Ako
’E founga fēfē ha’atau lava ’o fetokoni’aki ’i he ngaahi faingata’a he ngāué?
-
Taimí:Seti ’a e uasí ke miniti ’e 20 ’a e peesi pē ko ’ení (’ikai ko e konga kotoa ki he Akó).
Fakatokanga’i ange foki, te ke fakamoleki ha toe miniti ’e 20 ’i he angamahení ki he konga ’o e Tukupaá.
-
Lau:’Oku ’i ai hotau ni’ihi ’oku ma’u ’etau ngāue pea ko e ni’ihi ’oku nau kei kumi ngāue, ka ’oku fehangahangai ’a e tokotaha kotoa pē mo ha ngaahi faingata’a ’i he ngāué. Ko ha ngaahi sīpinga ’eni ’e ni’ihi:
-
’Oku te’eki ai ke ma’u ha’aku ngāue.
-
Hangē ’oku ’ikai pē teitei fiefia hoku pulé ’o’oku ’i he’eku ngāué.
-
’Oku ’i ai ha’aku ngāue, ka ’oku ’ikai ke u ma’u ha pa’anga fe’unga.
-
’Oku ’ikai ke u ’ilo e founga ke fehangahangai ai mo e faihala ’i hoku ngāue’angá.
-
Na’á ku talanoa ki ha kakai tokolahi, ka ’oku ’ikai ha taha ia te ne fie fakangāue’i au.
-
’Oku faingata’a ke faitotonu ki he tokotaha ’oku ’a’ana ’a e ngāué.
-
’Oku ’ikai ke u sai’ia ’i hoku kaungāngāué.
-
He ’ikai lava ke u tauhi ha ngāue.
’Oku tau hoko ’o fakafalala lahi ange kiate kitautolu ’i he’etau fealēlea’aki fakataha mo ’ahi’ahi fakahoko hono ikuna’i ’o e ngaahi faingata’á.
-
-
’Ahi’ahi Fakahoko:’E hiki ’i he palakipoé ’e he mēmipa takitaha ’o e kulupú ’a e faingata’a lahi taha ’i he ngāué. Fili fakakulupu ha ngaahi faingata’a ’e tolu mei he palakipoé. Ko e me’a te mou ’ahi’ahi fakahoko he ’aho ní ke alea’i pea palani ha ngaahi founga ke veteki ’aki e ngaahi faingata’á.
Toe vakai’i ’a e founga ngāue ’o e kuohilí, fealēlea’akí pea ’e lava ke tokoni ’a e ngaahi vitiō ’i he tohi ngāue ko ’ení. Te mou lava ’o ’ilo’i ha ni’ihi kehe mei he kulupú ’e lava ’o tokoni ki ha faingata’a. ’E lava ke fakaafe’i mai ’a e tokotahá ni ke tokoni ’i ho’omou fakataha fakakulupu hono hokó.
’Oku lahi ange nai ’eku mo’ui fakafalala pē kiate au?
-
Taimí:Seti ’a e uasí ke miniti ’e 40 ’a e peesi pē ko ’ení.
-
Lau:Ko ’etau taumu’á ke mo’ui fakafalala pē kiate kitautolu, fakatu’asino mo fakalaumālie fakatou’osi. Ko hono ’ai ko ia ke ola lelei ’etau ngāué ko ha konga pē ia ’o e taumu’a ko iá.
-
Alea’i:Ko e hā ha ngaahi liliu kuó ke fakatokanga’i ’i ho’o mo’uí ’i ho’o akoako mo ako’i ’a e ngaahi tefito’i mo’oni ’i he Ko Hoku Fakava’é?
-
Akoako Fakahoko:Fakaava ho’omou fanga ki’i tohi Ko Hoku Hala ki he Mo’ui Fakafalala Pē Kiate Kitá ki he ki’i sivi ’o e mo’ui fakafalala pē kiate kita ’oku te’eki fakafonú (’i he konga ki muí). Fakakakato e ngaahi sitepu ko ’ení:
Ko ho’o ’osí pē, tuku ha miniti ’e tolu ke ke fakalaulauloto ai ki heni:
’Okú ke ’ilo lelei ange nai he taimí ni ho’o ngaahi fakamolé? Te ke lava ’o tali “tu’o lahi” pe “ma’u ai pē” ’o lahi ange ki he ngaahi fehu’i ko ’ení? ’Okú ke falala lahi ange nai ki he lahi ’o e pa’anga kuó ke fokotu’u ko ho’o pa’anga hū mai ki ho’o mo’ui fakafalala pē kiate kitá? ’Okú ke ofi ange nai ke a’usia ho’o pa’anga hū mai ke ke mo’ui fakafalala pē kiate koe? Ko e hā ha me’a te ke lava ’o fai ke ke fakalakalaka ai?