Lipooti

circling arrows-red

Na’á ku tauhi ’eku ngaahi tukupaá?

Taimí:Seti ’a e uasí ke miniti ’e 20 ’a e konga ki he Līpōtí.

Alea’i:Lau ’a e kupu’i lea ’i to’omata’ú. ’Oku kaunga fēfē ’eni ki he’etau kulupú?

“’I he taimi ko ē ’oku vakai’i ai ’a e ngāué, ’oku fakalakalaka ’a e ngāué. ’I he taimi ko ē ’oku vakai’i ai ’a e ngāué pea lipootí, ’oku vave ange ai ’ene fakalakalaká.”

(Thomas S. Monson, ’i he Conference Report, Oct. 1970, 107

Akoako Fakahoko:Tau lipooti ’etau ngaahi tukupaá. Kātaki ’o tu’u hake ’a kinautolu na’a nau tauhi kotoa ’enau ngaahi tukupaá. (Pasipasi’i kinautolu na’a nau tauhi kotoa ’enau ngaahi tukupaá.)

Lau:Tu’u kotoa ki ’olunga he taimí ni. ’Oku totonu ke tau feinga ke tauhi kotoa ’etau ngaahi tukupaá. Ko e taha ia ’o e ngaahi tō’onga mo’ui mahu’inga ’o e kakai mo’ui fakafalala pē kiate kinautolú.

Lolotonga ’etau kei tu’ú, tau lau fakataha ’a e kaveingá. ’Oku fakamanatu mai ’e he ngaahi lea ko ’ení fekau’aki mo e taumu’a ’o ’etau kulupú:

“Pea ko ’eku taumu’á ke tauhi ’a ’eku kau mā’oni’oní, he ’oku ’a’aku ’a e ngaahi me’a kotoa pē.”

Tokāteline mo e Ngaahi Fuakava 104:15

’Oku tau ngāue fakataha ’i he’etau tui ki he ’Eikí ke tau hoko ’o moui fakafalala pē kiate kitautolu.

Lau:Me’a hifo ki lalo.

Alea’i:Ko e hā na’á ke ako ’i hono tauhi ho’o ngaahi tukupaá? Ko e hā ha founga te mau tokoni atu ai? Tau fealēlea’aki fakataha pea fetokoni’aki ’i he’etau kumi ngāué. Ko e fealēlea’aki mahu’inga taha ’eni ’o e fakataha ko ’ení!

Ko e hā na’á ke ako ’i hono fakamatala’i “ko au he sekoni ’e 30” ki he kakaí? Na’á ke toe fakalelei’i ’ia? Na’á ke hiki ho’o ngaahi fetu’utakí pea muimui’i?

Na’e ’ahi’ahi fakahoko ’e ha taha ’a e Fakavave’i e Kumi Ngāué? Ne ’i ai ha ola?