Themeli Im: Komunikoni – Koha Maksimale: 20 Minuta

Përsiatni:Kur iu është përgjigjur Ati Qiellor lutjeve të mia?

Shihni:“Creating Lift” [“Krijimi i Forcës Ngritëse”], në dispozicion te srs.lds.org/videos. (Nuk keni material filmik? Lexoni faqen 145.)

Krijimi i Forcës Ngritëse

Nëse nuk jeni në gjendje ta shihni materialin filmik, lexojeni këtë skenar.

Presidenti Diter F. Uhtdorf: Me qëllim që një aeroplan të ngrihet nga toka, duhet krijuar një forcë ngritëse. Në aerodinamikë, forca ngritëse krijohet kur ajri kalon te krahët e një aeroplani në mënyrë të tillë që trysnia nga poshtë krahëve të jetë më e madhe sesa trysnia sipër krahëve. Kur forca ngritëse e tejkalon tërheqjen poshtë të gravitetit, aeroplani ngrihet nga toka dhe arrin të fluturojë.

Në një mënyrë të ngjashme, ne mund ta krijojmë forcën ngritëse në jetën tonë shpirtërore. Kur forca që na shtyn drejt qiellit, është më e madhe sesa tundimet dhe ankthi që na tërheqin poshtë, ne mund të ngjitemi dhe të fluturojmë në mbretërinë e Shpirtit.

Edhe pse ka shumë parime të ungjillit që na ndihmojnë të arrijmë forcën ngritëse, do të më pëlqente të përqendrohesha te njëra në veçanti.

Lutja!

Lutja është një nga parimet e ungjillit që siguron forcë ngritëse. Lutja ka fuqinë të na ngrejë nga shqetësimet tona tokësore. Lutja mund të na ngrejë përmes reve të dëshpërimit ose errësirës për te një horizont i ndritshëm e i kthjellët.

Një nga bekimet, privilegjet dhe mundësitë më të mëdha që kemi si fëmijë të Atit tonë Qiellor, është se ne mund të komunikojmë me Të nëpërmjet lutjes. Mund t’i flasim Atij për përvojat tona jetësore, sfidat dhe bekimet. Ne mund ta dëgjojmë e të marrim udhërrëfim qiellor nga Shpirti i Shenjtë në çdo kohë e në çdo vend.

(Shih Dieter F. Uchtdorf, “Prayer and the Blue Horizon”, Ensign ose Liahona, qershor 2009, f. 5–6)

Kthehuni te faqja 144.

Diskutoni:Si mund t’i dallojmë përgjigjet ndaj lutjeve tona? Përse është dëgjimi një pjesë thelbësore e lutjes?

Lexoni:Doktrina e Besëlidhjet 8:2 dhe citimin nga Presidenti Rasëll M. Nelson (në të djathtë)

“Unë do të të them në mendjen tënde dhe në zemrën tënde, me anë të Frymës së Shenjtë, që do të vijë mbi ty dhe që do të banojë në zemrën tënde.”

Doktrina e Besëlidhje 8:2

“Shpirti juaj do të bekohet teksa mësoni të dëgjoni, më pas tek dëgjoni për të mësuar nga fëmijët, prindërit, shokët, fqinjët dhe udhëheqësit e Kishës, gjithçka prej të cilave do ta zgjerojë aftësinë për të dëgjuar këshilla nga lart.”

Russell M. Nelson, “Listen to Learn”, Ensign, maj 1991, f. 24

Diskutoni:Përse është të dëgjuarit një aftësi thelbësore? Si mund të na ndihmojë në punën tonë të dëgjuarit me kujdes?

Veprimtaria

Hapi 1: Si grup, lexojini hapat më poshtë dhe diskutoni shkurtimisht për to.

Hapi 2: Kërkojini njërit ose dy prej anëtarëve të grupit t’u tregojnë të tjerëve rreth një sfide apo pyetjeje që ata kanë. Çdokush tjetër duhet të përpiqet të dëgjojë, duke i ndjekur këto hapa.

Hapi 3: Kur të mbaroni, pyetini anëtarët e grupit që folën se si u ndien kur grupi u përpoq vërtet të dëgjonte.

Lexoni:Citimet nga Presidenti Henri B. Ajring dhe Plaku Robert D. Hejls (në të djathtë)

“Ati ynë Qiellor i dëgjon lutjet e fëmijëve të Tij [anembanë] tokë[s], që luten për ushqim për të ngrënë, për rroba për t[’i] mbuluar trupat e tyre dhe për dinjitetin që do të rridhte nga të qenët në gjendje për të siguruar për vete.”

Henri B. Ajring, “Mundësi për të Bërë Mirë”, Ensign ose Liahona, maj 2011, f. 22

“Ne duhet të kërkojmë ndihmë nga Ati ynë Qiellor dhe të kërkojmë forcë përmes Shlyerjes së Birit të Tij, Jezu Krishtit. Në të dyja, si në gjërat materiale, ashtu dhe ato shpirtërore, marrja e kësaj ndihme hyjnore na mundëson të bëhemi kujdestarë të matur për vete dhe për të tjerë.”

Robert D. Hejls, “Të Bëhemi Kujdestarë të Matur, Materialisht dhe Shpirtërisht”, Ensign ose Liahona, maj 2009, f. 8

Zotohuni:Zotohuni që t’i bëni veprimet vijuese gjatë javës. Shenjojeni kutinë kur ta përfundoni secilin veprim.

• Lutuni individualisht dhe si familje çdo mëngjes e çdo natë. Shpenzoni kohë pas çdo lutjeje që të dëgjoni plot nderim për udhërrëfim.

• Tregojani familjes apo miqve tuaj atë që keni mësuar sot rreth komunikimit.