Themeli Im: Zgjidhini Problemet – Koha Maksimale: 20 Minuta

Përsiatni:Përse Ati Qiellor lejon që të përballemi me probleme dhe sfida?

Shihni:“A Bigger Truck?” [“Një Kamion më i Madh?”] në dispozicion te srs.lds.org/videos. (Nuk keni material filmik? Lexoni faqen 73.)

Një Kamion më i Madh?

Nëse nuk jeni në gjendje ta shihni materialin filmik, lexojeni këtë skenar.

Plaku Dallin H. Ouks: Dy burra formuan një ortakëri. Ata ndërtuan një depo të vogël anës një rruge të rrahur. Ata siguruan një kamion dhe shkuan me të në fushën e një fermeri, ku blenë një ngarkesë të plotë me shalqinj me një dollar copa. Ata e çuan kamionin e ngarkuar në depon e tyre, ku i shitën shalqinjtë me një dollar copa. Ata shkuan përsëri te fusha e fermerit dhe blenë një ngarkesë tjetër të plotë me shalqinj me një dollar copa. Duke i çuar anës rrugës, ata e shitën sërish një shalqi me një dollar. Duke u kthyer drejt fushës së fermerit për të marrë një ngarkesë tjetër, njëri nga ortakët i tha tjetrit: “Ne nuk po bëjmë shumë para me këtë biznes, apo jo?” “Jo, nuk po bëjmë”, u përgjigj ortaku i tij. “A mendon se na duhet një kamion më i madh?”

(“Focus and Priorities”, Ensign, maj 2001, f. 82)

Kthehuni te faqja 72.

Diskutoni:Cili është problemi i vërtetë në këtë histori? Cilat janë disa nga mundësitë për të dy burrat?

Lexoni:Doktrina e Besëlidhjet 9:7–9 dhe citimin nga Plaku Robert D. Hejls (në të djathtë)

“Vër re, ti nuk ke kuptuar; ke menduar se do të ta jap atë, kur ti nuk e more mundimin as për të më pyetur.

Por, vër re, unë të them se ti duhet ta studiosh atë tërësisht në mendjen tënde; më pas ti duhet të më pyesësh nëse është e drejtë dhe nëse është e drejtë, unë do të bëj që kraharori yt do të digjet përbrenda; si rrjedhim, do ta ndiesh që është e drejtë.

Por nëse nuk është e drejtë, ti nuk do të kesh ndjenja të tilla, por do të kesh një mpirje të mendimit që do të të bëjë ta harrosh gjënë që është e gabuar.”

Doktrina e Besëlidhje 9:7–9

“Zoti pret nga ne që të ndihmojmë për zgjidhjen e vetë problemeve tona. … Ne jemi qenie njerëzore që mendojmë e arsyetojmë. Ne kemi zotësinë t’i dallojmë nevojat tona, të planifikojmë, të vendosim synime dhe t’i zgjidhim problemet tona.”

Robert D. Hales, “Every Good Gift”, New Era, gusht 1983, f. 8, 9

Veprimtaria

Hapi 1: Zgjidhni një partner dhe lexojini hapat më poshtë.

Hapi 2: Zgjidhni një problem që po hasni dhe shkruajeni poshtë.

Hapi 3: Zbatoni çdo hap për problemin tuaj.

Përcaktoni:

Mundësitë e studimit:

Vendosni dhe veproni:

Lexoni:1 Nefi 17:51 dhe 1 Nefi 18:2–3 (në të djathtë)

“Dhe tani, në qoftë se Zoti ka fuqi kaq të madhe dhe ka bërë kaq shumë mrekulli mes fëmijëve të njerëzve, si është e mundur që ai nuk mund të më udhëzojë që unë të ndërtoj një anije?”

1 Nefi 17:51

“Tani, unë, Nefi, nuk i punova trarët sipas mënyrës që mësohej nga njerëzit, as nuk e ndërtova anijen sipas mënyrës së njerëzve; por e ndërtova atë sipas mënyrës që Zoti më tregoi; prandaj ajo nuk ishte sipas mënyrës së njerëzve.

Dhe unë, Nefi, shkova në mal shpesh dhe iu luta Zotit shpesh; prandaj Zoti më tregoi gjëra të mëdha.”

1 Nefi 18:2–3

Diskutoni:Në ç’mënyrë qe në gjendje Nefi ta ndërtonte një anije?

Zotohuni:Zotohuni që t’i bëni veprimet vijuese gjatë javës. Shenjojeni kutinë kur ta përfundoni secilin veprim.

• Veproni sipas hapave që diskutuat te veprimtaria me qëllim që të filloni ta zgjidhni problemin tuaj. Mbani mend, mos hiqni dorë! Duhet kohë për t’i zgjidhur problemet e për të bërë ndryshime.

• Tregojani familjes apo miqve tuaj atë që keni mësuar sot rreth zgjidhjes së problemeve.