Ngaahi Pulusinga Kimuʻá
Ma’á e Kau Tokoní

Ma’á e Tokoní

’I he ’aho ’o e fakatahá:

  • ’I he ’aho ní, ’e fakamoleki ’e he kulupú ha toe miniti ’e 20 ki he konga ’o e Tukupā. Kātaki ’o lau ’a e ’ekitivitī faka’osí ’i he Ko Hoku Fakava’é pea mateuteu ke tali ’a e ngaahi fehu’í.

  • Text pe telefoni ki he kau mēmipa kotoa ’o e kulupú. Fakaafe’i kinautolu ke nau vave mai ’aki ha miniti ’e 10 ke lipooti ki he’enau ngaahi tukupaá.

  • Teuteu ’a e ngaahi nāunau ’o e fakatahá.

  • ’Omi ha tatau kehe ‘e nima ’o e Ko Hoku Hala ki he Mo’ui Fakafalala pē Kiate Kitá.

’I he miniti ’e 30 kimu’a ’i he fakatahá:

  • Fokotu’u takatakai ‘a e ’ū seá ’i ha tēpile koe’uhí ke vāofi ’a e tokotaha kotoa pē.

  • Tā e saati tukupā ko ’ení he palakipoé:

    Hingoa ‘o e mēmipa ’o e kulupú

    Na’á ku tauhi ’eku tukupā ngāue fo’oú (’Io/’Ikai)

    Na’á ku akoako fakahoko ’a e tefito’i mo’oni mei he Fakava’é pea mo ako’i ia ki he fāmilí (’Io/’Ikai)

    Na’á ku fakahū ha pa’anga ki he ’akauní (’Io/’Ikai)

    Na’á ku līpooti ki he hoa ngāué (’Io/’Ikai)

    Kolōlia

    ’Io

    ’Io

    ’Io

    ’Io

’I he miniti ’e 10 kimu’a ’i he fakatahá:

  • Talitali fiefia ’a e kakaí ’i he’enau a’u maí.

  • Kole ki he kau mēmipa ’o e kulupú ’i he’enau a’u maí ke nau fakakakato ’a e sāti tukupā ’i he palakipoé.

  • Vahe ha tokotaha ke tauhi-taimi.

’I he taimi kamatá:

  • Kole ki he kakaí ke tāmate’i ’enau tekefoní mo e ngaahi device kehé.

  • Fai ha fua lotu (mo e himi, kapau ’e fie ma’u).

  • Kole le’o si’i kiate kinautolu ’oku tōmui maí ke tāmate’i ’enau telefoní pea fakakakato ’a e saati tukupaá, lolotonga ’oku kei fealēlea’aki ’a e kulupú.

  • Seti ’a e uasí ke miniti ’e 20 ’a e Ko Hoku Fakava’é.

  • Fakakakato e tefito’i mo’oni 12 ’i he Ko Hoku Fakava’é. Hili ia pea foki mai ki he tohi ngāue ko ’ení ’o hokohoko atu ho’o laukongá ’i he peesi hono hokó.