Përmbledhje Historike

Kronologjia e mëposhtme jep një kuadër të shkurtër historik për mësimet e Presidentit Lorenco Snou të paraqitura në këtë libër.

3 prill 1814	Lindur në Mantua të Ohajos, nga Rozeta Leonora Petiboun Snou dhe Oliver Snou.
1832	Dëgjon predikimin e Profetit Jozef Smith në Hiram të Ohajos.
1835	Largohet nga shtëpia për të studiuar në Kolegjin e Oberlinit në Oberlin të Ohajos. Takohet me Plakun Dejvid W. Paten të Kuorumit të Dymbëdhjetë Apostujve gjatë rrugës.
1836	Largohet nga Kolegji i Oberlinit dhe transferohet në Kirtland të Ohajos për të studiuar hebraisht. Përqafon ungjillin e rivendosur dhe pagëzohet e konfirmohet në qershor. Më vonë shugurohet plak. Në dhjetor merr një bekim patriarkal nga Jozef Smithi Plaku.
1837	Predikon ungjillin në Ohajo.
tetor 1838 - maj 1840	Shërben në një mision tjetër, duke predikuar ungjillin në Ohajo, Misuri, Kentaki dhe Ilinois, dhe punon si mësues shkolle gjatë dimrit të 1839–1840.
maj 1840	Largohet nga Navu, Ilinois, për të shërbyer një mision në Angli. Nën drejtimin e Kuorumit të Dymbëdhjetë Apostujve, kryeson Kishën në Londër, Angli, dhe në zonën përreth. Boton një pamflet të titulluar The Only Way to Be Saved [E Vetmja Mënyrë për t’u Shpëtuar].
12 prill 1843	Mbërrin në Navu të Ilinoisit me 250 të kthyer në besim, shenjtorë të ditëve të mëvonshme nga Anglia.
Fundi i 1843-shit dhe fillimi i 1844-ës	Jep mësim në një shkollë në Lima të Ilinoisit.
1844	Mbikëqyr një fushatë në Ohajo për zgjedhjen e Jozef Smithit si president të Shteteve të Bashkuara. Rikthehet në Navu pasi mëson për martirizimin e Jozef dhe Hajrëm Smithit, që ndodhi më 27 qershor.
janar 1845	Caktohet nga Presidenti Brigam Jang të udhëtojë nëpër Ohajo dhe të mbledhë dhurime për ndërtimin e Tempullit të Navusë.
1845	Bën martesë me më shumë se një grua, siç praktikohej atëherë në Kishë, duke u martuar me Sharlot Skuajërs dhe me Meri Edëlain Godard.
shkurt 1846	Largohet nga Navuja me anëtarët e familjes dhe shenjtorë të tjerë të ditëve të mëvonshme pasi merr indaumentet dhe vulosjet në Tempullin e Navusë.
1846 - 1848	Jeton me familjen e tij në një vendbanim të quajtur Maunt-Pisga [Mount Pisgah / Mali Pisga] në shtetin e Ajouas. Kryeson mbi një vendbanim për një kohë. Në pranverën e 1848-ës kryeson një grup shenjtorësh për në Solt-Lejk-Siti.
12 shkurt 1849	Shugurohet Apostull në Solt-Lejk-Siti.
1849	Mbledh dhurime për Fondin e Përhershëm të Emigrimit.
1849 - 1852	Shërben një mision në Itali. Gjithashtu shërben në Angli, ku ai mbikëqyr botimin e Librit të Mormonit në italisht, dhe në Zvicër e Maltë. Boton një pamflet të titulluar The Voice of Joseph [Zëri i Jozefit].
1852	Zgjidhet në Parlamentin e Shtetit të Jutas.
1853	Thirret nga Presidenti Brigam Jang të kryesojë një vendbanim të shenjtorëve të ditëve të mëvonshme në kontenë Boks-Elder, që ndodhet në Jutan veriore. Qytetin kryesor e emërton Brigam-Siti. Shërben për shumë vite si udhëheqës në Kishë dhe në komunitet.
mars 1864 - maj 1864	Me një grup të udhëhequr nga Plaku Ezra T. Benson të Kuorumit të Të Dymbëdhjetëve, shërben në një mision të shkurtër në Ishujt Havai.
tetor 1872 - korrik 1873	Me një grup të udhëhequr nga Presidenti Xhorxh A. Smith, Këshilltar i Parë në Presidencën e Parë, bën një turne në pjesë të Europës dhe të Lindjes së Mesme, përfshirë Tokën e Shenjtë. Udhëtimi u krye me kërkesë të Presidentit Brigam Jang.
1882	Kongresi i Shteteve të Bashkuara miraton Aktin Edmunds, duke e bërë martesën me më shumë se një grua krim dhe duke ndaluar poligamistët të votonin, të mbanin poste zyrtare apo të kryenin detyra si anëtarë jurie gjyqësore.
gusht 1885 - tetor 1885	Shërben në misione midis amerikanëve vendas në veriperëndim të Shteteve të Bashkuara dhe në shtetin e Uajomingut.
12 mars 1886 - 8 shkurt 1887	Burgoset për praktikim të martesës me më shumë se një grua.
1887	Kongresi i Shteteve të Bashkuara miraton Aktin Edmunds-Tucker, një tjetër ligj kundër poligamisë, që lejoi qeverinë federale të konfiskonte shumë nga pasuritë e patundshme të Kishës. Akti bëhet ligj më 3 mars 1887.
21–23 maj 1888	Lexon lutjen e dedikimit në seancat e dedikimit të Tempullit të Mantit të Jutas. Presidenti Uillford Udraf e pati përkushtuar tempullin më 17 maj.
7 prill 1889	Mbështetet si President i Kuorumit të Dymbëdhjetë Apostujve.
19 maj 1893 - shtator 1898	Shërben si president i parë i Tempullit të Solt-Lejkut.
2 shtator 1898	Bëhet Apostulli më i vjetër dhe udhëheqësi kryesues i Kishës me vdekjen e Presidentit Uillford Udraf. Merr një shfaqje hyjnore në Tempullin e Solt-Lejkut, në të cilën Zoti e udhëzon të vazhdojë me riorganizimin e Presidencës së Parë.
13 shtator 1898	Mbështetet nga Kuorumi i Dymbëdhjetë Apostujve si President i Kishës. Fillon të shërbejë si President.
9 tetor 1898	Mbështetet si President i Kishës gjatë konferencës së përgjithshme.
10 tetor 1898	Veçohet si President i Kishës së Jezu Krishtit të Shenjtorëve të Ditëve të Mëvonshme.
maj 1899	Udhëton për në Seint-Xhorxh të Jutas, ku merr një zbulesë për t’u predikuar ligjin e së dhjetës shenjtorëve. Fillon ta ndajë këtë mesazh në Seint-Xhorxh dhe udhëheq një përpjekje për ta ndarë atë kudo në Kishë.
1 janar 1901	Boton një deklaratë të titulluar “Greeting to the World” [“Përshëndetje Botës”] për të mirëpritur shekullin e 20-të.
10 tetor 1901	Vdes në Solt-Lejk-Siti të Jutas në moshën 87-vjeçare.