Ngaahi Ma’u’anga Tokoní
Ko e ’Initaviú
Fili ’a e ngaahi fatongiá pea fakatātaa’i ’a e ngaahi me’á ni.
TOKOTAHA FAI ’INITAVIÚ: Sai, ko e hā te ke lava ’o fakamatala’i mai fekau’aki mo koé?
TOKOTAHA ’OKU ’INITAVIU 1: Ko ho’o ’uhingá pe ko e hā ’oku ou sai’ia ke fakahokó? ’Ikai ha me’a lahi, ia. ’Oku ’ikai ke ’i ai ha me’a ia ’oku ou fu’u sai’ia ai pe manako ai. Meimei ko e nofonoa pē.
TOKOTAHA ’OKU ’INITAVIU 2: um… sai, ’oku ou…
TOKOTAHA ’OKU ’INITAVIU 3: ’Io, te u sai’ia ke fai ia. Hangē ko ho’o vakaí, ’oku ou fakamoleki ha taimi ke hikihiki me’a mamafá. ’Oku totonu foki ke u ’alu ki he ngaahi kalasi mapule’i e ’itá. Ka ko hai ’oku fie ’alu ki ai? Ke ’ilo ’eku ’uhingá?
TOKOTAHA ’OKU ’INITAVIU 1: Pe ko ho’o ’uhingá pe ’oku fēfē ’eku ngāué? ’Oku te’eki ai ke u fuoloa ’i ha ngāue ke ’ilo’i. ’Oku vave ’eku ta’eoli’iá pea ’ikai pē ke u toe ’alu au. … Mahalo pē na’e ’ikai totonu ke u lea ’aki ia.
TOKOTAHA ’OKU ’INITAVIU 2: ’ō…
TOKOTAHA ’OKU ’INITAVIU 3: Ko ’eku ’uhingá, ko e tama ’okú ne ako’i e kalasi mapule’i e ’itá, … te u lava pe ’o fesiua ia. Ka ko hai ’e hoko ko hoku pulé ? Ko koe? ’Ei, ’oku ’ikai ke ke hangē koe ko e fa’ahinga ’oku nau vakai’i ma’u pē pe ’oku mau femo’uekina, ’okú ke pehē? Pe ’oku mau hangē ha kau leka? Na’e fai pehē hoku pule fakamuimuitahá pea na’e ’ikai ke u sai’ia ai.
FAI INITAVIÚ: Ko e hā ka maú ka fakangāue’i ai koe?
TOKOTAHA ’INITAVIU 2: ’Oku totonu ke ke fakangāue’i au koe’uhí he…ahhh…
TOKOTAHA ’INITAVIU 1: He ’oku ou fie ma’u ha ngāue. Ne u fakakaukau na’e ha’u ’eku fa’eé ’o talanoa mo koe ki ai ’aneafi. Na’á ne pehē ’oku totonu ke ma’u ha’aku ngāue. Na’e ’ikai ke ne fai ia, ko ia?
TOKOTAHA ’INITAVIU 3: ’oku mou vale kapau he ’ikai ke mou fakangāue’i au. Na’á ku fakatokanga’i he taimi na’á ku hū mai ai ’oku ’i ai ha ngaahi me’a ’oku fu’u fie ma’u ke liliu ’i he feitu’ú ni. ’Oku ou ofo he kei lele ho’omou pisinisí. Te u lava ke fakalelei’i kotoa ia. ’Io. Te ke fakamālō mai ’i hono fakahaofi ho’o pisinisí.
TOKOTAHA ’INITAVIU 2: He ’oku … um …
TOKOTAHA FAI ’INITAVIÚ: Ko e hā ho vaivai’anga lahi tahá?
TOKOTAHA ’INITAVIU 3: ’Oku ’ikai haku ngaahi vaivai. Fēfē koe? Me’a mo’oni ’oku ou fehi’a he ngaahi fehu’i peheé.
TOKOTAHA ’INITAVIU 2: Ngaahi vaivaí? Hmm …
TOKOTAHA ’INITAVIU 1: um … kaiha’á. Ko ’eku ’uhingá, ’oku ’ikai ko e kaiha’a, mo’oni. Na’e ’ikai ke u kaiha’a. Ko ha talanoa lōloa ia. Ko ’eku ’uhingá na’e ’ai pē ke u toki fakafoki ia. Na’á ku fakakaukau ’e tuku ’e hoku pulé ke u faka’aonga’i taimi nounou ia.
Foki ki he peesi 24
Founga fēfē Ha’aku Liliu e Ngaai Me’a ’Oku Koví Ke Lelei? (’Ekitivitī Fili)
-
Alea’i:Te ke tali fēfē ’a e fehu’i ko ’ení: “Ko e hā ho vaivai’anga lahi tahá?” Lau ’a e tali ’a Kolōliá.
-
Lau:Fakatokanga’i na’e fai ’eni ’e Kolōlia:
-
Vahevahe ha vaivai’anga ’oku angamaheni ’aki ’e ha kakai tokolahi.
-
Na’e fakamatala’i pau e founga ’okú ne ikuna’i ’aki e vaivai’angá.
-
Tānaki atu ’a e fakamatala mei ha fakamatala ongo mālohi.
-
-
Akoako Fakahoko:’Ahi’ahi’i ’eni ’i ha mēmipa ’o e fāmilí pe kaungāme’a. ’Ai ke nau fai atu ha fehu’i ’oku ’ikai lelei. Tali ia ’aki hono vahevahe ha vaivai’anga ’oku angamaheni ’aki ’e ha kakai tokolahi. Fakamatala’i e founga kuó ke ikuna’i ai ’a e vaivai’anga ko ’ení. Tānaki atu ’a e fakamatala mei ho’o fakamatala ’oku ongó.