ha ma’u’anga tokoni fo’ou ’e 15 he ’aho kotoa. Uá, ’oku nau fai ha fetu’utaki ’e 10 he ’aho taki taha. Tolu, ’oku nau fai ha fakataha pe ’initaviu ’e 2 mata ki he mata he ’aho taki taha.

  • ’I he kamata’angá, na’e hangē ’oku fu’u taulōfu’ú ’a e founga Kumi Fakavave’i e Ngāué. Ka ’i he’etau alea’i e konga takitaha, te ke sio ’oku malava pē ia — pea ’oku ola lelei!

  • Tau kamata ’aki e ngaahi ma’u’anga tokoní. Ko e hā e ma’u’anga tokoni? Ko e ma’u’anga tokoní ko ha tokotaha, feitu’u, pe me’a ’e lava ke tokoni ’i hono takiekina ha taha kumi ngāue ki ha faingamālie.

  • ’E lava ke kau he kakaí e kaungāme’á mo e fāmilí, kaingalotu ’o e Siasí mo e kau taki, ni’ihi ’oku nau fakangāue’í pe kaungā ngāué, kau faiako mo e kau fai fale’í, kakai he falekoloá — meimei ha taha pē ’e lava ke ma’u mei ai ha fakamatala ’aonga ki ha ngāue pe ha toe ngaahi ma’u’anga tokoni kehe.

  • ’Oku kau ’i he ngaahi feitu’ú ’a e ’ofisi ’o e ngaahi pisinisi fefakatau’akí, ngaahi potungāue fakalotofonuá ’o e ma’u’anga ngāué, mo e ngaahi kautaha fakapule’anga pe fakapalofesinalé. ’E lava ke ’oatu ’e he ngaahi me’á ni takitaha ha fakamatala ’e ala tokoni.

  • Pea ’oku kau ’i he ngaahi me’a te ne fakalahi atu ki ho’o fekumí e tohi tu’asila mo e telefoni ’a e pisinisí mo e tu’asila telefoni, peesi uepisaiti ’a e ngaahi kautahá, ’Initanetí, ngaahi tohi mo e makasini fefakatau’akí, nusipepá, mo e ngaahi fa’ahinga mītia kehekehe pē.

  • ’Ai ha lisi ’o e ngaahi me’á ni ’o ’oua ’e toe si’i hifo he 15 he ’aho kotoa pē!

Akoako Fakahoko:Vahevahe ha la’ipepa ki ha ’otu ’e tolu. Tohi’i ’a e “Ngaahi Ma’u’anga Tokoní,” “Ngaahi Fetu’utaki” mo e “Ngaahi Fakataha ” ’i he konga ki ’olunga ’o e ngaahi ’otú. Kamata ke fakafonu ’a e pepa ko ’ení he taimí ni ’aki hono lisi ki he lahi tahá ’a e ngaahi ma’u’anga tokoní ’i he ’otu ’uluakí. Ko e kakai, ngaahi feitu’u, mo e ngaahi me’a ’eni ’oku nau ma’u ha fakamatala ke tokoni atu! Ko ha ngaahi sipinga ’eni. Te ke fakafonu ’a e ngaahi ’otu kehé ’amui ange.

NGAAHI MA’U’ANGA TOKONÍ (’ai ha lisi)

NGAAHI FETU’UTAKÍ (telefoní, ’ī-meilí)

NGAAHI FAKATAHÁ (mata ki he mata)

Ngaahi saiti ’Initanetí

Kau mēmipa ’o e Kōlomú pe Fine’ofá

Ni’ihi ’e ala fakangāue’i ha tahá

Ngaahi nusipepá

Kakai kuó ke ngāue mo ia

Kau faiako faka’apí

Ngāue Ma’u’anga Mo’uí

Kau Faiako

Kāingalotu ’o e Siasí

Senitā mo’ui fakafalala pē kiate kitá

Kakai ’oku mou fetaulaki ’i ha falekoloa

Mamata’i:“Daily Job Search: Contacts” (Ke sio he vitioó, ’alu ki he srs.lds.org, pe ko e lau ’eni.)

  • Tau talanoa he taimí ni fekau’aki mo e ngaahi fetu’utakí. Ko e fetu’utakí ’oku ’ikai ko hono ’oatu pē ha fakamatala fakaako pe fakafonu ha tohi kole. Mei he kotoa e ngaahi ma’u’anga tokoni kuó ke ’ilo’í, ’e fie ma’u pē ke fai ha fetu’utaki fakaengāue ’e 10.

  • ’Oku kau ’i he fetu’utakí ha fa’ahinga fengāue’aki fakangāue mo e kakaí: tohi kole ki ha ngāue; ’oatu ha fakamatala fakaako pe ha ki’i tohi fakamālō; tala ki he kaungāme’á, fāmilí, mo e kau mēmipa ’o e Siasí ’okú ke kumi ngāue — ’oku ’aonga e tohi he telefoní pe ’ī-meilí. Te ke lava foki ke fengāue’aki mo ha ngaahi fetu’utaki kehe pea pehē ki ha ni’ihi te nau ala fakangāue’i koe. Fekumi ki ha ngaahi faingamālie kehekehe ke fengāue’aki mo e kakaí mo ’ai ke nau ’ilo’i ’oku ke kumi ngāue. ’E fiefia ha kakai tokolahi ke fakafe’iloaki koe ki ha kakai kehe ’oku nau maheni. ’Oku iku e ngaahi fehokotaki ko ’eni ki ha ngaahi ’initaviu, ’a ia ’e iku ki ha ngaahi ngāue ma’u’anga mo’uí!

Akoako Fakahoko:Faka’aonga’i ho’o pepá he taimí ni ke lisi ki he tokolahi taha te ke lavá e kakai te ke lava ’o fetu’utaki ki ai ki mu’a ’i he’etau fakataha hokó. Manatu’i — ’oua te ke ongo’i mā. Kumi ha founga ke fakahoko ha 10 he ’aho!

Mamata’i:“Daily Job Search: Meetings” (Ke sio he vitioó, ’alu ki he srs.lds.org, pe ko e lau ’eni.)

  • Faka’osí, ko e kau kumi ngāue leleí kuo nau ’ilo e mahu’inga ’o e fakataha mata-ki he-mata mo ha toko ua pe lahi ange he ’aho takitaha. ’E lava ke hoko ’eni ko ho’o ngāue mahu’inga taha he ’aho takitaha. Ko e hā hono ’uhingá? ’Oku lava ’e he fakataha pe ’initaviu mata ki he matá ’o ’oatu ha fetu’utaki mo ha mahino lelei ange. ’Oku fa’a “lea” ’a e kakaí meimei ’i he fakafōtunga ’a e sinó mo e fofongá. Pea ko e ngaahi pōpoaki ’ikai fakalea ko ’ení ’oku ’ikai fakafou ia ’i he ’īmeilí pe ’i he telefoní. ’I ho’o ’i ai tonú, ’e lava ke vakai mai ’a e kakaí mo ongo’i ko e tokotaha lelei koe!

  • ’Oku fa’a faka’atā foki ’e he fakataha mata ki he matá ke ke vakai pea ongo’i ’a e ’ātakai ’e lava ke ke ngāue aí. Te ke lava ’o vakai ki he fengāue’aki ’a e kakaí, anga fakakaume’á pe fiefia, lavame’a ’a e kautahá, ko e hā e ngaahi fie ma’u pe ha ngaahi faingamālie mo e founga te ke lava ’o feau ai e ngaahi fie ma’u ko iá. ’Oku hoko ha fa’ahinga ’initaviu pē ko ha ngaahi faingamālie lelei!

  • ’Oku ’ikai foki fie ma’u e ngaahi fakataha mata ki he mata kotoa pē ia ke ke fakataha ai mo kinautolu ’e ala ma’u ai ha ngāué. ’E lava foki ke ke fakataha mo ha ngaahi fetu’utaki kehe, kau ai e kaungāme’a, fāmili, mo e kaungāme’a ’o e kaungāme’a, pea mo e kau sekelitali, faiako, kau fai fale’í, pe ko ha kakai kehe ’oku nau fai e fa’ahinga ngāue ’okú ke fie ma’ú. Fe’iloaki pē mo e kakaí! Fakahoko ange kiate kinautolu ho’o “ko au he sekoni ’e 30” pea ngāue ’aki ’a e fehu’i faka’osí ke kole ha tokoni ke ma’u ai ha ngāue pea mo kakai tokolahi ange ke fe’iloaki mo ia. Hoko atu e feingá, tu’uaki ho mahu’ingá, pea kole ha tokoni mo ha fale’i. ’E hoko ha ngaahi me’a ma’ongo’onga!

  • Ko e Fakavave’i ’Eni ’o e Kumi Ngāué! ’I he ’aho kotoa pē, kapau te ke ’ilo’i ha ma’u’anga tokoni ’e 15 mo fai ha fetu’utaki ’e 10, ’e faingofua ai hono fai ha fakataha mata ki he mata ʻe 2. Te ke ofo ’i hono fakavave’i ’e he foungá ni ho’o kumi ngāué! Fai ia ’i he tui lahi, pea ’e fakaava e ngaahi matapā na’e ’ikai te ke fakakaukau ’e malavá.

Akoako Fakahoko:Faka’aonga’i he taimí ni ho’o pepá ke hiki ’a e kakai ’i he lahi tahá ’a ia te ke lavá ke fe’iloaki mata ki he mata mo kinauotlu kimu’a he’etau fakataha hokó. Fakakaukau ki he taimi mo e feitu’u ’e lava ke ke fakataha ai mo kinautolú. Manatu’i ke ke faka’aonga’i ho’o “ko au he sekoni ’e 30” ’i he fakataha kotoa pē.

Mamata’i:“Daily Job Search: Putting It All Together” (Ke sio he vitioó, ’alu ki he srs.lds.org, pe lau ’eni.)

  • ’Oku ’ikai ko ha ngaahi ’ekitivitī kehekehe ’a e konga ’e tolu ’o e Fakavave’i e Kumi Ngāué. ’I ho’o ngāue levá, te ke fakatokanga’i ’oku ’i he feitu’u kotoa pē ’a e ngaahi ma’u’anga tokoní. Kamata ’a e ’aho takitaha ’aki ho’o tānaki atu ki ho’o lisí. Pea ’i ho’o fai iá, te ke fakakaukau ki ha ngaahi founga fetu’utaki ki he kakaí, pea ’e fakanatula pē iku e fetu’utakí ki ha ngaahi fakataha.

  • Ko ho’o kulupu mo’ui fakafalala pe kiate kitá ko ha ma’u’anga tokoni lelei ia ’o e ngaahi ma’u’anga tokoní, fetu’utakí mo e ngaahi fakatahá. ’Oku pehē foki mo e kāingalotu ’o e Siasí, kaungā’apí, pe ko e kaungā ngāue ’i he ngāué. Tānaki atu ma’u pē ki he ngaahi ma’u’anga tokoní ’i ho’o fai e ngaahi fetu’utakí. ’I ho’o ngaahi fakataha mata ki he matá, kole ke ’oatu ha ngaahi fetu’utaki lahi ange. Kole ki he ni’ihi kotoa pē te mou fe’iloakí, ke fai ha ngaahi ’initaviu lahi ange.

  • Faka’aonga’i ho’o fakamatala “Ko Au he Sekoni ’e 30” ’Oku malava pē ’a e Fakavave’i e Kumi Ngāué, pea ’e lava pē ke fakafiefia ’i he taimi te ke kamata aí. Ko ia, ’oua ’e toe tatali. Talanoa mo e tokotaha kotoa pē. Fekumi ma’u pē ki he fakahinohino ’a e Laumālie Mā’oni’oní pea mo’ui taau. Tauhi ke lelei ho ngaahi lekōtí pea muimui’i. ’I ho’o ’alú, ’e fakahā atu ’e he ’Eikí ’a e halá.

Akoako Fakahoko:Vakai he taimí ni ki ho’o pepá. Ko e hā te ke ’uluaki fakahokó? Fa’u ha palani ke kumi ha ngaahi ma’u’anga tokoni, fai ha ngaahi fetu’utaki, pea fai mo ha ngaahi fakataha mata-ki he-mata he ’aho kotoa pē. Fakapapau’i ha taimi te ke lava ’o fakahoko ia, pea kole ki ho fāmilí pe hoa ngāué ke tokoni’i koe.

Muimui’i ho’o fakalakalaká ’aki e saati he peesi hokó. Muimui’i ’a ho’o ngaahi fetu’utaki ’aki e Foomu Muimui’i ’o e Fetu’utakí ’i he peesi 20. ’Ai ke lahi e ngaahi tataú.

Foomu Muimui’i ’o e Fakavave’i e Kumi Ngāué

Faka’ilonga’i e fanga ki’i puhá ’i ho’o fakakakato e ngāue taki taha pea tānaki atu ’a e ngaahi fakamatalá.

’AHO 1

Ngaahi ma’u’anga tokoní: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fetu’utaki: ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fakataha: ☐ ☐

Fakakātoa Faka’ahó

Fakamatalá:

’AHO 2

Ngaahi Ma’u’anga Tokoní: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fetu’utakí: ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fakatahá: ☐ ☐

Fakakātoa Faka’ahó

Fakamatalá:

’AHO 3

Ngaahi Ma’u’anga Tokoní: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fetu’utakí: ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fakatahá: ☐ ☐

Fakakātoa Faka’ahó

Fakamatalá:

’AHO 4

Ngaahi Ma’u’anga Tokoní: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fetu’utakí: ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fakataha: ☐ ☐

Fakakātoa Faka’ahó

Fakamatalá:

’AHO 5

Ngaahi Ma’u’anga Tokoní: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fetu’utaki: ☐ ☐ ☐ ☐ ☐ ☐ ☐ ☐ ☐ ☐

Fakakātoa Faka’ahó

Ngaahi Fakataha: ☐ ☐

Fakakātoa Faka’ahó

Fakamatalá:

Foomu ki hono Muimui’i e Fetu’utakí
Fetu’utakí

Tokotaha pe kautaha:

Telefoní:

Tu’asilá:

’Īmeili:

Na’e fakafe’iloaki au ’e:

Ne u fetu’utaki ki he tokotaha ko ’ení

  • ’Io

  • ’Ikai

’Ahó:

Ngaahi me’a ne alea’í:

1.

2.

3.

Ngaahi ’ekitivitī ki hono muimui’í:

1.

Fakakakato ki he (’ahó):

2.

Fakakakato ki he (’ahó):

3.

Fakakakato ki he (’ahó):

Fakafe’iloaki fo’oú:

1. Hingoá:

Telefoní:

Fax:

’Īmeilí:

Tu’asilá:

2. Hingoá:

Telefoní:

Fax:

’Īmeili:

Tu’asilá:

Paaki