1 Ndien ke usen oro afo ɔyɔdɔhɔ ete: O Jehovah, ami nyetoro fi; okposuk edi afo akayatde esit ye ami iyaresit fo ama etre, ndien afo ɔdɔŋ mi esit.

2 Sese, Abasi edi edinyaŋa mi; ami nyɔbuɔt idem, ndien ndifeheke ndik; koro Jah Jehovah edide odudu mi ye ikwɔ mi; enye ŋko akabade edi edinyaŋa mi.

3 Ke ntre, ye idaresit ke afo edibɔ mmɔŋ ito mme obube mmɔŋ edinyaŋa.

4 Ndien ke usen oro ke mbufo edidɔhɔ ete: Etoro Jehovah, ekot enyiŋ esie, etiŋ mme utom esie ke mme idut, enam efiɔk ete ke emenede enyiŋ esie.

5 Ekwɔ enɔ Jehovah; koro enye anamde mme mfɔn-mma ŋkpɔ; emi ke efiɔk ke ofuri ererimbot.

6 Sio mkpo idara nyuŋ kwɔ, afo andiduŋ Zion; koro Edisana Abasi Israel okponde ke ufɔt fo.