Ma’á e Kau Tokoní

Ko e ’aho ’o e fakatahá:

• Text pe telefoni ki he kau mēmipa kotoa ’o e kulupú. Fakaafe’i kinautolu ke nau vave mai ’aki ha miniti ’e 10 ke lipooti ki he’enau ngaahi tukupaá.

• Teuteu ’a e ngaahi nāunau ’o e fakatahá. ’Ikai ma’u ha ngaahi tohi pe ngaahi vitiō? Te ke lava ’o ma’u kinautolu mei he srs.lds.org.

’I he miniti ’e 30 kimu’a ’i he fakatahá:

• Fokotu’u takatakai ‘a e ’ū seá ’i ha tēpile koe’uhí ke vāofi ’a e tokotaha kotoa pē.

• Tā ’a e saati tukupā ko ’ení ’i he palakipoé mo e hingoa ’o e kakai ’i ho’o kulupú (vakai ki he sīpinga ’i laló).

  Hingoa ’o e mēmipa ’o e kulupú.	Na’e faka’aonga’i ’a e “ko au he sekoni ’e 30” ki ha kakai ’e 20 pe lahi ange (Tohi’i e #)	Na’á ku akoako fakahoko ’a e tefito’i mo’oni mei he Fakava’é pea mo ako’i ia ki he fāmilí (’Ikai/’Io)	Na’á ku fakahū ha pa’anga ki he ’akauní (’Ikai/’Io)	Na’á ku līpooti ki he hoa ngāué (’Ikai/’Io)
  Kolōlia	28	’Io	’Io	’Io

’I he miniti ’e 10 kimu’a ’i he fakatahá:

• Talitali fiefia ’a e kakaí ’i he’enau a’u maí.

• Kole ki he kau mēmipa ’o e kulupú ’i he’enau a’u maí ke nau fakakakato ’a e sāti tukupā ’i he palakipoé.

• Vahe ha tokotaha ke tauhi taimi.

’I he taimi kamatá:

• Vahevahe ’a e tatau ’o e fakamatala fetu’utaki ’o e mēmipa e kulupú (mei he fakataha faka’osí).

• Kole ki he kakaí ke tāmate’i ’enau telefoní mo e devices kehé.

• Fai ha lotu kamata (mo e himi, kapau ’e fie ma’u).

• Kole le’o si’i kiate kinautolu ’oku tōmui maí ke tāmate’i ’enau telefoní pea fakakakato ’a e saati tukupaá, lolotonga ’oku kei fealēlea’aki ’a e kulupú.

• Seti ’a e uasí ke miniti ’e 20 ’a e Ko Hoku Fakava’é.

• Fakakakato ’a e tefito’i mo’oni 2 ’i he Ko Hoku Fakava’é. Hili ia pea foki mai ki he tohi ngāue ko ’ení ’o hokohoko atu ho’o laukongá ’i he peesi hono hokó.