Ako

lightbulb-red

’E founga fēfē ha’atau fetokoni’aki ke tauhi ’a e ngaahi tukupā ko ’ení?

Taimí:Seti ’a e uasí ke miniti ’e 60 ’a e konga ki he Akó.

Lau:’Oku ’i ai hotau ni’ihi ’oku ma’u ha’atau ngāue pea ko e ni’ihi ’oku nau kei kumi ngāue, ka ’oku fehangahangai ’a e tokotaha kotoa pē ko ha ngaahi faingata’a ’i he ngāué. Ko ha ngaahi sīpinga ’eni:

• ’Oku te’eki ai ke ma’u ha’aku ngāue.

• Hangē ’oku ’ikai pē teitei fiefia hoku pulé ’o’oku ’i he’eku ngāué.

• ’Oku ’i ai ha’aku ngāue, ka ’oku ’ikai fe’unga ’a e pa’angá.

• ’Oku ’ikai ke u ’ilo e founga ke fehangahangai ai mo e faihala ’i hoku ngāue’angá.

• Na’á ku talanoa ki ha kakai tokolahi, ka ’oku ’ikai ha taha ia te ne fie ’omai ha’aku ngāue.

• ’Oku faingata’a ke faitotonu ki he tokotaha ’oku ’a’ana ’a e ngāué.

• ’Oku ’ikai ke u sai’ia ’i hoku kaungāngāué.

• ’Oku ’ikai ke u fuoloa au ha ngāue.

’Oku tau hoko ’o fakafalala lahi ange kiate kitautolu ’i he’etau fealēlea’aki fakataha mo ’ahi’ahi fakahoko hono ikuna’i ’o e ngaahi faingata’á.

’Akoako Fakahoko:’E hiki ’i he palakipoé ’e he mēmipa takitaha ’o e kulupú ’a e faingata’a lahi taha ’i he ngāué. Fili fakakulupu ha ngaahi faingata’a ’e tolu mei he palakipoé. Ko e me’a te mou ’ahi’ahi fakahoko he ’aho ní ke alea’i pea palani ha ngaahi founga ke veteki ’aki e ngaahi faingata’á.

Toe vakai’i ’a e founga ngāue ’o e kuohilí, fealēlea’akí pea ’e lava ke tokoni ’a e ngaahi vitiō ’i he tohi ngāue ko ’ení. Te mou lava foki ’o ’ilo’i ha ni’ihi kehe mei he kulupú ’e ala tokoni ’i ha faingata’a. ’E lava ke fakaafe’i ’a e tokotaha ko ’ení ke tokoni ’i ho’o fakataha fakakulupu hokó.