Lesona 1 Anomea mo le Sauniuniga o le Vasega: Suesueina o le Aoaoga Faavae Autu o le Aiga e Faavavau
“Lesona 1 Anomea mo le Sauniuniga o le Vasega: Suesueina o le Aoaoga Faavae Autu o le Aiga e Faavavau,” Anomea a le Faiaoga O Le Aiga e Faavavau (2022)
“Lesona 1 Anomea mo le Sauniuniga o le Vasega,” Anomea a le Faiaoga O Le Aiga e Faavavau
Ata
O se tane ma se ava o fiafia faatasi ma le la tama laitiiti
Lesona 1 Anomea mo Sauniuniga o le Vasega
Suesueina o le Aoaoga Faavae Autu o le Aiga e Faavavau
Maliu mai ia i le kosi o le Aiga e Faavavau! O mea moni o le a e aoaoina i le gasologa o lenei kosi, e tuufaatasia ma le faatinoina o uunaia e te lagonaina, e mafai ona fesoasoani ia te oe ma lou aiga e faalatalata atili ai i le Atua ma maua ai faamanuiaga uma e finagalo ai o Ia mo oe. O le a atili mafai ai foi ona e fesoasoani atu i isi e faia le mea lava e tasi.
A o e suesueina anomea nei mo le lesona 1, mafaufau i faamanuiaga ma le olioli e finagalo le Tama Faalelagi i Ana fanau uma ia latou o’o i ai ma pe faapefea ona fesootai lena mea i aiga.
Manatua: O anomea mo sauniuniga o le a tuuina atu ai ia te oe se faavae mo lou aafiaga i le vasega. O le suesue o anomea taitasi mo sauniuniga o le lesona a o le’i oo i le vasega, o le a fesoasoani e te maua ai se aafiaga loloto atu ma sili atu le anoa e aoao ai pe a e i ai i le vasega.
Vaega 1
O le a se eseesega e mafai e le talitonuina o le alofa atoatoa ma le poto o le Tama Faalelagi ma Iesu Keriso ona faia i lo’u lava olaga ma le olaga faaleaiga?
O loo siomia i tatou i manatu eseese e uiga i le autu o le aiga. O nisi taimi o vaaiga faaagafesootai ua talia e uiga i le aiga, e matua’i faafeagai tonu ma le fuafuaga a le Tama Faalelagi. O le tele o lo tatou iloa ma malamalama i uiga o le Tama Faalelagi ma Iesu Keriso, o le tele foi lena e mafai ai ona tatou faatuatuaina a La’ua aoaoga ma fautuaga, e aofia ai ma mataupu i le aiga. A tatou faia lena mea, e mafai ona tatou aoao e vaai i mea e pei ona La silasila i ai---mai se vaaiga e faavavau.
Faitau le 2 Nifae 26:24; Mosaea 4:9; ma le Isaia 55:8–9, ma vaavaai mo upumoni e uiga i le Tama Faalelagi ma Iesu Keriso ia e mafai ona fesoasoani ia te oe e te faatuatuaina ai i La’ua. Mafaufau e faailoga mea e te mauaina.
Mafaufau pe faapefea e faamatalaga o le Tama Faalelagi ma Iesu Keriso i nei mau ona tosina ai le ala e te filifili ai e vaai atu i mataupu maaleale ma fesili e faatatau i le aiga. Na aoao mai Elder Richard G. Scott o le Korama a Aposetolo e Toasefululua:
Ata
Elder Richard G. Scott
I le avea ai ma ou Tama, o Lona faamoemoega o lou fiafia e faavavau, o lou atiina ae pea lava, o lou gafatia faateleina. O Lona finagalo ia faasoa atu ia te oe mea uma ua ia te Ia. (“Obtaining Help from the Lord,” Ensign, Nov. 1991, 86)
Ata
aikona, suesue
Suesue e Sauniuni ai mo le Vasega
I se taumafaiga faaperofetaga e “lapatai ma muai lapatai” mai mea taufaasese a le lalolagi, na faamatuu mai ai e le Au Peresitene Sili ma le Korama a Aposetolo e Toasefululua se folafolaga e uiga i le aiga i le 1995 (tagai Gordon B. Hinckley, “Stand Strong against the Wiles of the World,” Ensign, Nov. 1995, 100). Faitau le “O Le Aiga: O Se Folafolaga i le Lalolagi” (ChurchofJesusChrist.org), ma mafaufau pe o a mea o aoao mai ai e uiga i faamanuiaga ma le fiafia e finagalo ai le Tama Faalelagi mo oe ma lou aiga. Atonu e te manao e failoga ia faamaoniga o Lona alofa ma mea e finagalo ai mo lou fiafia.
Mafaufau i ni nai faafitauli faaleagafesootai i le taimi nei po o fesili o loo talanoaina e upumoni o loo tautino mai i le folafolaga i le aiga. O le a se taua o i ai iina i le faatuatuaina o le poto ma le vaaiga faavavau a le Tama Faalelagi ma Iesu Keriso i lo le poto ma le vaaiga a le lalolagi i nei autu?
Vaega 2
E mafai faapefea ona tatou faavaeina se siosiomaga saogalemu e talanoaina ai mataupu maaleale?
Mafaufau i le tulaga o lou aiga, o mea maoae, ma luitau. O faapefea ona ese lou aiga mai isi aiga e te iloa? O nisi o o tatou lagona aupito malolosi e fesootai ma o tatou aiga. Pe a tatou talanoaina le aoaoga faavae autu o le aiga, e tatau ona tatou manatua o isi tulaga faaleaiga ma aafiaga, e ono ese nai o tatou lava. O le manatua o lenei mea, e mafai ona fesoasoani tatou te alolofa atili ai, nofouta atili ma faaaloalo atili i se ala tatou te talanoaina ai le aoaoga faavae autu o le aiga. O le faia o lea mea, tatou te tapena lelei ai mo le Agaga Paia e aoao loloto atili ai i tatou e uiga i aiga ma faamoemoega o lo tatou Tama Faalelagi.
O Iesu Keriso o lo tatou faataitaiga sili lea o le i ai o le alofa mama mo tagata taitoatasi i tulaga uma lava. Faitau le Moronae 7:45--48. Mafaufau i ni taimi i lou olaga na faaali atu ai e le Faaola ia te oe le alofa mama, ma mafaufau i le eseesega na faia e lena mea mo oe.
I le avea ai o ni soo o Iesu Keriso, o loo tatou taumafai pea e avea atili e faapei o Ia ia tatou tala uma ma mea uma tatou te fai. E manaomia ai le faataitai e faalogo atu i isi ma aoao mai ma faasoa atu mea moni i ala agaalofa, magafagafa, ma le faaaloalo. Pe a oo ina tatou oo atu i talatalanoaga magafagafa ma le alofa mama e uiga i autu e fesootai i le aiga, ua tatou faapei o le Faaola. Afai tatou te loto i ai, e mafai e le Agaga Paia ona fesoasoani ia i tatou ia tatou iloa la tatou vaega mo le faatuina ma le tausisia o se siosiomaga i le potuaoga e tumu i le faaaloalo, mo le aoaoina o mea moni.
Ua aoao mai Elder Neil L. Andersen o le Korama a Aposetolo e Toasefululua:
Ata
Elder Neil L. Andersen
O la’u augani i le asō e mo le faitau selau o afe o fanau, o le autalavou, ma talavou matutua o ē, ona o le leai o se upu sili atu, e o mai mai ni aiga “atoatoa.” Ou te talanoa atu e le gata mo le autalavou ua oo i le maliliu, tete’a, po o le faaitiitia o le faatuatua o o latou matua, ae faapena foi i le faitau sefulu o afe o alii talavou ma tamaitai talavou i le lalolagi atoa o e ua taliaina le talalelei e aunoa ma se tina po o se tama e o mai faatasi i le Lotu ma i latou.
E ulufale mai nei talavou o le Au Paia o Aso e Gata Ai i le Ekalesia ma le faatuatua tele. Latou te faamoemoe e fatua’i le faataitaiga o le aiga i o latou lava olaga i se aso o lumanai. I taimi tatau ai, o le a avea i latou ma se vaega taua o lo tatou malosiaga faafaifeautalai, o a tatou talavou matutua amiotonu, ma i latou o e tootutuli i se fata faitaulaga e amatalia o latou lava aiga.
O le a tatou faaauau pea ona aoao atu le mamanu a le Alii mo aiga, ae o le taimi nei faatasi ma le faitau miliona o tagata o le ekalesia, ma le eseesega ua tatou maua i fanau a le Ekalesia … , ua manaomia ona tatou mafaufau atili ma nofouta. …
Ia tatou mafaufau ia i latou, faafeiloai i latou, talia i latou, ma faia mea uma tatou te mafaia e faamalosia ai lo latou alolofa mo le Faaola. (“Ai Se Ua Talia i Latou, Ua Talia A’u,” Liahona, Me 2016, 49–50, 52)
Ata
aikona, tusifaamaumau
Tusifaamaumau Ou Manatu
Tomanatu i ou lava aafiaga ma le eseesega e mafai ona e faia e ala i le soso atu ma le alofa mama i le talanoaina o autu maaleale e uiga i le aiga. Tusitusi mea e mafai ona e faia e fesoasoani ai i isi ia lagonaina le alofagia ma le faaaloalogia a o talanoaina na ituaiga o autu mai se vaaiga i upumoni faavavau.