Themeli Im: Ushtroni Besim te Jezu Krishti – Koha Maksimale: 20 Minuta

Përsiatni:Si ndikon besimi im te Jezu Krishti në mbështetjen time te vetja?

Shihni:“Exercise Faith in Jesus Christ” [“Ushtroni Besim te Jezu Krishti”], në dispozicion te srs.lds.org/videos. (Nuk keni material filmik? Lexoni faqen 21.)

Ushtroni Besim te Jezu Krishti

Nëse nuk jeni në gjendje ta shihni materialin filmik, lexojeni këtë skenar.

foto nga Exercise Faith in Jesus Christ [Ushtroni Besim te Jezu Krishti]

Plaku Dejvid A. Bednar: Ndërmarrja e veprimit është ushtrim i besimit. Fëmijët e Izraelit po mbajnë arkën e besëlidhjes. Ata vijnë te Lumi Jordan. Premtimi është se ata do të kalojnë nga ana tjetër në tokë të thatë. Kur ndahet uji? Kur këmbët e tyre lagen. Ata ecin nëpër lumë – veprojnë. Fuqia pason – uji ndahet.

Ne shpeshherë besojmë: “Do ta kem këtë kuptueshmëri të përkryer dhe më pas do ta shndërroj atë në ato që bëj”. Do të sugjeroja që ne kemi mjaftueshëm sa për të filluar nga puna. Ne kemi një ndjesi për drejtimin e duhur. Besimi është një parim – parimi – i veprimit dhe i fuqisë. Besimi i vërtetë përqendrohet në dhe te Zoti Jezu≈Krisht dhe gjithnjë të çon drejt veprimit.

(Shih “Seek Learning by Faith” [fjalim drejtuar mësuesve të fesë të Sistemit Arsimor të Kishës, 3 shkurt 2006], lds.org/media-library)

Kthehuni te faqja 20.

Diskutoni:Përse besimi i vërtetë çon gjithnjë në veprim? Përse besimi është i nevojshëm që Perëndia të na ndihmojë materialisht dhe shpirtërisht?

Lexoni:Mateu 6:30 dhe citimin nga Lectures on Faith [Leksione mbi Besimin] (në të djathtë)

“Tani nëse Perëndia e vesh kështu barin e fushës, që sot është dhe nesër hidhet në furrë, vallë nuk do t’ju veshë shumë më tepër ju, njerëz besimpakë?”

Mateu 6:30

“A nuk varen të gjitha përpjekjet tuaja të çdo lloji, nga besimi juaj? … Ndërsa i marrim me anë të besimit të gjitha bekimet materiale që vërtet i marrim, po ashtu ne, në mënyrë të ngjashme marrim me anë të besimit të gjitha bekimet shpirtërore që vërtet i marrim. Por besimi nuk është vetëm parimi i veprimit, por edhe i fuqisë.”

Lectures on Faith (1985), f. 2, 3

Veprimtaria

Shtegu drejt mbështetjes te vetja është një udhëtim besimi. Presidenca e Parë dhe Kuorumi i Dymbëdhjetë Apostujve janë duke na ftuar që ta bëjmë rritjen e besimit tonë tek Ati Qiellor dhe Biri i Tij një përparësi në jetën tonë.

Hapi 1: Si grup, lexojini përparësitë profetike në kutinë më poshtë.

Hapi 2: Diskutoni se si nderimi me besnikëri i Shabatit, marrja e sakramentit dhe leximi i Librit të Mormonit do t’ju ndihmojnë të bëheni më të mbështetur te vetja.

Përparësitë dhe Premtimet Profetike
“Përfytyrojeni madhështinë e asaj thënie! Plotësia e tokës u premtohet atyre që e mbajnë ditën e Shabatit të shenjtë” (Rasëll M. Nelson, “Shabati Është një Kënaqësi”, Ensign ose Liahona, maj 2015, f. 130; shih edhe DeB 59:16).
“Shpirtshmëria nuk është e amullt dhe as besëlidhjet [e sakramentit] nuk janë të tilla. Besëlidhjet nuk sjellin vetëm zotime, por ato sjellin fuqi shpirtërore” (Neil L. Andersen, mbledhje trajnimi me Autoritetet e Përgjithshme, prill 2015).
“Ju jap dëshmi se [Libri i Mormonit] mund të bëhet një ‘Urim dhe Thumim’ vetjak në jetën tuaj” (Richard G. Scott, “The Power of the Book of Mormon in My Life”, Ensign, tetor 1984, f. 11).

Zotohuni:Zotohuni që t’i bëni veprimet vijuese gjatë javës. Shenjojeni kutinë kur ta përfundoni secilin veprim.

• Tregojeni besimin tuaj këtë të diel duke e mbajtur ditën e Shabatit të shenjtë dhe duke e marrë me nderim sakramentin.

• Lexoni nga Libri i Mormonit çdo ditë.

• Lexojini shkrimet e shenjta në faqen 21. Zgjidhni njërin prej tyre dhe tregojani atë familjes apo miqve tuaj.

  Shkrime të Shenjta rreth Besimit në Veprim

  Për shkak se Danieli nuk ndalonte së luturi, atë e hodhën në një gropë luanësh, por “Perëndia … dërgoi engjëllin e tij që … mbyll[i] gojën e luanëve, … dhe nuk u gjet mbi të asnjë lëndim sepse kishte pasur besim te Perëndia i tij” (Daniel 6:22–23; shih edhe vargjet 16–21).

  Zoti ia dha Lehit Liahonën për ta udhëhequr familjen e tij dhe “ajo punoi për ta sipas besimit të tyre në Perëndi. … [Kur] ata ishin përtacë dhe harronin të ushtronin besimin dhe zellin e tyre, … ata nuk përparonin në udhëtimin e tyre” (Alma 37:40–41).

  “Sillni gjithë të dhjetat në shtëpinë e thesarit … dhe pastaj më vini në provë për këtë gjë … në se unë nuk do t’i hap pragjet e qiellit dhe nuk do të derdh mbi ju aq shumë bekim, sa nuk do të keni vend të mjaftueshëm ku ta shtini” (Malakia 3:10).

  Gjatë një zie buke, Elija i kërkoi një të veje që t’i jepte vaktin e saj të fundit. Elija i premtoi se, për shkak të besimit të saj, Zoti do t’i siguronte asaj ushqim dhe ushqimi i saj nuk do të mbaronte kurrë. (Shih 1 Mbretërve 17.)

  “Të mjerët dhe të varfërit kërkojnë ujë, por mungon; gjuha e tyre u është tharë nga etja; unë, Zoti do t’ua plotësoj dëshirën; unë, Perëndia i Izraelit, nuk do t’i braktis” (Isaia 41:17; shih edhe vargun 18).