1 Koro sese, Jehovah, Jehovah mme Udim, emen ke Jerusalem efep, ye ke Judah, ibriresit ye iberedem, ofuri iberedem uyo, ye ofuri ibriresit mmɔŋ—

2 Owo uko, ye owo ekɔŋ, ye ebiere ikpe, ye prophet, ye etiŋ enyin, ye owo eset;

3 Etubom owo aba ye duop, ye akamba owo, ye ɔnɔ item, ye ɔfiɔk ubɔk-utom, ye akwa-ikɔ.

4 Ndien ami nyɔnɔ nditɔwɔŋ nte edi mbɔŋ mmɔ, ndien nsek nditɔ eyekara mmɔ.

5 Ndien eyefik mme owo, owo kiet kiet ye kiet eken, ndien owo kiet kiet ye mbɔhɔiduŋ esie; eyenɔwɔŋ ayataŋidem ye owo eset, ndien obukpo owo ye akamba owo.

6 Ke ini owo edimumde eyeneka esie eren ke ufɔk ete esie, onyuŋ ɔdɔhɔ ete: Afo emenyene ɔfɔŋ-idem, afo di andikara nnyin, kunyuŋ uyak nsobo emi esine fi ke ubɔk—

7 Ke usen oro ke enye editomo, ete: Ami ndidighe abia-ibɔk; koro ke ufɔk mi uyo mme ɔfɔŋ-idem iduhe; ekunim mi andikara mme owo.

8 Koro esobo Jerusalem, ndien Judah ɔduɔ, koro edeme mmɔ ye ido mmɔ ekeduede Jehovah, enyuŋ eyatde enyin ubɔŋ esie.

9 Ŋwed iso mmɔ etie ntiense abaŋa mmɔ, onyuŋ ayarade idiɔk ŋkpɔ mmɔ ete ke etie kpa nte eke Sodom, ndien mmɔ ikemeke ndidip enye. Ɔyɔdiɔk ɔnɔ ukpɔŋ mmɔ, koro mmɔ edade utip idiɔk enɔ idem mmɔ!

10 Mbufo edɔhɔ nnen nnen owo ete ke ɔfɔn ɔnɔ mmɔ; koro mmɔ eyedia mfri ido mmɔ.

11 Ɔyɔdiɔk ɔnɔ mme idiɔk owo, koro mmɔ eyetak; koro utip ubɔk mmɔ oyodu ye mmɔ!

12 Ndien ikɔt mi, nditɔ-ɔwɔŋ edi mme andifik mmɔ, ndien iban ekara mmɔ. O ikɔt mi, mmɔ emi edade mbufo usuŋ enam mbufo edue enyuŋ ebiat usuŋ ikpat mbufo.

13 Jehovah adaha ada ndikpe ikpe, onyuŋ ada ndibiere ikpe nnɔ mme owo.

14 Jehovah oyoduk ke ubiere ikpe ye mbon eset ikɔt esie ye mme mbɔŋ; koro mbufo emeta iŋwaŋ-vine ndien mbume mme ubuene edu ke ufɔk mbufo.

15 Nsinam mbufo? Mbufo emia ikɔt mi ekpok, enyuŋ etukde iso mme ubuene, Jehovah Abasi mme Udim ɔdɔhɔ.

16 Ŋko, Jehovah ɔdɔhɔ ete: Ke ntak emi nditɔ iban Zion etaŋde idem, enyuŋ esaŋade etop itɔŋ enyuŋ esuande enyin use, ewetde isaŋ nte mmɔ esaŋade, enyuŋ enamde uyom ye ikpat mmɔ—

17 Ke ntak oro Jehovah ayamia anyanya ibuot nditɔ iban Zion ye ibɔ, ndien Jehovah ɔyɔfuhɔde mmɔ iferi.

18 Ke usen oro Jehovah oyosio uyai ke ŋkpɔ mbana anamde uyom efep, ye mme bɔkit, ye ekara ekara ŋkpɔ mbana nte ɔfiɔŋ;

19 Mme ŋkwa itɔŋ ye mme okpoho ubɔk, ye mme ŋkpɔ ufuk idem;

20 Mme uyaribuot, ye mme ŋkpɔkɔbi ukot, ye mme mbɔbɔ ibuot, ye mme ekpeme kɔmfi, ye mme ŋkpaha-utɔŋ;

21 Mme mkpanuen, ye mme mkpanuen ibuo;

22 Mme edisine ŋkpɔ ubɔŋ, ye mme ewura, ye mme cloak, ye mme ŋkpɔ idet;

23 Mme ukut-iso, ye ediye linen, ye mme ɔfɔŋ ibuot, ye mme ɔfɔŋ ufukiso.

24 Ndien eyedikem, ke itie edinem ufik uŋwaŋ ɔyɔwɔrɔ; ndien ke itie ubɔp-isin, ŋwaha; ndien ke itie ediye idet, ibɔ; ndien ke itie akamba ɔfɔŋidem, ukune ɔfɔŋ ikpo; nta-ikaŋ ke itie uyai.

25 Iren owo fo eyeduɔŋɔ ke ofut ye mbon uko fo ke ekɔŋ.

26 Ndien mme inua otop esie eyeseme enyuŋ efuhɔ; ndien enye eyedi ukpɔk, onyuŋ etie ke isɔŋ.