Ngaahi Ma’u’anga Tokoní
Kumi ’i he Feitu’u ’Oku Si’isi’i ai ’a e Fe’au’auhí
Fili ha konga pea fakatātāa’i ’a e ngaahi me’á ni.
KAMI: Mani ē. Ne laka hake he toko 200 ne tohi kole ngāue ki he ngāue ko ia na’á ku fie ma’ú. He ’ikai pē haku faingamālie ’o’oku!
KOFI: Kami, ’okú ke manatu’i ’a e feitu’u na’a tau fa’a toutai ai ho’o kei si’í?
KAMI: ’Io. Ko ha feitu’u lelei ia, ’o pulia ia he ’ulu ’akau ko eé. Na’e ’ikai ke fa’a ’ilo’i ’oku ’i ai. Ka ko ’eni, ’oku ’ilo’i ia ’e he tokotaha kotoa. ’Oku fu’u tokolahi he taimí ni, pea faingata’a ke ma’u ha me’a ia.
KOFI: Sai, ’i ho’o kumi ngāué, ko e hā ’okú ke “toutai” ai he feitu’u ’oku “toutai” ai e taha kotoa? Ko e hā ’oku ’ikai te ke kumi ai he feitu’u ’oku si’isi’i ange ai e fe’au’auhí? ’Oku ou tui ’oku ’ikai ke ke ma’u ’a e ngaahi ngāue ’oku ’ikai ’ilo pe tu’uakí. Toutai he feitu’u ’oku ’i ai e iká!
Foki ki he peesi 38
Ngaahi Ma’u’anga Tokoni ’Aonga Tahá
Fili ’a e ngaahi kongá pea fakatātāa’i ’a e ngaahi me’á ni.
KOFI: na’á ku to’o mai ’a e nusipepa ma’au.
KAMI: Kuo fuoloa ’eku ta’e fekumi ’i he pepá. Manatu’i? ’Oku ou toutai ’i he feitu’u ’oku si’isi’i ange ai ’a e fe’au’auhí.
KOFI: Lelei, ’oku fie ma’u ke ke tokanga taha ki he ngaahi ma’u’anga tokoni ’aonga tahá. Ka ’oku ’i ai ha ngaahi ngāue lelei ’i he nusipepá. ’Oku fie ma’u ke tau feinga ’i he tafa’aki kotoa pē. Ko e me’á pē ke faka’aonga’i lelei e taimí ’i ho’o ngaahi ma’u’anga tokoni ’aonga tahá.
Foki ki he peesi 39
Ko Hono Langa Hake Ho’o Kulupu Fengāue’akí
Fili ’a e ngaahi kongá pea fakatātāa’i ’a e ngaahi me’á ni.
KAMI: kuó u feinga ke hoko atu hono fai ha fetu’utaki fo’ou ’e 10 he ’ahó, ka ’oku faka’au ke faingata’a ange hono fai ha fetu’utaki fo’oú.
KOFI: Sai, kuó u siofi koe ’i he ngaahi ’aho si’i kuo ’osí, pea ’oku hangē kiate au ’okú ke feinga ke fai tokotaha pē ’a e ngāué. ’Okú ke ’ilo, te ke ma’u ha ngaahi ola lelei ange kapau te ke tuku ha taimi ki he kulupu fengāue’akí.
KAMI: Kulupu Fengāue’akí?
KOFI: ’Io, ’oku totonu ke ke fa’u ha timi, ko ha kulupu fengāue’aki mo e kakai te nau lava ’o fakahaa’i atu ha ngaahi faingamālie ’i he taimi ’oku nau ’ilo’i ai iá. ’Oku totonu ke ke tuku ha taimi ke tokoni’i e ni’ihi kehé, pea mahalo te nau lava ’o tokoni atu.
KAMI: Kuó u ’osi talanoa ki he taha kotoa ’oku ou ’iló, ’o lahi ange he tu’o tahá.
KOFI: Tonu ia. Ka ’oku ’ikai ko ho’o kulupu fengāue’akí pē ’a e kakai ’okú ke ’ilo’í. ’Oku fie ma’u ke fakakau ai ’a e kakai ’oku nau ’iló. Kole ki he kakai ’okú ke ’iló ke fakafe’iloaki koe ki he kakai ’oku nau ’ilo’i.
KAMI: Hmmm. Ka ko e hā te u lea ’aki ki he kakai ko ’ení he ’oku ’ikai ke u maheni mo kinautolu? ’Oku kehe ia mo e talanoa ki he kakaí ’oku mau mahení. Te u Kamata ’i Fē?
KOFI: Kamata ’aki hao ’eke ki ho kaungāme’á pe ’oku nau ’ilo ha taha (1) ’okú ne ’ilo ha me’a fekau’aki mo e ngāue ’okú ke filí, (2) ’oku ’i ai hano mālohi ke fakangāue’i, pe (3) ’okú ne ’ilo’i ha kakai kehe tokolahi. ’E tupulaki ho’o kulupu fengāue’akí ’o lahi mo vave ange. Pea ’oku lahi ange e faingamālie ke fanongo ki he ngaahi faingamālie ngāue ’i hono talanoa’i ’o fakafou ’i ho’o kulupu fengāue’akí. Te nau tokoni atu ’i hono kumi e ngaahi ngāue ’oku ’ikai ’iló.
KAMI: Ka ko e hā te u lea ’aki kiate kinautolú?
KOFI: ’oku ’ikai ke fu’u mahu’inga ’a e me’a te ke lea ’akí, ka ko e founga ho’o lea ’aki iá. ’Oku fekau’aki lahi ange ia mo e founga ho’o fakahoko koé. Akoako fakahoko ho’o “ko au ’i he sekoni ’e 30” mo e ngaahi fakamatala ’oku ongó pea ’e lelei mo’oni ho’o fakafōtungá.
KAMI: ’Ō, sai ia. Mahalo pē ’efakaava heni ha ngaahi faingamālie fo’ou.
Foki ki he peesi 40
Tauhi ha Lekooti Ho’o Ngāué
Kimu’a ’i he’etau fakataha hokó, fai ha ngaahi fetu’utaki fekumi ngāue ’e 30 nai ’o fakafou ’i ho’o kulupu fengāue’akí. ’E totonu ke iku ’o mau ai ha ngaahi fakataha mata-ki he-mata ’e 10 nai mo kinautolu te nau ala fakangāue’i koé.
Hoko atu hono vakai’i e ngaahi tu’uakí mo e ’Initanetí, pea ’a’ahi ki ha senitā mo’ui fakafalala pē kiate kitá. Ka ke manatu’i ’a e feitu’u ’oku ’i ai ’a e ngaahi ngāué — ko e māketi ngāue ’oku ’ikai ’iló! Fakamoleki ha konga lahi ho taimí mo e iví ke talanoa hangatonu mo e ngaahi kautahá pea fe’iloaki mo fetu’utaki fakatāutaha ’o fakafou ’i ho’o kulupu fengāue’akí.
Te ke lava ’o tauhi ha lekooti ho’o ngaahi fetu’utakí mo e ngaahi fakatahá ’i he saati ko ’ení (’oku ’oatu ha sīpinga). Tauhi ’a e ngaahi nouti mei ho’omou ngaahi fakatahá ’i he Foomu Muimui’i ’o e Fetu’utaki ’i he peesi ko ’ení, pe ko hao faka’aonga’i ha ki’i pepa kehe.
|
NGAAHI TU’UAKI/’INITANETÍ |
TOKONI KUMI NGĀUE ’A E PULE’ANGÁ PE KAUTAHA FAKATĀUTAHA |
FETU’UTAKI FAKATĀUTAHA MO E NGAAHI KAUTAHÁ |
NGAAHI FAKATAHA FAKATĀUTAHA MO E KAKAI NE FAKAFOU ’I HO’O KULUPU FENGĀUE’AKÍ |
|---|---|---|---|
|
1. Kole ngāue ’i he ’Initanetí ki ha ngāue fakatauhitohi 2. 3. 4. 5. |
1. ’Ave ha tohi “fakamālō” kia Kolōlia ’i he ’ōfisi tokoni kumi ngāué 2. 3. 4. 5. 6. 7. 8. |
1. Muimui’i e ’a’ahi ne fai kia Maikolo he Accounting, Inc. 2. 3. 4. 5. 6. 7. 8. 9. 10. 11. 12. 13. |
1. Fetaulaki mo e kaume’a ’o Hosea ’i he Toro Corp. 2. 3. 4. 5. 6. 7. 8. 9. 10. 11. 12. 13. 14. 15. |
Foomu ki hono Muimui’i e Fetu’utakí
Fetu’utakí
Tokotaha pe kautaha:
Telefoní
Tu’asilá:
’Īmeili:
Na’e fakafe’iloaki au ’e :
Ne u fetu’utaki ki he tokotaha ko ’ení
-
’Io
-
’Ikai
’Ahó:
Ngaahi me’a na’e alea’i:
1.
2.
3.
Ngaahi ’Ekitivitī ke Muimui’í:
1.
Fakakakato ki he (’aho):
2.
Fakakakato ki he (’aho):
3.
Fakakakato ki he (’aho):
Fakafe’iloaki fo’oú:
1. Hingoá:
Telefoní
Fax:
’Īmeili:
Tu’asilá:
2. Hingoá:
Telefoní:
Fax:
’Īmeili:
Tu’asilá: